2 Samuel 7:9 - Mbeti ti Nzapa - Tënë so amu fini

⁹ Na ndo so kue mo gue daa, mbi yeke fade na mo, mbi fâ awato ti mo kue na dawa ti mo. Fade mbi yeke sara titene iri ti mo awu tongana ti akota zo ti sese so.

2 Samuel 7:9 ပူးပေါင်းရင်းမြစ်များ

Tongo nda ti aye 12:2

Mbi yeke sara titene mbeni kota mara abaa gigi na lege ti mo. Mbi yeke sara tufa na ndö ti mo si mbi yeke sara nga titene iri ti mo awu. Mo yeke ga zo so na lege ti lo, a yeke sara tufa na ndö ti azo.

2 Samuel 22:1

David ahe bia so na ngoi so *KOTA GBIA azi lo na maboko ti awato ti lo kue, nga na maboko ti Saul,

2 Samuel 22:30

Na ngangu ti mo, mbi lingbi ti ti na ndö ti awato ti mbi. Na ngangu ti Nzapa ti mbi, mbi lingbi ti hon na ndö ti gbagba ti bira.

2 Samuel 22:43

Mbi nika ala tongana fuku ti sese; mbi do ala na gbe ti gere ti mbi tongana ti so zo ayeke do potopoto ti ndö ti lege.

2 Samuel 23:1

Tanga ti atënë ti David ayeke so: Tënë ti David, molenge ti Yese, tënë ti zo so Nzapa ayo lo na nduzu; tënë ti gbia so Nzapa ti Jacob atuku mafuta na li ti lo, lo so azo ti Israel ahe bia mingi na iri ti lo.

2 Samuel 5:10

Ngangu ti David ayeke mai maingo, ngbanga ti so *KOTA GBIA, Nzapa so ayeke na ndö ti dunia kue ayeke na lo.

2 Samuel 8:13

Na lege so laa iri ti David awu ahon ndoni. So David ahon ndö ti azo ti Sirii awe, na kiringo ti lo, lo fâ azo ti Edom 18 000 na popo-hoto ti Ingo.

2 Samuel 8:14

Lo zia agovoronere na ndö ti azo ti Edom; na sese ti Edom kue, lo zia agovoronere si ala kue aga azo ti gbe ti David. KOTA GBIA asara si David aso benda na ndö ti awato ti lo na ndo so kue lo yeke gue daa.

2 Samuel 8:6

David azia agovoronere na ndö ti ala, ala ga azo ti gbe ti lo si ala yeke futa lapo na lo. *KOTA GBIA asara si David aso benda na ndö ti awato ti lo na ndo so kue lo yeke gue daa.

1 Mbai 17:8

Na ndo so kue mo gue daa, mbi yeke fade na mo, mbi fâ awato ti mo kue na dawa ti mo. Fade mbi yeke sara titene iri ti mo awu tongana ti akota zo ti sese so.

Abia (Psaumes) 21:6

Iri ti lo awu mingi ndali ti so mo so benda awe; mo mu na lo gonda na nengo mingi.

Abia (Psaumes) 89:23

Fade wato alingbi ti gbu lo pepe, zo ti sioni alingbi ti hon ndö ti lo pepe.

Nzoni Tënë so Luc asu na mbeti 1:52

Lo mu agbia na ndö ti mbata ti ala si lo bi ala na sese, lo mu asenge zo, lo zia ala na kota ndo.

Josué 6:27

KOTA GBIA ayeke na Josué si iri ti lo awu amu ya ti kodro ni kue.

1 Samuel 18:14

Na ya ti abira so kue David ayeke gue daa, lo yeke so benda, ngbanga ti so KOTA GBIA ayeke na lo.

1 Samuel 18:30

Amakonzi ti aturugu ti Filistii ague ti tiri bira na azo ti Israel. Na ya ti abira ni oko oko kue, David laa ayeke so benda ahon aturugu ti kota kamba ti Saul kue; nilaa iri ti lo awu mingi.

1 Samuel 2:8

Zo so ayeke na ngangu pepe si ayeke lango na ya ti fuku ti sese, KOTA GBIA laa ayeke mu lo na nduzu. Zo ti mawa so ayeke lango na ya ti azende, KOTA GBIA ayeke mu lo ti zia lo na popo ti akota zo. Lo yeke mu azo ti mawa ti zia ala na kota ndo. Agere ti sese ayeke ti KOTA GBIA; lo laa lo leke sese ni na ndö ni.

1 Samuel 31:6

Tongaso, Saul na amolenge ti lo ota, na zo ti yongo aye ti bira ti lo nga na azo ti lo kue, ala kui legeoko gi na lango ni so.

1 Samuel 5:10

Azo ti gbata ni atokua sanduku ti mbuki ti Nzapa na gbata ti Ekron. Me gi so sanduku ni asi na Ekron awe, azo ni adekongo, atene: “A yo sanduku ti mbuki ti Nzapa ti Israel aga na ni na ndo ti e titene afâ e na azo ti e kue!”