2 Samuel 7:8 - Mbeti ti Nzapa - Tënë so amu fini

⁸ Ti fadeso, mo tene na David, zo ti kua ti mbi, mo tene: Tënë so KOTA GBIA so ayeke na ndö ti dunia kue atene ayeke so: ‘Mbi laa mbi mu mo na ya ti ngonda, na peko ti ataba na angasa titene mo ga kota zo na ndö ti azo ti mbi, azo ti Israel.

2 Samuel 7:8 ပူးပေါင်းရင်းမြစ်များ

2 Samuel 12:7

Natan atene na David: “Koli so asara ye so, mo laa! Baa, tënë so KOTA GBIA, Nzapa ti Israel atene ayeke so: ‘Mbi laa mbi tuku mafuta na li ti mo titene mo ga gbia ti Israel. Mbi nga laa mbi zi mo na maboko ti Saul.

2 Samuel 14:13

Wali ni atene: “Mo leke na be ti mo ti sara ye tongaso na azo ti Nzapa ngbanga ti nyen? Tënë so asigigi fade na yanga ti mo afa atene, mo sara sioni, ngbanga ti so mo sara pepe titene lo so lani mo tumba lo ti gue na mbeni kodro wande so, lo kiri.

2 Samuel 23:1

Tanga ti atënë ti David ayeke so: Tënë ti David, molenge ti Yese, tënë ti zo so Nzapa ayo lo na nduzu; tënë ti gbia so Nzapa ti Jacob atuku mafuta na li ti lo, lo so azo ti Israel ahe bia mingi na iri ti lo.

2 Samuel 24:17

So David abaa ange so ayeke fâ azo ni, lo tene na KOTA GBIA: “Mbi laa mbi sara siokpari ni! Mbi laa mbi sara sioni ni! Me asenge zo so, nyen laa ala sara, nyen? Mbi gbu gere ti mo, ayeke nzoni mo pika gi mbi na asewa ti mbi.”

2 Samuel 5:2

So Saul ayeke ando gbia ti e so, mo laa mo yeke lakue na li ti azo ti Israel ti gue na ala na bira nga ti kiri na ala. *KOTA GBIA atene na mo: ‘Mo laa mo yeke bata ande azo ti Israel, azo ti mbi; mo laa mo yeke ga makonzi ti azo ti Israel.’ ”

2 Samuel 6:21

David akiri tënë na Mikal: “Na dawa ti KOTA GBIA laa mbi sara ye tongaso. Lo soro mbi si lo ye mbi ahon babâ ti mo na asewa ti mo kue; lo zia mbi kota zo na ndö ti azo ti Israel, azo ti lo. Na dawa ti KOTA GBIA laa mbi yeke ngba ti sara ngia.

1 Agbia 3:6

Salomon akiri tënë, lo tene: “Mo sara nzoni be mingi na babâ ti mbi David, zo ti kua ti mo. Lani lo sara ye na le ti mo na lege ti taa-tënë, na lege ti mbirimbiri nga na legeni mbirimbiri. Nilaa mo ngba ti sara nzoni be na lo si mo mu na lo mbeni molenge-koli titene lo duti laso gbia na ndö ti mbata ti lo ti gbia.

1 Agbia 8:16

nilaa lo tene: ‘Ti londo na lango so mbi sara si azo ti mbi asigigi na sese ti Ezipte, mbi soro laoko pepe mbeni gbata na popo ti amara ti Israel kue titene a sara da na ya ni ndali ti mbi; me mbi soro David titene lo sara komandema na ndö ti Israel, azo ti mbi.’

1 Mbai 17:7

Ti fadeso, mo tene na David, zo ti kua ti mbi, mo tene: Tënë so KOTA GBIA so ayeke na ndö ti dunia kue atene ayeke so: ‘Mbi laa mbi mu mo na ya ti ngonda, na peko ti ataba na angasa titene mo ga kota zo na ndö ti azo ti Israel, azo ti mbi.

1 Mbai 21:17

David atene na Nzapa: “Mbi laa mbi mu yanga titene a diko wungo ti azo ni pepe? Mbi laa mbi sara siokpari ni si mbi sara sioni; me asenge zo so, nyen laa ala sara, nyen? KOTA GBIA, Nzapa ti mbi, mbi gbu gere ti mo, ayeke nzoni mo pika gi mbi na asewa ti mbi; me mo pika azo ti mo na sioni kobela so pepe.”

Amos 7:15

Me *KOTA GBIA amu mbi kâ na peko ti anyama ti mbi si lo tene na mbi, lo tene: ‘Gue mo tene peko ti tënë ti yanga ti mbi na azo ti Israel, azo ti mbi.’

Awatokua 7:46

Nzapa asara nzoni be na David si David ahunda na lo titene lo yeda si ni sara mbeni da ndali ti Nzapa ti Jacob.

1 Samuel 10:1

Samuel amu ngbenda ti mafuta, lo tuku mafuta ni na li ti Saul. Lo su ngbangba ti Saul si lo tene na lo: “*KOTA GBIA wani laa atuku mafuta na li ti mo titene mo ga makonzi na ndö ti azo ti lo.

1 Samuel 2:8

Zo so ayeke na ngangu pepe si ayeke lango na ya ti fuku ti sese, KOTA GBIA laa ayeke mu lo na nduzu. Zo ti mawa so ayeke lango na ya ti azende, KOTA GBIA ayeke mu lo ti zia lo na popo ti akota zo. Lo yeke mu azo ti mawa ti zia ala na kota ndo. Agere ti sese ayeke ti KOTA GBIA; lo laa lo leke sese ni na ndö ni.

1 Samuel 9:16

“Kekereke gi na oko ngbonga so, fade mbi yeke tokua na mo mbeni zo ti mara ti Benjamin titene mo tuku mafuta na li ti lo si lo ga makonzi ti azo ti Israel, azo ti mbi. Lo laa lo yeke zi azo ti mbi na maboko ti azo ti Filistii. Biani, mbi baa mawa ti azo ti mbi si mbi ma toto ti ala.”