2 Samuel 8:18 - Mbeti ti Nzapa - Tënë so amu fini

¹⁸ Benaya, molenge ti Yoyada ayeke makonzi ti azo ti Kereti na ti Peleti, azo ti batango gbia; amolenge ti David ayeke nga awayango-sandaga.

2 Samuel 8:18 ပူးပေါင်းရင်းမြစ်များ

2 Samuel 15:18

Aturugu kue ti gbia atambula na gbe ti le ti lo: ala ti Kereti na ti Peleti, na aturugu ti Gat so wungo ti ala ngbangbo omene so amu lani peko ti David, ala yeke tambula na gbe ti le ti lo.

2 Samuel 20:23

Yoab ayeke makonzi ti aturugu ti Israel kue. Benaya, molenge ti Yoyada ayeke makonzi ti azo ti Kereti na ti Peleti so ayeke aturugu ti batango gbia;

2 Samuel 20:26

Ira, mbeni *hale ti Yair ayeke nga wayango-sandaga so ayeke sara kua na David.

2 Samuel 20:7

Aturugu so Yoab ayeke na li ti ala, ala na aturugu ti Kereti na ti Peleti, so ti tene akpengba turugu kue, ala mu peko ti Abishai, ala londo na Jérusalem ti tumba peko ti Sheba, molenge ti Bikri.

1 Agbia 1:38

Tongaso, wayango-sandaga Sadok, wayanga-Nzapa Natan na Benaya, molenge ti Yoyada, ala na azo ti Kereti na ti Peleti, aturugu ti batango gbia ague, abaa Salomon. Ala zia lo na ndö ti pâkârâ ti gbia David si ala gue na lo na li ti ngu ti Gihon.

1 Agbia 1:44

Gbia David amu yanga na wayango-sandaga Sadok, wayanga-Nzapa Natan na Benaya, molenge ti Yoyada nga na azo ti Kereti na ti Peleti, aturugu ti batango gbia ti gue ti sara titene Salomon ako na ndö ti pâkârâ ti gbia.

1 Agbia 1:8

Me wayango-sandaga Sadok, na Benaya, molenge ti Yoyada, na wayanga-Nzapa Natan, Shimei, Rei nga na akpengba turugu ti gbia David ake ti mu peko ti Adonia.

1 Agbia 2:25

Tongaso Salomon atokua Benaya, molenge ti Yoyada ti fâ Adonia. Lege so Adonia akui na ni laa.

1 Agbia 4:4

Benaya, molenge ti Yoyada ayeke makonzi ti aturugu; Sadok na Abiatar ayeke awayango-sandaga;

1 Agbia 4:5

Azaria, molenge ti Natan ayeke makonzi ti agovoronere; Zabud, molenge ti Natan ayeke wayango-sandaga si lo yeke wamungo-wango na gbia;

2 Agbia 11:4

Na ngu mbarambara ni, Yoyada atokua ti iri amakonzi so ayeke na li ti aturugu ngbangbo oko ti azo ti mara ti Kari na ala so ayeke na li ti aturugu ti batango gbia ti ga na tere ti lo na ya ti kota da ti *KOTA GBIA. Yoyada na aturugu ni asara *mbuki na popo ti ala si lo hunda na ala ti deba yanga ti ala. Na pekoni, lo fa na ala molenge ti gbia.

1 Mbai 11:22

Benaya, molenge ti Yoyada ayeke mbeni kpengba turugu; lo yeke zo ti kodro ti Kabseel, lo sara akota ye mingi. Lo laa lo fâ azo ti mara ti Moab use so iri ti ala Ariel; lo laa na ngoi ti *neze, lo zu na ya ti du ti ngu si lo fâ mbeni bamara.

1 Mbai 18:17

Benaya, molenge ti Yoyada ayeke makonzi ti azo ti Kereti na ti Peleti, azo ti batango gbia; amolenge ti David ayeke akota zo na tere ti gbia.

Ezekiel 25:16

Ndali ni, tënë so mbi Kota Gbia NZAPA, mbi tene ayeke so: Fade mbi yeke yoro maboko ti mbi ti pika azo ti Filistii, mbi yeke fâ ala kue kue kue, azo ti Kaftor, ala so ayeke lango na yanga ti kota ngu-ingo so.

Sofonii 2:5

Mawa na ala, azo so alango na yanga ti kota ngu-ingo, mara ti azo ti Kereti; tënë ti *KOTA GBIA so ayeke na tere ti ala: “Mo Kanaan, sese ti azo ti Filistii, fade mbi yeke buba mo kue, mbeni zo oko ti ngba kâ ayeke daa pepe.

1 Samuel 30:14

E gue lani e tiri bira na mbage ti Mbongo ti azo ti Kereti, na sese ti Juda nga na Mbongo ti azo ti Kaleb. E gbi gbata ti Siklag.”