2 Samuel 8:11 - Mbeti ti Nzapa - Tënë so amu fini

¹¹ Gbia David azia aye so nde ndali ti KOTA GBIA, tongana ti so lo zia lani nde wen ti nginza nga na lôro so lo gbu na maboko ti amara so kue lo kinda ala:

2 Samuel 8:11 ပူးပေါင်းရင်းမြစ်များ

2 Samuel 8:10

Lo tokua molenge ti lo ti koli Yoram na David, ti bara lo na ti gonda lo, ngbanga ti so lo sara bira na Hadadezer si lo hon ndö ti lo. Biani, Hadadezer ayeke wato ti Tou. Yoram amu aye so a sara ni na wen ti nginza, na lôro nga na bengba wen ague na ni na David.

1 Agbia 7:51

So gbia Salomon ahunzi ti sara kota da ti *KOTA GBIA kue awe, lo tene na azo ti ga na aye so babâ ti lo David azia ando nde ndali ti KOTA GBIA so: wen ti nginza, lôro na akungba; lo zia aye ni na ya ti kubu so ayeke bata ka amosoro ti da ti KOTA GBIA daa.

1 Mbai 18:11

Gbia David azia aye so nde ndali ti KOTA GBIA; lo bongbi ni na wen ti nginza nga na lôro so lo gbu na maboko ti amara kue: azo ti mara ti Edom, ti Moab, ti Amon, ti Filistii na ti Amalek.

1 Mbai 29:2

Mbi mu ngangu ti mbi kue ti leke aye ndali ti kota da ti Nzapa ti mbi: mbi bongbi lôro ndali ti aye so a yeke sara ni na lôro, wen ti nginza ndali ti aye so a yeke sara ni na wen ti nginza, bengba wen ndali ti aye so a yeke sara ni na bengba wen, wen ndali ti aye so a yeke sara ni na wen nga na keke ndali ti aye so a yeke sara ni na keke. Mbi mu nga atêne ti kornaline na atêne so a yeke zia na tere ti aye titene apendere, avuko têne na atêne so nzoroko ni ayeke nde nde, amara ti atêne nde nde kue ti ngangu ngere nga na gba ti apendere têne ti sarango na da.

2 Mbai 5:1

So Salomon ahunzi ti sara kota da ti *KOTA GBIA kue awe, lo tene na azo ti ga na aye so babâ ti lo David azia ando nde ndali ti KOTA GBIA so: wen ti nginza, lôro na akungba kue; lo zia aye ni na ya ti kubu so ayeke bata ka amosoro ti da ti Nzapa daa.

Mishe 4:13

“Ala azo ti Jérusalem, ala londo, ala gue, apika ale ti kobe ni! Fade mbi yeke sara titene ala ga ngangu tongana bagara so adidi ti lo ayeke na wen si asokoto ti gere ti lo ayeke na bengba wen. Fade ala yeke nika amara gbani gbani; aye so ala gbu na peko ti bira, ala zia ni nde ndali ti mbi, KOTA GBIA; amosoro ti azo ni, ala zia ni nde ndali ti mbi, Kota Gbia ti sese kue.”