2 Samuel 7:2 - Mbeti ti Nzapa - Tënë so amu fini

² gbia atene na wayanga-Nzapa Natan: “Baa, mbi yeke lango ti mbi na ya ti da so a sara ni na keke ti sedre, me sanduku ti *mbuki ti Nzapa ayeke lango na gbe ti da ti bongo.”

2 Samuel 7:2 ပူးပေါင်းရင်းမြစ်များ

2 Samuel 11:11

Urii akiri tënë na David, atene: “Sanduku ti *mbuki ti *KOTA GBIA, aturugu ti Israel na ala ti Juda kue ayeke lango na gbe ti da ti bongo. Makonzi ti aturugu Yoab na aturugu ti lo ti kota kamba ayeke lango na ya ti ngonda si mbi, mbi gue ti mbi na da ti mbi ti te kobe, ti nyon ye, ti lango na tere ti wali ti mbi? Gbia ayeke na fini! Mbi yeke sara mara ti ye tongaso laoko pepe.”

2 Samuel 12:1

*KOTA GBIA atokua wayanga-Nzapa Natan na David. Natan ague, awara lo si atene na lo: “Na ya ti mbeni kodro, akoli use ayeke daa; mbeni ayeke zo ti mosoro, mbeni ayeke zo ti mawa.

2 Samuel 5:11

Hiram, gbia ti Tir atokua azo na David; lo tokua nga akeke ti sedre, asarapande na azo ti surungo ya ti têne titene ala sara da na David.

2 Samuel 6:17

Na peko ti so ala ga na sanduku ti mbuki ti KOTA GBIA, ala zia ni na ndo so a leke ndali ni, na gbe ti da ti bongo so David aleke ndali ni. David amu asandaga so a yeke gbi ni kue na wâ nga na asandaga ti beoko na KOTA GBIA.

2 Samuel 7:17

Natan atene na David peko ti aye so kue KOTA GBIA afa na lo na ya ti mbeni ye tongana bango-li.

1 Agbia 1:22

So Batsheba angba ti tene tënë na gbia, wayanga-Nzapa Natan asi.

1 Agbia 1:8

Me wayango-sandaga Sadok, na Benaya, molenge ti Yoyada, na wayanga-Nzapa Natan, Shimei, Rei nga na akpengba turugu ti gbia David ake ti mu peko ti Adonia.

1 Agbia 4:5

Azaria, molenge ti Natan ayeke makonzi ti agovoronere; Zabud, molenge ti Natan ayeke wayango-sandaga si lo yeke wamungo-wango na gbia;

1 Agbia 8:17

Babâ ti mbi David aleke lani na be ti lo ti sara da ndali ti KOTA GBIA, Nzapa ti Israel.

1 Mbai 14:1

Hiram, gbia ti Tir atokua azo na David; lo tokua nga akeke ti sedre, amason na asarapande titene ala sara da na lo.

1 Mbai 16:1

Na peko ti so ala ga na sanduku ti mbuki ti Nzapa, ala zia ni na gbe ti da ti bongo so David aleke ndali ni. Ala mu *asandaga so ayeke gbi ni kue na wâ nga na asandaga ti beoko na Nzapa.

1 Mbai 22:7

Lo tene na Salomon: “Molenge ti mbi, lani mbi leke na be ti mbi ti sara kota da ndali ti KOTA GBIA, Nzapa ti mbi.

1 Mbai 29:29

Atënë na ndö ti gbia David, na tongo nda ni ngbii asi na ndani, a su na ya ti abuku ti ambai ti awayanga-Nzapa Samuel, Natan na Gad.

2 Mbai 1:4

Me David amu lani sanduku ti *mbuki ti Nzapa na gbata ti Kiriat-Yearim ague na ni na Jérusalem si lo zia na gbe ti da ti bongo so lo sara kâ ndali ni.

2 Mbai 29:25

Gbia azia azo ti mara ti Lévi na ya ti kota da ti KOTA GBIA; awen so ayeke toto, akota kundi, na akundi ayeke na maboko ti ala. Lo sara ye ni alingbi na yanga so David, Gad, zo ti bango nda ti aye ti gbia, nga na Natan, wayanga-Nzapa amu. Andaa KOTA GBIA wani laa amu yanga so na lege ti awayanga ti lo.

2 Mbai 9:29

Tanga ti atënë na ndö ti Salomon, na tongo nda ni ngbii asi na ndani, na aye so kue lo sara, a su tënë ni na ya ti “Mbeti ti aye so wayanga-Nzapa Natan asara”, “Mbeti ti aye so Ahia, zo ti Silo atene na peko ti yanga ti Nzapa” nga na ya ti “Mbeti ti aye so zo ti bango nda ti aye Yedo abaa na ya ti mbeni ye tongana bango-li”. Ota mbeti ni so ayeke tene tënë na ndö ti Yeroboam, molenge ti Nebat.

Abia (Psaumes) 132:2

David laa adeba yanga ti lo na KOTA GBIA; lo mu zendo na ngangu Nzapa ti Jacob, lo tene:

Abia (Psaumes) 132:5

ngbii mbi wara mbeni ndo ndali ti KOTA GBIA, mbeni da ndali ti ngangu Nzapa ti Jacob si!”

Sigingo 40:21

Moïse ague na sanduku ni na ya ti da so Nzapa ayeke duti daa. Na pekoni, a kanga ridoo so akangbi ya ti da ni titene ahonde sanduku ni. Moïse asara ye ni alingbi na yanga so KOTA GBIA amu lani na lo.

Aggée 1:4

“Ngoi titene ala lango na ya ti ada ti ala so ala leke ni pendere pendere laa si kota da ti mbi, KOTA GBIA abuba kue so?

Jean 2:17

Adisiple ti lo adabe ti ala na tënë so Mbeti ti Nzapa atene: “Nzapa, fade nzara ti da ti mo ayeke gbi mbi tongana wâ.”

Awatokua 7:46

Nzapa asara nzoni be na David si David ahunda na lo titene lo yeda si ni sara mbeni da ndali ti Nzapa ti Jacob.