2 Samuel 7:16 - Mbeti ti Nzapa - Tënë so amu fini

¹⁶ Mbeni hale ti mo ayeke le-gbia na peko ti mo kpu na kpu. Biani, lengo-gbia ti asewa ti mo ayeke kpengba kpu na kpu.’ ”

2 Samuel 7:16 ပူးပေါင်းရင်းမြစ်များ

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

2 Samuel 22:51

KOTA GBIA asara akota ye mingi ndali ti gbia so lo soro lo, lo sara nzoni be na zo so lo tuku mafuta na li ti lo: lo sara ni ndali ti David na *ahale ti lo kpu na kpu.

2 Samuel 7:13

Lo laa lo yeke sara da ndali ti mbi; mbi yeke sara titene lengo-gbia ti lo akpengba kpu na kpu.

2 Samuel 7:17

Natan atene na David peko ti aye so kue KOTA GBIA afa na lo na ya ti mbeni ye tongana bango-li.

1 Agbia 2:4

KOTA GBIA ayeke sara ye alingbi na zendo so ando lo mu na mbi, lo tene: ‘Tongana amolenge ti mo abata lege ti dutingo ti ala nzoni, tongana ala tambula mbirimbiri na dawa ti mbi, fade mbeni zo ti sewa ti mo ayeke duti lakue na ndö ti mbata ti gbia ti Israel.’ ”

1 Agbia 9:5

fade mbi yeke sara titene lengo-gbia ti mo na ndö ti azo ti Israel angba kpu na kpu alingbi na zendo so mbi mu na babâ ti mo David. Mbi tene lani na lo, mbi tene: ‘Fade mbeni zo ti sewa ti mo ayeke duti daa lakue na ndö ti mbata ti gbia ti Israel.’

2 Agbia 19:34

Fade mbi yeke bata gbata so si mbi yeke soo ni ndali ti mbi nga ndali ti David, zo ti kua ti mbi.”

2 Agbia 8:19

Me KOTA GBIA aye ti buba kodro-gbia ti Juda pepe ndali ti David, zo ti kua lo, ngbanga ti so KOTA GBIA atene na David, fade mbeni *hale ti lo ayeke duti gbia lakue lakue na peko ti lo.

2 Mbai 6:16

Fadeso KOTA GBIA, Nzapa ti Israel, sara ye alingbi na tënë so mo tene lani na babâ ti mbi David, zo ti kua ti mo; lani mo tene: ‘Tongana amolenge ti mo abata lege ti dutingo ti ala nzoni, tongana ala sara ye alingbi na *Ndia ti mbi tongana ti so mo wani, mo sara, fade mbeni zo oko ti ya ti sewa ti mo ayeke duti lakue na ndö ti mbata ti gbia ti Israel.’

Mbeti ti Job 36:7

Lo yeke bi le ti lo yamba na azo ti mbirimbiri pepe. Ti agbia, lo yeke zia ala na ndö ti mbata titene ala ngba daa lakue. Me ala yeke ga azo ti baba.

Abia (Psaumes) 45:6

Yanga ti ale ti kokora ti mo aza mingi, fade ayeke koro be ti awato ti mo, gbia. Biani, fade azo kue ayeke ti na gbe ti mo.

Abia (Psaumes) 72:5

Ayeke nzoni azo akpe mbeto ti mo, na ngoi so kue lâ na nze angba ti su ngbii asi na lango ti ndani.

Abia (Psaumes) 89:4

Mo tene: “Zo so mbi soro lo, mbi na lo, e ga ambuki awe; mbi deba yanga na David, zo ti kua ti mbi, mbi tene:

Ésaïe 9:6

Fade lengo-gbia ti lo ayeke mu ndo ti gue na ni, lo yeke mu siriri so ayeke hunzi pepe, lo yeke duti na ndö ti mbata ti gbia David si lo yeke le-gbia na kodro ti lo. Lo yeke sara titene kodro-gbia ni akpengba na lege ti sarango ye so ayeke na legeni nga na lege ti sarango ye ti mbirimbiri, ti to nda ni laso ti gue na ni ngbii kpu na kpu. Ye so KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Ésaïe 9:7

*KOTA GBIA atokua mbeni tënë na tere ti azo ti Jacob, tënë ni ati na ndö ti Israel.

Jérémie 17:25

Tongaso, agbia so aduti na ndö ti mbata ti gbia David, ala so ayeke tambula na ndö ti ambarata nga na apusu ti mbarata, fade ala yeke wara lege ti li na ayanga ti gbagba ti gbata ni. Akota zo ti kodro ti ala, azo ti Juda, na azo so ayeke lango na Jérusalem ayeke ngba ti li na ndo so. Ti gbata ni, azo ayeke ngba ti lango na ya ni kpu na kpu.

Jérémie 33:17

Tënë so KOTA GBIA atene ayeke so: “Fade mbeni hale ti David ayeke duti daa lakue ti le-gbia na ndö ti azo ti Israel.

Ezekiel 37:25

Ala yeke duti na sese so mbi mu na zo ti kua ti mbi Jacob, sese so akotara ti ala aduti ando daa. Ala yeke duti daa kpu na kpu, ala na amolenge ti ala, na amolenge ti amolenge ti ala. Fade David, zo ti kua ti mbi ayeke duti makonzi ti ala lakue lakue.

Daniel 2:44

Na ngoi ti agbia ni, fade Nzapa so ayeke na yayu ayeke sara mbeni kodro so ayeke buba laoko pepe; kodro ni ayeke ti na gbe ti azo ti ambeni mara nde pepe. Fade kodro ni ayeke fâ si ayeke nika ambeni kodro ni kue; gi kodro oko so laa ayeke ngba ti lo lakue lakue.

Daniel 7:14

A mu na lo ngangu ti sara komandema, a mu na lo gonda si a mu lo gbia. Tongaso amara nde nde na azo ti ayanga ti kodro nde nde kue asara kua na lo. Ngangu ti lo ti sara komandema angba lakue lakue, fade ayeke hunzi pepe. Mbeni ye ti buba lengo-gbia ti lo ayeke daa laoko pepe.

Matthieu 16:18

Tongaso mbi tene na mo: mo yeke Pierre. Na ndö ti têne so, mbi yeke leke ande *Eglize ti mbi; fade kuâ ayeke na ngangu pepe ti hon ndö ti Eglize ti mbi.

Jean 12:34

Gba ti azo ni akiri tënë na lo, atene: “Na ya ti mbeti ti *Ndia ti e, e ma a tene, fade *Mesii ayeke ngba kpu na kpu. Tongana nyen laa mo tene, a yeke mu *Molenge ti Zo ti kanga lo na nduzu so? Molenge ti Zo ni ayeke zo wa?”

Ahebro 1:8

Me ti molenge ti lo, Nzapa atene: “O Nzapa, mbata ti mo ti gbia ayeke ngba kpu na kpu! Na ya ti kodro-gbia ti mo, mo yeke sara komandema na legeni.

Aye so Nzapa afa 11:15

Mbarambara *ange ni ahuru tatalita ti lo. Mbi ma akota go so alondo na yayu, atene: “Fadeso lengo-gbia ayeke ti *Kota Gbia ti e, lo na *Mesii ti lo; fade lo yeke le-gbia kpu na kpu!”

1 Samuel 25:28

Mbi gbu gere ti mo, zi na li ti mbi zo ti kua ti mo sioni so mbi sara. Biani, fade KOTA GBIA ayeke mu kodro ni na mo, kodro ni ayeke ngba lakue lakue, ngbanga ti so mo yeke tiri bira ndali ti KOTA GBIA. Na ya ti lango so kue mo yeke ngba na fini, fade a yeke wara sioni oko na li ti mo pepe.