2 Samuel 7:21 - Mbeti ti Nzapa - Tënë so amu fini

²¹ Ndali ti tënë ti mo nga na lege ti ye so be ti mo aye, mo sara akota ye so kue ti fa ni na mbi.

2 Samuel 7:21 ပူးပေါင်းရင်းမြစ်များ

1 Mbai 17:19

KOTA GBIA, ndali ti mbi, zo ti kua ti mo, nga na lege ti ye so be ti mo aye, mo sara akota ye so kue ti fa ni na azo.

Abia (Psaumes) 115:1

*KOTA GBIA, e pepe; e laa e lingbi na gonda pepe, me gonda ni alingbi na mo, ndali ti nzoni be ti mo nga ndali ti batango tënë ti yanga ti mo so mo yeke bata.

Abia (Psaumes) 138:2

Mbi kuku, mbi kpo li ti mbi na sese na mbage ti kota da ti mo so ayeke nde si ayeke nzoni kue, mbi yeke mu singila na mo ndali ti nzoni be ti mo nga ndali ti tënë ti yanga ti mo so mo yeke bata. Biani, aye so mo mu yanga ti sarango ni, mo yeke sara ni ahon ye so e yeke ku na mbage ti mo.

Wungo ti azo 23:19

Nzapa ayeke zo pepe titene lo tene mvene, lo yeke senge zo ti sese pepe ti duti na yanga use use. Tënë so lo tene, fade lo yeke sara ni pepe? Tënë so lo tene, fade lo yeke sara ye ti peko ni pepe?

Matthieu 11:26

Biani Babâ, ye ni ayeke tongaso, ngbanga ti so mo yeda.

Matthieu 24:35

Fade yayu na sese ayeke hon, me atënë ti mbi ayeke hon oko pepe.”

Nzoni Tënë so Luc asu na mbeti 1:72

Lo sara nzoni be na akotara ti e ti dabe ti lo na *mbuki ti lo so ayeke nde si ayeke nzoni kue.

Nzoni Tënë so Luc asu na mbeti 10:21

Gi na ndembe ni so, be ti Jésus asi na ngia ti Yingo-Vuru si lo tene: “Mbi gonda mo Babâ, mo so mo yeke *Kota Gbia ti yayu na ti sese, ndali ti so mo honde aye so na azo ti ndara nga na azo ti hingango ye si mo sigigi na nda ni na akete molenge. Biani Babâ, ye ni ayeke tongaso, ngbanga ti so mo yeda.

Nzoni Tënë so Luc asu na mbeti 12:32

“Ala azo so ayeke tongana bongbi ti akete taba, ala sara mbeto pepe, ngbanga ti so a nzere na Babâ ti ala ti mu Kodro-gbia ni na ala!

1 Korente 1:1

Mbi Paul, Nzapa airi mbi tongana ti so be ti lo aye titene mbi ga *watokua ti Jésus Christ; mbi na ita Sostene laa e tokua mbeti so

Efeze 1:9

Ye so lo leke na be ti lo si angba na hondengo ni, lo sara si e hinga ni: so ti tene, ye so lo leke kozoni na lege ti nzoni be ti lo ti sara ni na lege ti Christ.

Efeze 3:11

Nzapa asara ye ni alingbi gi na ye so lo leke ando na be ti lo si ayeke lakue lakue; lo sara ni awe na lege ti *Kota Gbia ti e Jésus Christ.

Efeze 4:32

Ala sara nzoni na popo ti ala, ala baa mawa ti amba ti ala; ala zi tënë na li ti amba ti ala na popo ti ala tongana ti so Nzapa azi tënë na li ti ala, ngbanga ti gango so ala ga oko na Christ.

Ndia ti fani use ni 9:5

Ala azo ti Israel, tongana ala wara lege ti mu sese ti azo ti mara ni titene aga ti ala, ayeke ngbanga ti mbirimbiri ti ala pepe wala ayeke ngbanga ti so be ti ala ayeke mbirimbiri. Me KOTA GBIA ayeke tumba azo ni, ngbanga ti so sarango ye ti ala ayeke sioni. Lo yeke tumba nga azo ni ti sara si zendo so lo mu ando na akotara ti ala Abraham, Isaac na Jacob aga taa-tënë.