2 Samuel 7:25 - Mbeti ti Nzapa - Tënë so amu fini

²⁵ Fadeso, KOTA GBIA Nzapa, tënë so mo tene lani na ndö ti mbi nga na ndö ti ahale ti mbi, ayeke nzoni mo sara si tënë ni aluti kpu na kpu. Sara ye alingbi na tënë ti mo.

2 Samuel 7:25 ပူးပေါင်းရင်းမြစ်များ

Tongo nda ti aye 32:12

Mbi gbu gere ti mo, zi mbi na maboko ti ita ti mbi Ezau, ngbanga ti so mbeto ti lo asara mbi, mbeto titene lo ga lo fâ mbi, na amama ni legeoko na amolenge ni.

2 Samuel 7:24

Mo zia azo ti Israel titene ala duti mbirimbiri azo ti mo kpu na kpu; ti mo KOTA GBIA, mo ga Nzapa ti ala.

2 Samuel 7:26

Ayeke nzoni azo agonda iri ti mo kpu na kpu, ala tene: ‘KOTA GBIA so ngangu ti lo ahon angangu kue, lo yeke Nzapa ti Israel.’ Sara si lengo-gbia ti ahale ti mbi, zo ti kua ti mo, akpengba.

1 Agbia 2:4

KOTA GBIA ayeke sara ye alingbi na zendo so ando lo mu na mbi, lo tene: ‘Tongana amolenge ti mo abata lege ti dutingo ti ala nzoni, tongana ala tambula mbirimbiri na dawa ti mbi, fade mbeni zo ti sewa ti mo ayeke duti lakue na ndö ti mbata ti gbia ti Israel.’ ”

1 Agbia 8:26

Fadeso Nzapa ti Israel, tënë so mo tene na zo ti kua ti mo David, babâ ti mbi so, mbi voro mo ti sara ye alingbi na ni!

2 Mbai 6:17

Fadeso KOTA GBIA, Nzapa ti Israel, tënë so mo tene na David, zo ti kua ti mo so, mo sara ye alingbi na ni!

Abia (Psaumes) 119:38

Ye so mo mu yanga ti sara ni na mbi, zo ti kua ti mo, sara ni si fade azo akpe mbeto ti mo.

Abia (Psaumes) 119:49

Dabe ti mo na tënë so mo tene na mbi, zo ti kua ti mo; mbi zia be ti mbi ti ku tënë ni.

Ezekiel 36:37

“Tënë so mbi Kota Gbia NZAPA, mbi tene ayeke so: Mbi yeke kiri ti zia lege na azo ti Israel ti gi mbi si mbi yeke sara ye ndali ti ala; mbi yeke sara titene ala kiri awu mingi tongana bongbi ti ataba.

1 Samuel 1:23

Koli ti lo Elkana atene na lo: “Sara ye so be ti mo aye. Mo ngba ge na da ngbii mo zi molenge ni na me si. Ayeke nzoni KOTA GBIA asara ye alingbi na tënë ti yanga ti lo.” Nilaa, Anne angba na da ti mu me na molenge ni ngbii asi na ngoi so lo zi molenge ni na me.