2 Samuel 7:18 - Mbeti ti Nzapa - Tënë so amu fini

¹⁸ Gbia David ague, aduti na dawa ti *KOTA GBIA si lo tene: “Kota Gbia NZAPA, mbi yeke zo wa? Asewa ti mbi ayeke zo wa si mo mu mbi, mo zia mbi na ndo so?

2 Samuel 7:18 ပူးပေါင်းရင်းမြစ်များ

Tongo nda ti aye 32:10

Na pekoni, Jacob asambela, atene: “Nzapa ti babâ ti mbi Abraham, Nzapa ti babâ ti mbi Isaac, mo KOTA GBIA so mo tene na mbi, mo tene: ‘Kiri na kodro ti mo na ti asewa ti mo; fade mbi yeke sara nzoni na mo’,

Tongo nda ti aye 32:11

mbi zo ti gbe ti mo, mbi yeke kete mingi; anzoni ye so mo sara na mbi si mo ngba ti sarango ni ngbii asi laso so, mbi lingbi na ni pepe. Biani, mbi hon ando na ya ti ngu ti Jourdain gi na keke oko so ayeke na maboko ti mbi. Fadeso mbi yeke na azo ti mbi nga na anyama so mbi kangbi ala na ya ti bongbi use.

2 Samuel 23:5

Sewa ti mbi ayeke tongaso na le ti Nzapa pepe? Ndali ti so mbi na lo, e sara *mbuki ti lakue lakue, a leke andia ti mbuki ni kue awe. Asongo benda nga na aye ti nzoni kue ti mbi, lo lingbi ti sara si amai maingo pepe?

2 Samuel 7:17

Natan atene na David peko ti aye so kue KOTA GBIA afa na lo na ya ti mbeni ye tongana bango-li.

1 Mbai 17:16

Gbia David ague, aduti na dawa ti *KOTA GBIA si lo tene: “KOTA GBIA Nzapa, mbi yeke zo wa? Asewa ti mbi ayeke zo wa si mo mu mbi, mo zia mbi na ndo so?

1 Mbai 29:14

Mbi na azo ti kodro ti mbi, e yeke zo wa ti mu ye na be ti e wani tongaso? Ye kue alondo na mo; ye so e mu na mo, alondo gi na mo.

Abia (Psaumes) 8:4

Tongana mbi baa le ti nduzu, ye so maboko ti mo asara, tongana mbi baa nze na atongoro so mo zia ala kâ, mbi hunda tere ti mbi, mbi tene:

Sigingo 3:11

Moïse atene na Nzapa, atene: “Mbi yeke zo wa ti gue na ndo ti Faraon ti zi azo ti Israel na sese ti Ezipte ti sigigi na ala?”

Ésaïe 37:14

Ezekias amu mbeti ni na maboko ti awatokua ni, lo diko ni si lo gue na ya ti kota da ti *KOTA GBIA. Lo zi ya ti mbeti ni na le ti KOTA GBIA.

Efeze 3:8

Na popo ti azo ti Nzapa kue, mbi laa mbi yeke kete zo ahon atanga ni kue, me Nzapa amu na mbi lege ti fa Nzoni Tënë na azo ti amara nde, so ti tene gba ti anzoni ye ti Christ so zo agi li ti lo na nda ni gbaa.

Awafango-ngbanga 6:15

Gédéon akiri tënë na lo: “Kota Gbia, mbi gbu gere ti mo! Fade mbi yeke soo azo ti Israel ni tongana nyen? Mara ti mbi ayeke kete mara na popo ti mara ti Manase. Ti mbi, mbi yeke gi ndangba molenge ti ya ti sewa ti mbi.”

Ruth 2:10

Ruth akuku akpo li ti lo na sese si lo tene na Booz: “Mo sara nzoni be na mbi tongaso ngbanga ti nyen? Mbi so mbi yeke zo ti mara nde so, mo ye tënë ti mbi tongaso ngbanga ti nyen?”

1 Samuel 15:17

Samuel atene: “So mo yeke baa tere ti mo wani lani tongana kete zo so, KOTA GBIA laa asara si mo ga makonzi na li ti azo ti Israel pepe? Lo tuku mafuta na li ti mo si mo ga gbia ti azo ti Israel.

1 Samuel 18:18

David akiri tënë na Saul: “Mbi yeke ti mbi zo wa? Asewa ti mbi, na mara ti babâ ti mbi so ayeke na Israel ayeke nyen si mbi ga kogara ti gbia so?”

1 Samuel 9:21

Saul akiri tënë: “So tënë ti nyen? Mbi yeke ti mbi zo ti mara Benjamin. Benjamin ayeke mbeni kete mara na popo ti amara ti Israel. Sewa ti mbi ayeke gi kete sewa na ya ti amara ti azo ti Benjamin. Mo tene mara ti tënë tongaso na mbi ngbanga ti nyen?”