2 Samuel 7:14 - Mbeti ti Nzapa - Tënë so amu fini

¹⁴ Fade mbi yeke duti babâ ti lo si lo yeke duti molenge ti mbi. Tongana lo sara sioni, mbi yeke pika lo na zaza tongana ti so babâ ayeke pika molenge ti lo.

2 Samuel 7:14 ပူးပေါင်းရင်းမြစ်များ

1 Agbia 11:34

Fade mbi yeke zi kodro ni kue na maboko ti Salomon pepe, lo yeke ngba ti sara komandema na ndö ti azo ti mbi na lango so kue lo yeke ngba na fini ndali ti zo ti kua ti mbi David so mbi soro lo si lo sara ye alingbi na atënë ti yanga ti mbi na andia ti mbi.

1 Agbia 9:6

Me tongana mo na azo ti mo nga na *ahale ti ala azia peko ti ala na mbi, tongana ala ke ti sara ye alingbi na atënë ti ndia ti mbi nga na andia ti mbi, tongana ala gue ti sara na ambeni nzapa nde si ala kuku na gbe ti anzapa ni,

1 Mbai 17:13

Fade mbi yeke duti babâ ti lo si lo yeke duti molenge ti mbi. Mbi yeke zi nzoni be ti mbi na lo pepe, tongana ti so mbi zi nzoni be ti mbi na lo so ayeke kozoni na mo.

1 Mbai 22:10

Lo laa lo yeke sara ande kota da ndali ti mbi; lo yeke duti molenge ti mbi si mbi yeke duti babâ ti lo. Mbi yeke sara titene lengo-gbia ti lo akpengba lakue na kodro ti Israel.’

1 Mbai 28:6

Na pekoni, KOTA GBIA atene na mbi: ‘Molenge ti mo Salomon laa ayeke sara da nga na gbagba na mbi. Biani, mbi soro lo titene lo ga molenge ti mbi si mbi, mbi yeke duti babâ ti lo.

Mbeti ti Job 5:17

Biani, ti lo nzoni, zo so Nzapa agboto mê ti lo! Tongaso, lo so ngangu ti lo ahon angangu kue, mo ke pika ti lo pepe.

Abia (Psaumes) 2:7

“Mbi ye ti fa peko ti mbela ti KOTA GBIA: lo tene na mbi, lo tene: ‘Mo yeke molenge ti mbi; laso mbi ga babâ ti mo awe.

Jérémie 30:11

So tënë ti yanga ti KOTA GBIA laa: Mbi yeke na mo ti soo mo. Amara so kue mbi kangbi mo lani na popo ti ala, mbi yeke fâ ala kue ti hunzi ala; me ti mo, mbi yeke hunzi mara ti mo pepe. Biani, mbi pika mo, me na legeni; mbi lingbi fade ti zia mo senge tongaso pepe!”

Matthieu 3:17

Mbeni go alondo na yayu si atene: “So ayeke Molenge ti mbi so mbi ye lo mingi, be ti mbi anzere na lo mingi.”

1 Korente 11:32

Me Kota Gbia afâ ngbanga ti e si lo pika e titene lo fâ ngbanga na li ti e tongana ti tanga ti azo ti dunia so pepe.

2 Korente 6:18

Kota Gbia so ngangu ti lo ahon angangu kue atene: “Mbi yeke duti Babâ ti ala si ala yeke duti amolenge ti mbi ti koli na ti wali.”

Ndia ti fani use ni 8:5

Alingbi ala hinga so nzoni: KOTA GBIA aye ti fa lege ti hingango ndo na ala tongana ti so babâ ayeke fa lege ti hingango ndo na molenge ti lo.

Ahebro 1:5

Biani, laoko Nzapa atene mbeni tënë tongaso na mbeni ange pepe: “Mo yeke molenge ti mbi, laso mbi ga Babâ ti mo awe.” Laoko lo tene nga mbeni tënë tongaso na ndö ti mbeni ange pepe: “Fade mbi yeke duti Babâ ti lo si lo yeke duti molenge ti mbi.”

Aye so Nzapa afa 21:7

Zo so aso benda, fade mbi yeke mu aye so na lo; mbi yeke duti Nzapa ti lo si lo yeke duti molenge ti mbi.

Aye so Nzapa afa 3:19

Azo so kue mbi ye ala, mbi yeke pika ala si mbi yeke kiri ala na nzoni lege. Zia be ti mo kue na sarango kua, zia sioni lege ti sarango ye ti mo!