2 Samuel 7:20 - Mbeti ti Nzapa - Tënë so amu fini

²⁰ Tënë ti nyen laa, mbi David, mbi lingbi ti kiri ti tene na mo Kota Gbia NZAPA? Ti mo, mo hinga mbi, zo ti kua ti mo awe.

2 Samuel 7:20 ပူးပေါင်းရင်းမြစ်များ

Tongo nda ti aye 18:19

Mbi soro lo titene lo mu yanga na amolenge ti lo, na *ahale ti lo so kue ayeke ga na peko ti lo titene ala ma yanga ti KOTA GBIA; ala sara ye so ayeke mbirimbiri, na ye so ayeke na legeni. Tongaso si mbi KOTA GBIA, mbi yeke sara ande na Abraham aye so kue mbi tene tënë ti sarango ni ndali ti lo.”

1 Mbai 17:18

Tënë ti nyen laa, mbi David, mbi lingbi ti kiri ti tene na mo ndali ti iri ti mbi so mo mu na nduzu so? Mo hinga mbi, zo ti kua ti mo awe.

Abia (Psaumes) 139:1

Bia so ayeke ndali ti makonzi-bia; bia ti David. *KOTA GBIA, mo baa ndo na ya ti be ti mbi kâ, mo hinga mbi nzoni.

Jean 2:25

Mbeni zo alingbi ti fa peko ti tënë na Jésus na ndö ti zo pepe, ngbanga ti so lo hinga tënë ti be ti zo nzoni mingi.

Jean 21:17

Jésus akiri ahunda lo ti fani ota ni, atene: “Simon, molenge ti Jean, mo ye mbi?” Vundu asara Pierre, ngbanga ti so Jésus ahunda lo fani ota, atene: “Mo ye mbi?” Tongaso lo tene na Jésus: “Kota Gbia, mo hinga ye kue, mo hinga so mbi ye mo!” Jésus atene na lo: “Bata ataba ti mbi.

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.

Josué 5:14

Koli ni akiri tënë: “Mbi yeke na mbage ti zo oko pepe; me mbi yeke makonzi ti aturugu ti *KOTA GBIA. Gango ti mbi laa.” Tongaso Josué ati, lo kpo li ti lo na sese si lo tene: “Nyen laa kota zo ti mbi aye ti tene na mbi, zo ti gbe ti lo?”

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.

1 Samuel 16:7

Me KOTA GBIA atene na Samuel: “Mo baa pendere ti lo wala yongo ti lo pepe. Mbi ke lo awe. Bango ndo ti mbi ayeke tongana bango ndo ti azo pepe. Azo ayeke baa ti ala gi ye so ayeke pika le ti ala; me mbi yeke baa ti mbi be ti zo.”