2 Samuel 7:7 - Mbeti ti Nzapa - Tënë so amu fini

⁷ Na ngoi so kue mbi na azo ti Israel kue, e tambula, mbi mu amakonzi ti amara ti Israel ti fa lege na azo ti Israel, azo ti mbi. Laoko mbi gboto mê ti mbeni makonzi, mbi tene: Ngbanga ti nyen si mo sara na mbi da pepe na keke ti sedre?’

2 Samuel 7:7 ပူးပေါင်းရင်းမြစ်များ

2 Samuel 5:2

So Saul ayeke ando gbia ti e so, mo laa mo yeke lakue na li ti azo ti Israel ti gue na ala na bira nga ti kiri na ala. *KOTA GBIA atene na mo: ‘Mo laa mo yeke bata ande azo ti Israel, azo ti mbi; mo laa mo yeke ga makonzi ti azo ti Israel.’ ”

1 Mbai 11:2

So Saul ayeke ando gbia so, mo laa mo yeke lakue na li ti azo ti Israel ti gue na ala na bira nga ti kiri na ala. *KOTA GBIA, Nzapa ti mo atene na mo: ‘Mo laa mo yeke bata ande azo ti Israel, azo ti mbi; mo laa mo yeke ga makonzi ti azo ti Israel, azo ti mbi.’ ”

1 Mbai 17:6

Na ngoi so kue mbi na azo ti Israel kue, e tambula, mbi mu awafango-ngbanga ti fa lege na ala. Laoko mbi gboto mê ti mbeni wafango-ngbanga, mbi tene: Ngbanga ti nyen si mo sara na mbi da pepe na keke ti sedre?’

Ésaïe 40:11

Tongana wabatango-taba, lo yeke gue na ataba ti lo na ndo ti tengo pere, lo yeke sara maboko ti lo ti bongbi ala; lo yeke yo akete taba ni na ya ti maboko ti lo, lo yeke gue yeke-yeke na ataba so ayeke mu me na amolenge ti ala.”

Ésaïe 66:1

Tënë so *KOTA GBIA atene ayeke so: “Yayu ayeke mbata ti mbi ti gbia, sese ayeke mbata so mbi yeke zia gere ti mbi na ndö ni. Mara ti da wa laa ala lingbi ti sara na mbi? Ndo wa laa mbi lingbi ti wu tere ti mbi daa?

Jérémie 23:4

Mbi yeke zia na li ti ala awabatango-taba so fade ayeke bata ala nzoni. Tongaso, mbeto ayeke kiri ti sara ataba ni pepe, ala yeke do nga na mbeto pepe si mbeni oko ti ala ayeke kiri ti girisa pepe; so tënë ti yanga ti KOTA GBIA laa.”

Jérémie 3:15

Fade mbi yeke mu na ala azo ti li ni so be ti mbi aye. Na lege ti nzoni hingango ndo na ndara, fade azo ni ayeke bata ala nzoni.

Ezekiel 34:15

Mbi wani, mbi yeke gi kobe ndali ti ataba ti mbi; mbi wani, mbi yeke sara titene ala lango kpoo. So tënë ti yanga ti Kota Gbia NZAPA laa.

Ezekiel 34:2

“*Molenge ti zo, tene peko ti tënë ti yanga ti mbi na tere ti awabatango-zo ti Israel. Tene peko ti tënë ti yanga ti mbi na tere ti ala, mo tene: Tënë so Kota Gbia NZAPA atene ayeke so: Mawa na awabatango-zo ti Israel! Ala yeke gi kobe gi ndali ti ala wani! Awabatango-taba alingbi fade ti gi kobe ndali ti ataba pepe?

Ezekiel 34:23

Mbi yeke zia gi wabatango-taba oko na ndö ti ataba ti mbi titene lo bata ala. Wabatango-taba ni ayeke duti David, zo ti kua ti mbi. Lo laa lo yeke gi kobe na ataba ni, lo laa lo yeke duti wabatango ala.

Mishe 5:4

Lo wani laa lo yeke mu siriri na azo. “Tongana azo ti Asirii aga ti mu kodro ti e si ala li na ya ti ayangbo ti agbia ti e, fade e yeke tokua azo ti li ni mbarambara na amakonzi miombe ti tiri bira na ala.

Matthieu 2:6

‘Mo Betlehem, mo so mo yeke na sese ti Juda, mo yeke biani kete kodro pepe na popo ti akota kodro ti Juda, ngbanga ti so, na ya ti mo, fade mbeni gbia ayeke sigigi ti fa lege na azo ti Israel, azo ti Nzapa.’ ”

Awatokua 20:28

Ala sara hange na lege ti dutingo ti ala, ala bata nzoni ataba so Yingo-Vuru azia na maboko ti ala. Ala bata nzoni azo ti Eglize so Nzapa asoro ala na lege ti mene ti molenge ti lo.

Awatokua 21:28

Ala dekongo: “Azo ti Israel, ala ga hio si-oo! Lo laa, koli so ayeke fa ye na azo na ndo kue si fango ye ti lo ni ake azo ti Israel, ake *Ndia ti Moïse nga na kota da ti Nzapa so! Fadeso lo mu azo ti amara nde, lo li na ala na ya ti kota da ti Nzapa si lo sara titene da ni aga *sioni!”

Ndia ti fani use ni 23:14

Fade turugu oko oko ayeke na mbeni kpoka na ya ti kungba ti lo. Tongana lo gue na ngonda, fade lo yeke zi du na kpoka ni. Na pekoni, lo yeke tuku sese na ni na ndö ti sarate so lo sara.

1 Pierre 5:1

Fadeso mbi yeke mu wango na *akangba ti *Eglize so ayeke na popo ti ala. Mbi nga, mbi yeke kangba tongana ala. Mbi baa na le ti mbi pasi so Christ abaa ando; legeoko na ala, fade mbi yeke li na ya ti gonda so ayeke si.