2 Samuel 8:17 - Mbeti ti Nzapa - Tënë so amu fini

¹⁷ Sadok, molenge ti Ahitub, lo na Ahimelek, molenge ti Abiatar ayeke awayango-sandaga; Seraya ayeke wakuasu.

2 Samuel 8:17 ပူးပေါင်းရင်းမြစ်များ

2 Samuel 15:24

Wayango-sandaga Sadok ayeke daa, lo na azo ti mara ti Lévi so kue ayo sanduku ti *mbuki ti Nzapa. Ala zia sanduku ni na sese si Abiatar amu *sandaga na Nzapa ngbii azo so kue asigigi na ya ti gbata ni ahon kue.

2 Samuel 17:15

Hushai atene na awayango-sandaga Sadok nga na Abiatar peko ti wango so Ahitofel amu na Absalom nga na *akangba ti Israel. Lo tene nga na ala peko ti wango so lo wani, lo mu.

2 Samuel 19:12

Ti gbia David, lo tokua na awayango-sandaga Sadok na Abiatar, lo tene: “Ala tene na *akangba ti Juda atene: ‘Ala ye ti duti andangba zo so ayeke sara titene gbia akiri na kodro ti lo? Andaa gbia ahinga ye so tanga ti azo ti Israel aye ti sara.

1 Agbia 1:26

Me lo tisa mbi, zo ti kua ti mo pepe; ataa wayango-sandaga Sadok, ataa Benaya, molenge ti Yoyada nga na molenge ti mo Salomon, lo tisa ala pepe.

2 Agbia 12:10

Wayango-sandaga Yoyada amu mbeni sanduku, lo koro du na yanga ni si lo zia na tere ti gbalaka, na mbage ti maboko ti koli na lingo na ya ti kota da ti KOTA GBIA. Nginza so kue azo ayeke ga na ni na ya ti kota da ti KOTA GBIA, awayango-sandaga so ayeke bata yanga ti kota da ni ayeke mu ni si ayeke zia na ya ti sanduku ni.

2 Agbia 18:18

Ala hunda ti tene tënë na gbia. Tongaso Eliakim, molenge ti Hilkia, makonzi ti yangbo ti gbia, lo na wakuasu Shebna nga na Yoa, molenge ti Asaf, zo ti tenengo peko ti tënë ti yanga ti gbia, asigigi ti wara ala.

1 Mbai 12:28

Yoyada nga ayeke daa, lo yeke makonzi ti kete mara ti Aaron; akpengba turugu 3 700 amu peko ti lo.

1 Mbai 12:29

Sadok nga ayeke daa, lo yeke mbeni kpengba turugu si lo ngba maseka, lo na amakonzi 22 ti sewa ti lo.

1 Mbai 15:11

David airi awayango-sandaga Sadok na Abiatar; lo iri nga azo ti mara ti Lévi tongana: Uriel, Asaya, Joël, Shemaya, Eliel na Aminadab.

1 Mbai 16:39

Lo zia wayango-sandaga Sadok, lo na a-ita ti lo awayango-sandaga titene ala sara kua na ya ti da ti KOTA GBIA, da so ayeke nde si ayeke nzoni kue, na gbata ti Gabaon.

1 Mbai 16:40

Lakue na ndaperere nga na lakui, ala laa ayeke mu asandaga so a yeke gbi ni kue na wâ na ndö ti gbalaka ti KOTA GBIA. Ala yeke sara aye kue na lege ti *Ndia so KOTA GBIA afa na azo ti Israel.

1 Mbai 18:16

Sadok, molenge ti Ahitub, lo na Abimelek, molenge ti Abiatar ayeke awayango-sandaga; Shavesha ayeke wakuasu;

1 Mbai 6:4

Amolenge ti Merari ayeke Mali na Mushi. Ala laa ayeke akotara ti azo ti kete mara ti Lévi.

1 Mbai 6:53

Yokmeam na ando so ayeke na tere ni; Bet-Horon na ando so ayeke na tere ni;

1 Mbai 6:8

Elkana ayeke molenge ti Asir, Abiasaf ayeke molenge ti Elkana, Asir ayeke molenge ti Abiasaf,

1 Mbai 9:11

na Azaria, molenge ti Hilkia, Hilkia ayeke molenge ti Meshulam, Meshulam ayeke molenge ti Sadok, Sadok ayeke molenge ti Merayot, Merayot ayeke molenge ti Ahitub, Ahitub ayeke makonzi ti kota da ti Nzapa;

Jérémie 36:10

Na ya ti kota da ti Nzapa, Baruk adiko na mê ti azo so kue ayeke kâ, atënë ti Jérémie so a su na le ti rulo so. Baruk aluti na ya ti kota kubu so a mu na Gemaria, molenge ti Shafan, ngbene kota wakuasu ti letaa. Kota kubu ni ayeke na ya ti gbagba ti mbage ti nduzu ti kota da ti Nzapa, nduru na Fini yanga-da.

Ezekiel 44:15

“Awayango-sandaga so ayeke azo ti mara ti Lévi, *ahale ti Sadok so asara kua na ndo so a zia ni nde ndali ti mbi na ngoi so azo ti Israel ahon kirikiri yongoro na tere ti mbi, awayango-sandaga so laa ayeke ga nduru na mbi ti sara kua na mbi. Ala yeke luti na dawa ti mbi ti mu na mbi mafuta ti anyama nga na mene ti anyama so a mu na *sandaga. So tënë ti yanga ti Kota Gbia NZAPA laa.

Marc 2:26

David ali na ya ti da ti Nzapa, lo mu mapa so a mu na *sandaga na Nzapa, lo te ni si lo mu mbeni na azo so amu peko ti lo. Na ngoi ni so, Abiatar laa ayeke kota wayango-sandaga. Andaa a mu lege gi na awayango-sandaga ti te mapa ni!”