2 Samuel 7:23 - Mbeti ti Nzapa - Tënë so amu fini

²³ Mbeni mara oko na ndö ti sese so alingbi na azo ti Israel, azo ti mo, ayeke daa? Mo gue, mo zi azo ti Israel na gbe ti ngbaa ti azo ti Ezipte ti sara si ala ga azo ti mo. Ambeni nzapa asara tongaso ndali ti azo ti ala awe? Mo sara si iri ti azo ti mo awu na lege ti akota ye nga na aye ti dongo be so mo sara na ya ti kodro ti mo, na dawa ti azo ti mo so mo zi ala na Ezipte; mo zi ala na maboko ti ambeni mara nga na maboko ti anzapa ti amara ni, ti sara si ala ga azo ti mo.

2 Samuel 7:23 ပူးပေါင်းရင်းမြစ်များ

2 Samuel 7:24

Mo zia azo ti Israel titene ala duti mbirimbiri azo ti mo kpu na kpu; ti mo KOTA GBIA, mo ga Nzapa ti ala.

1 Mbai 17:21

Mbeni mara oko na ndö ti sese so alingbi na azo ti Israel, azo ti mo, ayeke daa? Mo gue, mo zi azo ti Israel na gbe ti ngbaa ti azo ti Ezipte ti sara si ala ga azo ti mo. Mbeni nzapa asara tongaso ndali ti azo ti lo awe? Mo sara si iri ti mo awu na lege ti akota ye nga na aye ti dongo be so mo sara ndali ti azo ti mo, mo tumba ambeni mara na dawa ti azo ti mo so mo zi ala na Ezipte.

Néhémie 1:10

KOTA GBIA, e yeke azo ti kua ti mo, e yeke azo ti mo! E laa mo zi e na gbe ti ngbaa na lege ti kota ngangu ti mo nga na lege ti ngangu ti maboko ti mo.

Abia (Psaumes) 106:22

lo sara aye ti kpene na kodro ti Kam, nga na aye ti ziango mbeto na be ti zo na tere ti kota ngu-ingo ti Asosongo.

Abia (Psaumes) 111:9

KOTA GBIA atokua titene a zi azo ti lo na gbe ti ngbaa, lo na azo ti lo ni aga ambuki kpu na kpu. Iri ti lo ayeke nde si ayeke nzoni kue, ayeke zia mbeto na be ti zo.

Abia (Psaumes) 145:6

Fade azo ayeke tene tënë ti aye ti kpene so mo sara na lege ti ngangu ti mo, mbi yeke tene peko ti akota ye so mo sara!

Abia (Psaumes) 147:20

Aye ni so, lo sara ni na ambeni mara pepe, amara ni ahinga atënë ti ndia ti lo pepe. Aleluya!

Abia (Psaumes) 40:5

Ti lo nzoni, zo so azia be ti lo na ndö ti KOTA GBIA si lo mu peko ti anzapa ti mvene pepe, wala lo mu peko ti azo ti mvene pepe.

Abia (Psaumes) 44:3

Na lege ti ngangu ti mo, mo tumba amara nde na ndö ti sese ti ala si mo zia akotara ti e na ndö ti sese ni. Mo sara ngangu na amara ni titene azo ti mo awara ndo.

Abia (Psaumes) 65:5

Ti lo nzoni, zo so mo soro lo si mo sara titene lo ga nduru na mo, fade lo yeke duti na ya ti gbagba ti mo. Fade e yeke wara anzoni ye ti kota da ti mo, anzoni ye ti kota da ti mo so ayeke nde si ayeke nzoni kue so.

Abia (Psaumes) 66:3

Ala tene na Nzapa, atene: “Aye so mo sara ayeke zia mbeto na be ti zo! Ndali ti kota ngangu ti mo, awato ti mo ayeke woko tere ti ala na gbe ti mo.

Sigingo 12:12

“Na bi ni so, fade mbi yeke hon na ya ti kodro ti Ezipte kue. Mbi yeke fâ akozo molenge-koli kue ti azo na ti anyama ti kodro ni. Mbi yeke fâ ngbanga na li ti anzapa kue ti Ezipte. Mbi laa mbi yeke KOTA GBIA.

Sigingo 33:16

Biani, tongana mo gue na e pepe, nyen laa ayeke fa atene, mo baa mbi na azo ti mo na nzoni le? Ye so ayeke fa atene, mbi na azo ti mo, e yeke nde na tanga ti amara ti ndö ti sese so ayeke so, mo yeke na popo ti e si mo yeke tambula na e.”

Sigingo 6:7

Mbi yeke sara titene ala, azo ti Israel, ala ga azo ti mbi si mbi yeke duti Nzapa ti ala. Ala yeke hinga atene, mbi laa mbi yeke KOTA GBIA, Nzapa ti ala, lo so lo zi ala na gbe ti angangu kua ti Ezipte.

Sigingo 9:15

Tongana mbi yoro fade maboko ti mbi ti bi sioni kobela ti bubango kodro na tere ti mo nga na tere ti azo ti mo, ka ala hunzi na ndö ti sese so biani awe.

Sigingo 9:16

Me mbi zia mo, mo ngba na fini titene mbi fa ngangu ti mbi na mo, titene na lege ti mo, azo agonda iri ti mbi na ndö ti sese kue.

Jérémie 32:20

“Ando na Ezipte, mo sara aye ti dongo be na aye ti kpene ngbii asi laso. Mo sara si iri ti mo awu na popo ti azo ti Israel nga na popo ti tanga ti azo kue, tongana ti so a yeke baa ni laso so.

Jérémie 32:21

Na lege ti aye ti dongo be na aye ti kpene, mo sara si Israel, azo ti mo, asigigi na sese ti Ezipte; ala sigigi na lege ti ngangu ti maboko ti mo nga na lege ti maboko ti mo so mo yoro.

Ezekiel 20:9

Mbi sara tongaso ti bata nengo ti mbi si iri ti mbi abuba pepe na le ti amara nde so akotara ti ala alango ando na popo ti ala. Biani, na le ti amara ni so laa mbi sara si ala hinga mbi, na lege so mbi sara si azo ti Israel asigigi na Ezipte.

Wungo ti azo 6:27

Tongana awayango-sandaga adi iri ti mbi tongaso ti sara na tufa na ndö ti azo ti Israel, fade mbi yeke sara tufa na ndö ti ala.”

Efeze 1:6

Ayeke nzoni e sepela gonda ti Nzapa ndali ti anzoni ye so lo mu na e gbani gbani na nzoni be na lege ti molenge ti lo so lo ye lo mingi.

Ndia ti fani use ni 10:21

Lo laa alingbi ala sepela lo, lo laa lo yeke Nzapa ti ala. Ndali ti ala laa lo sara akota ye na aye ti ziango mbeto na be ti zo so ala wani abaa na le ti ala so.

Ndia ti fani use ni 15:15

Ayeke nzoni ala dabe ti ala so ala wani, ala yeke ando angbaa na sese ti Ezipte si KOTA GBIA Nzapa ti ala azi ala. Ndani laa, mbi yeke mu yanga so na ala laso.

Ndia ti fani use ni 33:29

Ti ala nzoni, ala azo ti Israel! Mara wa laa alingbi na ti ala? Mara ti ala oko laa KOTA GBIA asoo ni. KOTA GBIA ayeke *vala ti batango ala, lo yeke ye ti bira so asara si ala so benda. Fade awato ti ala ayeke handa ala na lege ti mayere, me ala, azo ti Israel, ala yeke do awato ni na gbe ti gere ti ala.”

Ndia ti fani use ni 9:26

Mbi sambela lo, mbi tene: “Kota Gbia NZAPA, mo fâ azo ti mo kue pepe, ala ga ye ti mo awe; mo zi ala na lege ti kota ngangu ti mo, mo sara si ala sigigi na Ezipte na lege ti ngangu ti maboko ti mo.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Josué 7:9

Fade azo ti Kanaan na azo ti kodro ni kue ayeke ma tënë ni; ala yeke bongbi ti ga na ndö ti e si ala yeke hunzi e kue. Nyen laa mo yeke sara ande ti fa atene, mo yeke kota?”

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.

Aye so Nzapa afa 5:9

Ala yeke he fini bia, atene: “Mo lingbi ti mu mbeti ni ti zi anzoroko ni, ngbanga ti so a fâ mo ando awe. Mo futa ngere ti vongo azo na mene ti mo titene mo vo azo ti akete mara kue na Nzapa, azo ti ayanga ti kodro kue, azo ti akodro kue na azo ti amara kue.