2 Samuel 8:2 - Mbeti ti Nzapa - Tënë so amu fini

² Lo hon nga ndö ti azo ti Moab na bira, lo zia ala, ala lango na sese, lo diko ala si na popo ti azo ota, lo fâ azo use si lo zia oko; lo sara gi tongaso ngbii asi na ndani. Nilaa azo ti Moab aga azo ti gbe ti David si ala yeke futa lapo na lo.

2 Samuel 8:2 ပူးပေါင်းရင်းမြစ်များ

2 Samuel 12:31

David amu azo ti gbata ni ague na ala; lo mu na ala angangu kua ti sarango ni. Ambeni ayeke suru akeke, ambeni ayeke de tere ti atêne, ambeni ayeke de akeke, ambeni ayeke do ya ti potopoto ti sara na biriki. David asara mara ti ye tongaso na azo ti agbata ti azo ti Amon kue. Na pekoni, David na aturugu ti lo kue akiri na Jérusalem.

2 Samuel 8:6

David azia agovoronere na ndö ti ala, ala ga azo ti gbe ti lo si ala yeke futa lapo na lo. *KOTA GBIA asara si David aso benda na ndö ti awato ti lo na ndo so kue lo yeke gue daa.

2 Agbia 1:1

Na peko ti kuâ ti gbia Akab, azo ti Moab atomboka na tere ti azo ti Israel.

2 Agbia 17:3

Salmanasar, gbia ti Asirii aga ti tiri bira na Osée. Osée aga zo ti gbe ti lo si ayeke futa lapo na ngu oko oko.

1 Mbai 18:2

Lo hon nga ndö ti azo ti Moab na bira, ala ga azo ti gbe ti lo si ala yeke futa lapo na lo.

2 Mbai 26:8

Azo ti mara ti Amon ayeke futa lapo na Ozias. Sango ti Ozias ague ngbii asi na ayanga ti kodro ti Ezipte, ngbanga ti so lo ga ngangu gbia mingi.

Abia (Psaumes) 108:9

Galaad ayeke ti mbi, Manase ayeke ti mbi. Mbi mu Efraim titene aga kpoto ti wen na li ti mbi; mbi mu Juda titene aga keke ti komandema ti mbi.

Abia (Psaumes) 18:45

Mbi tene gi tënë oko, ala sara ye alingbi na ni; awande awoko mbi na anzerengo tënë.

Abia (Psaumes) 60:10

Moab ayeke tongana kota sembe so mbi yeke sukula ngu na ya ni; mbi bi poro ti gere ti mbi na ndö ti Edom ti fa so sese ni aga ti mbi biani awe. Azo ti Filistii, ala baa ti ala atene, fade ala yeke dekongo ti songo benda na ndö ti mbi?”

Abia (Psaumes) 60:8

Na ya ti kota da ti lo so ayeke nde si ayeke nzoni kue, Nzapa atene tënë, lo tene: “Mbi so benda awe! Mbi yeke kangbi gbata ti Sishem na azo; mbi yeke haka popo-hoto ti Sukot ti mu na azo.

Abia (Psaumes) 83:6

Ala ma tere si ala kue ayeda ti ga *ambuki ti ke mo.

Ésaïe 36:16

Ala ma tënë ti Ezekias pepe, me ala ma gi tënë so gbia ti Asirii ayeke tene na ala; lo tene: Ala sara songo na mbi, ala zia tere ti ala na maboko ti mbi si fade zo oko oko na popo ti ala ayeke te le ti *vinye ti lo na le ti keke ti fige ti lo si lo yeke nyon ngu ti du ti ngu ti lo.

Wungo ti azo 24:17

Mbi baa ye so ayeke si gbanda, ye ni ayeke si fadeso pepe. Mbi baa mbeni ye so ayeke si ande, ye ni ayeke si fafadeso pepe. Mbeni tongoro ayeke sigigi na popo ti *ahale ti Jacob, mbeni gbia ayeke baa gigi na popo ti azo ti Israel. Lo yeke pika azo ti mara ti Moab na keke ti lo ti gbia, lo yeke pika abio ti li ti azo ti mara ti Set.

1 Samuel 10:27

Me ambeni buba zo atene: “Koli so ayeke soo ande e na kuâ tongana nyen?” Ala baa lo tongana mbeni mbumbuse zo si ala ke ti ga na akadoo na lo. Me Saul azi yanga daa oko pepe.

1 Samuel 14:47

Gi so Saul aga gbia ti Israel awe, lo tiri bira na awato ti lo kue so angoro lo: azo ti Moab, azo ti Amon, azo ti Edom, agbia ti Soba nga na azo ti Filistii. Na ndo so kue lo hon daa, lo so benda.

1 Samuel 22:3

David alondo na ndo so lo gue na Mispe, na sese ti Moab. Lo tene na gbia ti Moab: “Mbi gbu gere ti mo, zia lege na babâ ti mbi na mama ti mbi ti ga ti duti na tere ti mo ngbii mbi hinga ye so Nzapa ayeke sara ande ndali ti mbi si.”

1 Samuel 22:4

David ague na babâ na mama ti lo na dawa ti gbia ti Moab; ala ngba na tere ti gbia ngbii asi na ngoi so kue David ahonde tere ti lo so.