2 Samuel 7:27 - Mbeti ti Nzapa - Tënë so amu fini

²⁷ Biani, KOTA GBIA so ngangu ti lo ahon angangu kue, Nzapa ti Israel, mo wani, mo tene na mbi, mo tene, fade ahale ti mbi ayeke le-gbia na peko ti mbi. Nilaa be ti mbi awara ngangu ti sara sambela so.

2 Samuel 7:27 ပူးပေါင်းရင်းမြစ်များ

2 Samuel 7:11

Ti londo na lango so mbi zia awafango-ngbanga ti sara komandema na ndö ti azo ti Israel, azo ti mbi, mbi tumba awato ti mo kue si mo wara lege ti duti kpoo. KOTA GBIA atene na mo lani atene, lo laa lo yeke sara da ndali ti mo.

2 Samuel 7:13

Lo laa lo yeke sara da ndali ti mbi; mbi yeke sara titene lengo-gbia ti lo akpengba kpu na kpu.

1 Agbia 11:38

Tongana mo ma atënë so kue mbi yeke mu ande yanga na mo ti sarango ni, tongana mo tambula na lege so mbi yeke fa na mo, tongana mo sara ye so ayeke mbirimbiri na le ti mbi; mo sara ye alingbi na andia ti mbi nga na lege ti atënë ti yanga ti mbi tongana ti so David, zo ti kua ti mbi asara, fade mbi yeke na mo; mbi yeke sara titene ahale ti mo angba lakue na ndö ti mbata ti gbia na peko ti mo tongana ti so mbi sara na David. Fade mbi yeke mu na mo amara baleoko ti Israel.

Abia (Psaumes) 10:17

KOTA GBIA, mo ma ye so azo so asara tere ti ala kete aye; mo mu ngangu na be ti ala, mo zi mê ti mo, mo ma ala.

Abia (Psaumes) 40:6

KOTA GBIA, Nzapa ti mbi, mo sara akota ye na aye ti kpene mingi ndali ti e! Mbeni zo ti lingbi na mo ayeke daa pepe. Mbi ye ti tene tënë ni na azo, mbi ye ti fa tënë ni na ala; me atënë ni ayeke gbani, mbi lingbi ti tene ni kue pepe.

Sigingo 1:21

lo mu na ala *ahale, ngbanga ti so ala kpe mbeto ti lo.

Ruth 4:4

Nilaa, mbi ye ti tene tënë ni na mo. Tongana mo yeda, na le ti azo so kue ayeke ge so, nga na le ti akangba ti kodro ti e, mo vo ni, mo bata ni. Tongana mo ye ti vo ni ti bata ni, mo vo ni mo bata; tongana mo ye pepe, mo tene tënë ni na mbi si mbi hinga, ngbanga ti so mbeni zo nde alingbi ti vo ni ti bata ni pepe. Na peko ti mo, ayeke mbi.” Koli ni akiri tënë, atene: “Mbi laa mbi yeke vo ni.”

1 Samuel 2:35

Na pekoni, fade mbi yeke soro mbeni wayango-sandaga so ayeke sara ye na legeni. Lo yeke sara ande ye so anzere na mbi nga na ye so be ti mbi aye. Mbi yeke sara titene ahale ti lo aduti awayango-sandaga lakue. Zo ti mbi so mbi yeke soro lo titene lo ga gbia, fade ala sara kua na lo.

1 Samuel 9:15

Lango oko kozoni si Saul aga, *KOTA GBIA atene tënë ni na Samuel awe, atene: