2 Samuel 8:1 - Mbeti ti Nzapa - Tënë so amu fini

¹ Na pekoni, David ahon ndö ti azo ti Filistii na bira, lo zia kamene na le ti ala. Lo zi na maboko ti ala komandema so ala yeke sara na ndö ti akodro so angoro ala.

2 Samuel 8:1 ပူးပေါင်းရင်းမြစ်များ

2 Samuel 19:9

Nilaa gbia ague, aduti na yanga ti gbata ni. A gue, atene tënë ni na aturugu; ala kue ague, abongbi tere ti ala na dawa ti gbia. Aturugu ti Absalom akpe si zo oko oko akiri na da ti lo.

2 Samuel 2:24

Yoab na Abishai atumba peko ti Abner. So lâ ayeke gue ti kui, ala si na Gibea-Ama, na mbage ti To ti Gia. Gibea-Ama ayeke na lege so ague na benyama ti Gabaon.

2 Samuel 22:44

Azo ti kodro ti mbi so atomboka na tere ti mbi so mo yeke zi mbi na maboko ti ala; mo zia mbi na ndö ti amara nde. Azo ti mara so mbi hinga ala pepe aga azo ti gbe ti mbi.

2 Samuel 5:17

So azo ti Filistii ama a tene, azo atuku mafuta na li ti David titene lo ga gbia ti azo ti Israel, ala kue ague ti gi ti gbu lo. David ama tënë ni si lo zu na ndo so ngangu gbagba ayeke na tere ni.

2 Samuel 5:25

David asara ye gi na peko ti yanga ti KOTA GBIA. Nilaa azo ti Israel afâ aturugu ti Filistii, ti londo na gbata ti Geba ngbii asi na gbata ti Gezer.

2 Samuel 7:9

Na ndo so kue mo gue daa, mbi yeke fade na mo, mbi fâ awato ti mo kue na dawa ti mo. Fade mbi yeke sara titene iri ti mo awu tongana ti akota zo ti sese so.

Abia (Psaumes) 18:43

Mbi nika ala si ala ga tongana fuku ti sese so pupu amu ahon na ni; mbi tuku ala na ngonda tongana zende ti ndö ti lege.

Abia (Psaumes) 60:2

Tënë ti ya ti bia ni ayeke tene tënë ti bira so David atiri na azo ti Sirii ti sese ti Mezopotamii nga na azo ti Sirii ti sese ti Soba. Na kiringo ti aturugu ti David, Yoab afâ aturugu ti sese ti Edom saki baleoko na use, na popo-hoto ti Ingo.

Abia (Psaumes) 60:8

Na ya ti kota da ti lo so ayeke nde si ayeke nzoni kue, Nzapa atene tënë, lo tene: “Mbi so benda awe! Mbi yeke kangbi gbata ti Sishem na azo; mbi yeke haka popo-hoto ti Sukot ti mu na azo.

Ahebro 11:33

Na lege ti mabe, ala tiri bira na ambeni gbia si ala mu kodro ti ala. Ala sara aye ti mbirimbiri, ala wara aye so Nzapa amu zendo ni, ala kanga yanga ti abamara;

Ahebro 11:34

ala mingo angangu wâ, ala kpe na maboko ti azo so aye ti fâ ala na yongoro zeme, ala kiri awara ngangu na peko ti kobela so asara ala; ala ga akpengba zo ti sarango bira, ala tumba aturugu ti akodro wande.

1 Samuel 7:13

Azo ti Filistii ati na gbe ti azo ti Israel. Ala kiri ali na sese ti Israel pepe. Na ya ti alango so kue Samuel angba na fini, maboko ti KOTA GBIA asara ngangu na azo ti Filistii.