2 Samuel 7:26 - Mbeti ti Nzapa - Tënë so amu fini

²⁶ Ayeke nzoni azo agonda iri ti mo kpu na kpu, ala tene: ‘KOTA GBIA so ngangu ti lo ahon angangu kue, lo yeke Nzapa ti Israel.’ Sara si lengo-gbia ti ahale ti mbi, zo ti kua ti mo, akpengba.

2 Samuel 7:26 ပူးပေါင်းရင်းမြစ်များ

Tongo nda ti aye 17:18

Na pekoni, lo tene na Nzapa, lo tene: “Ye so mbi hunda ti mbi ayeke titene Ismael angba na fini na dawa ti mo!”

2 Samuel 7:25

Fadeso, KOTA GBIA Nzapa, tënë so mo tene lani na ndö ti mbi nga na ndö ti ahale ti mbi, ayeke nzoni mo sara si tënë ni aluti kpu na kpu. Sara ye alingbi na tënë ti mo.

1 Agbia 18:36

Na ngbonga ti mungo sandaga ti peko ti bekombite, wayanga-Nzapa Élie aga nduru na tere ti gbalaka ni si lo tene: “KOTA GBIA, Nzapa ti Abraham, ti Isaac na ti Jacob, ayeke nzoni mo fa na azo laso, mo tene, mo laa mo yeke Nzapa na sese ti Israel. Mbi yeke zo ti kua ti mo si mbi sara aye so kue gi na lege ti tënë ti mo.

1 Agbia 18:37

Kiri tënë na mbi, KOTA GBIA! Kiri tënë na mbi maa! Tongaso si azo so ahinga atene, mo KOTA GBIA laa mo yeke taa Nzapa. Mo laa mo yeke kiri be ti azo ti mo na mbage ti mo.”

Abia (Psaumes) 115:1

*KOTA GBIA, e pepe; e laa e lingbi na gonda pepe, me gonda ni alingbi na mo, ndali ti nzoni be ti mo nga ndali ti batango tënë ti yanga ti mo so mo yeke bata.

Abia (Psaumes) 61:7

Kiri mo zia mbeni lango na ndö ti fini ti gbia; sara si lo duti na gigi ngu na ngu!

Abia (Psaumes) 89:36

Mbi deba yanga ti mbi fani oko awe, mbi tene: na iri ti mbi so ayeke nde si ayeke nzoni kue, fade mbi yeke handa David oko pepe!

Matthieu 6:9

Lege so alingbi ala sambela na ni ayeke tongaso: ‘Babâ ti e so mo yeke na yayu, ayeke nzoni azo ane iri ti mo so ayeke nde si ayeke nzoni kue;

Jean 12:28

Babâ, gonda iri ti mo!” Mbeni go alondo na yayu, atene: “Mbi gonda ni awe si mbi yeke kiri ti gonda ni.”