2 Samuel 7:22 - Mbeti ti Nzapa - Tënë so amu fini

²² Kota Gbia NZAPA, mo yeke kota; mbeni nzapa ti lingbi na mo ayeke daa pepe. Na ya ti atënë so kue e ma, e ma a tene, mbeni nzapa tongana mo ayeke daa pepe, gi mo oko.

2 Samuel 7:22 ပူးပေါင်းရင်းမြစ်များ

2 Samuel 22:32

Zo wa laa ayeke Nzapa, zo wa? Gi KOTA GBIA pepe? Zo wa laa ayeke kota têne so e luti na ndö ni ti bata tere ti e, zo wa? Gi Nzapa ti e pepe?

1 Agbia 8:23

lo tene: “KOTA GBIA, Nzapa ti Israel, mbeni nzapa tongana mo ayeke daa pepe, ataa na yayu kâ wala na sese ge. Mo yeke bata tënë ti *mbuki na azo ti kua ti mo si mo yeke sara nzoni be na azo so ayeke tambula na dawa ti mo na be ti ala kue.

1 Mbai 16:25

Biani, KOTA GBIA ayeke kota, lo lingbi titene azo asepela lo mingi! Lo yeke sara ye ti ziango mbeto na be ti zo si lo yeke na ndö ti anzapa kue.

2 Mbai 2:5

Me zo wa laa alingbi ti sara da ndali ti lo, so yayu so akono ahon ndoni alingbi na konongo ti lo pepe so? Mbi so, mbi yeke ti mbi zo wa ti sara da na lo? Mbi ye ti leke gi mbeni ndo titene a zö dukani daa na dawa ti lo.

Abia (Psaumes) 135:5

Biani, mbi hinga so KOTA GBIA ayeke kota; Kota Gbia ti e ayeke na ndö ti anzapa kue.

Abia (Psaumes) 145:3

*KOTA GBIA ayeke kota, lo lingbi titene azo asepela lo gbani gbani; zo alingbi ti hinga nda ti kota ti lo pepe.

Abia (Psaumes) 44:1

Bia ti azo ti Kore; bia so ayeke ndali ti makonzi-bia. Bia ti fango ye na zo.

Abia (Psaumes) 48:1

Bia ti azo ti Kore.

Abia (Psaumes) 86:10

Biani, mo yeke kota, mo yeke sara aye ti kpene, gi mo oko laa mo yeke Nzapa!

Abia (Psaumes) 86:8

Kota Gbia, na popo ti anzapa, mbeni oko ti lingbi na mo ayeke daa pepe. Ye so mo sara, mbeni nzapa ti sara ni ayeke daa pepe.

Abia (Psaumes) 89:6

KOTA GBIA, aye so ayeke na yayu ayeke sepela mo ndali ti aye ti kpene ti mo! Bongbi ti *a-ange ayeke sepela mo ndali ti batango tënë ti yanga ti mo so mo yeke bata.

Abia (Psaumes) 89:8

Na ya ti bongbi ti a-ange, Nzapa ayeke zia kota mbeto na be ti ala; lo yeke zia mbeto mingi na be ti ala so kue angoro lo.

Abia (Psaumes) 96:4

Biani, KOTA GBIA ayeke kota, lo lingbi titene azo asepela lo mingi! Lo yeke sara ye ti ziango mbeto na be ti zo si lo yeke na ndö ti anzapa kue.

Sigingo 10:2

Tongaso, fade mo lingbi ti fa na amolenge ti mo nga na amolenge ti amolenge ti mo peko ti ye ti ngangu so mbi sara na azo ti Ezipte nga na aye ti kpene so mbi sara na kodro ti ala. Fade ala azo ti Israel, ala yeke hinga atene, mbi laa mbi yeke KOTA GBIA.”

Sigingo 15:11

KOTA GBIA, na popo ti anzapa, lo so wa laa ayeke tongana mo? Zo wa laa alingbi na gonda, lo yeke nde si lo yeke nzoni kue tongana mo? Zo wa laa alingbi ti sara akota ye tongana mo? Zo wa laa alingbi ti sara aye ti kpene tongana mo?

Sigingo 8:10

Azo abongbi kuâ ti ala gbani gbani, na ndö ti tere, na ndö ti tere si ya ti kodro ni kue afun sioni sioni.

Sigingo 8:6

Faraon atene: “Kekereke.” Moïse atene: “Nzoni! Mbi yeke sara tongana ti so mo hunda. Tongaso, fade mo yeke hinga, mo tene, mbeni nzapa ti lingbi na KOTA GBIA, Nzapa ti e ayeke daa pepe.

Sigingo 9:14

Taa ti so ni, mbi yeke tokua mara ti angangu kpale kue na ndö ti mo wani, na ndö ti azo ti gbe ti mo nga na ndö ti azo ti kodro ti mo, tongaso si mo yeke hinga, mo tene, na ndö ti sese so, mbeni zo oko ti lingbi na mbi ayeke daa pepe.

Ésaïe 40:18

Ala ye ti haka Nzapa na zo wa? Limo ti nyen laa ala baa alingbi na lo?

Ésaïe 40:25

Nzapa so ayeke nde si ayeke nzoni kue ahunda ndo, atene: “Ala haka mbi na zo wa? Zo wa laa alingbi na mbi, zo wa?”

Ésaïe 45:18

*KOTA GBIA asara yayu; lo yeke Nzapa so lo sara sese, lo leke ni, lo sara si akpengba. Lo sara sese ni titene ndö ni angba senge pepe, lo sara ni titene azo alango daa. Tënë so lo tene ayeke so: “Mbi laa mbi yeke KOTA GBIA, mbeni nde ayeke daa pepe.

Ésaïe 45:22

Ala azo so kue ayeke lango na nda ti sese, ala kiri na mbage ti mbi si fade mbi soo ala. Biani, mbi yeke Nzapa, mbeni nde ayeke daa pepe.

Ésaïe 45:5

Mbi laa mbi yeke KOTA GBIA, mbeni nde ayeke daa pepe. Mbeni Nzapa nde ayeke pepe, gi mbi oko. Ataa so mo hinga mbi pepe, mbi leke mo ndali ti bira.

Ezekiel 36:22

Ndani laa, tene na azo ti Israel, mo tene: Tënë so Kota Gbia NZAPA atene ayeke so: Ye so mbi sara so, mbi sara ni ndali ti ala, azo ti Israel pepe. Me mbi sara ni ndali ti iri ti mbi so ayeke nde si ayeke nzoni kue, iri ti mbi so ala buba ni na popo ti amara nde so ala ga na ndo ti ala.

Ezekiel 36:32

Ala azo ti Israel, alingbi ala hinga atene, ye so mbi yeke sara so, mbi sara ni ndali ti ala pepe; so tënë ti yanga ti mbi, Kota Gbia NZAPA laa. Ayeke fade nzoni titene kamene asara ala si be ti ala aso ndali ti lege ti sarango ye ti ala.

Daniel 2:45

Mo baa nga têne so zo andu ni oko pepe, alondo na ndö ti hoto abo wen, bengba wen, sese ti sarango na ta, wen ti nginza na lôro ti yanda ni si afâ ya ni kue. Kota Nzapa afa na mo, gbia, ye so ayeke si gbanda. Bango-li ni ayeke taa-tënë biani; nda ni so mbi fa ayeke nga ye so mo lingbi ti zia be ti mo na ndö ni.”

Mishe 7:18

Mbeni nzapa wa laa alingbi na mo? Mo laa mo yeke zi siokpari ti tanga ti azo ti mo so angba na fini, mo yeke zia be ti mo na kpengbango li ti azo ni pepe. Ndali ti yengo so mo ye na tanga ti azo ti mo so angba na fini, mo yeke sara ngonzo na tere ti ala ngbii aninga pepe, me ye so anzere na be ti mo ayeke titene mo sara nzoni be na azo.

Ndia ti fani use ni 3:24

“Kota Gbia NZAPA, mo to nda ti fa na mbi, zo ti kua ti mo, kota ti mo na ngangu ti maboko ti mo. Mbeni nzapa nde, ataa na yayu, ataa na ndö ti sese so alingbi ti sara akota ye tongana mo ayeke daa pepe!

Ndia ti fani use ni 32:39

Fadeso, ayeke nzoni ala hinga ye so: mbi, mbi yeke gi mbi oko, na tere ti mbi, mbeni nzapa nde ayeke daa pepe. Mbi laa mbi yeke sara si zo akui, mbi laa mbi yeke sara si zo aduti na fini; mbi laa mbi yeke zia ka na tere ti zo, mbi laa mbi yeke sara si ka ni amu. Zo wa laa alingbi ti gboto zo na maboko ti mbi, zo wa?

Ndia ti fani use ni 4:35

Ala wara lege ti baa aye so kue titene ala hinga atene, KOTA GBIA laa ayeke Nzapa; mbeni nzapa nde ayeke daa pepe, gi lo oko.

Ndia ti fani use ni 4:39

Alingbi ala hinga tënë so laso, ala gbu li ti ala na ndö ni nzoni: KOTA GBIA laa ayeke Nzapa na yayu, yongoro na nduzu kâ; lo yeke nga Nzapa na ndö ti sese; mbeni Nzapa nde ayeke daa pepe.

1 Samuel 2:2

KOTA GBIA oko laa ayeke nde si ayeke nzoni kue, mbeni zo ti bata e tongana lo ayeke daa pepe; lo yeke oko kota têne so e luti na ndö ni ti bata tere ti e; mbeni nzapa nde tongana lo ayeke daa pepe.