2 Samuel 7:13 - Mbeti ti Nzapa - Tënë so amu fini

¹³ Lo laa lo yeke sara da ndali ti mbi; mbi yeke sara titene lengo-gbia ti lo akpengba kpu na kpu.

2 Samuel 7:13 ပူးပေါင်းရင်းမြစ်များ

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

2 Samuel 22:51

KOTA GBIA asara akota ye mingi ndali ti gbia so lo soro lo, lo sara nzoni be na zo so lo tuku mafuta na li ti lo: lo sara ni ndali ti David na *ahale ti lo kpu na kpu.

2 Samuel 7:16

Mbeni hale ti mo ayeke le-gbia na peko ti mo kpu na kpu. Biani, lengo-gbia ti asewa ti mo ayeke kpengba kpu na kpu.’ ”

2 Samuel 7:27

Biani, KOTA GBIA so ngangu ti lo ahon angangu kue, Nzapa ti Israel, mo wani, mo tene na mbi, mo tene, fade ahale ti mbi ayeke le-gbia na peko ti mbi. Nilaa be ti mbi awara ngangu ti sara sambela so.

1 Agbia 2:24

KOTA GBIA ayeke na fini! Fadeso, lo laa lo zia mbi na ndö ti mbata ti gbia ti babâ ti mbi David, lo sara si komandema ti mbi akpengba, lo mu zendo ti mungo komandema na mbi nga na *ahale ti mbi. Mbi deba yanga ti mbi awe: gi laso laso, a yeke fâ Adonia!”

1 Agbia 2:4

KOTA GBIA ayeke sara ye alingbi na zendo so ando lo mu na mbi, lo tene: ‘Tongana amolenge ti mo abata lege ti dutingo ti ala nzoni, tongana ala tambula mbirimbiri na dawa ti mbi, fade mbeni zo ti sewa ti mo ayeke duti lakue na ndö ti mbata ti gbia ti Israel.’ ”

1 Agbia 2:45

Me fade KOTA GBIA ayeke sara tufa na ndö ti mbi, lo yeke sara titene lengo-gbia ti asewa ti David akpengba kpu na kpu.”

1 Agbia 5:5

Na ngoi so kue Salomon aduti gbia, azo ti Juda na azo ti Israel kue aduti na siriri. Ti londo na kodro ti Dan ngbii asi na Bersheba, zo oko oko ayeke duti kpoo na gbe ti keke ti *vinye ti lo wala na gbe ti keke ti fige ti lo.

1 Agbia 6:12

“Mo yeke sara kota da so ndali ti mbi. Tongana mo sara ye alingbi na atënë ti ndia ti mbi, tongana mo bata akpengba tënë ti mbi si mo ma yanga ti mbi lakue, fade mbi yeke sara ye na mo alingbi na tënë ti yanga ti mbi so mbi tene na babâ ti mo David.

1 Agbia 8:13

Me ti mbi, mbi sara da na mo, ndo so mo yeke duti daa lakue lakue!”

1 Agbia 8:15

Lo tene: “Mbi mu singila na *KOTA GBIA, Nzapa ti Israel! Zendo so lo mu lani na babâ ti mbi David, lo wani, lo sara ye alingbi na ni;

1 Agbia 8:19

Me mo laa mo yeke sara ande da ni pepe; molenge ti mo laa ayeke sara da ni ndali ti mbi.’ ”

2 Agbia 21:4

Lo sara agbalaka ndali ti anzapa nde na ya ti kota da ti KOTA GBIA na Jérusalem, da so KOTA GBIA atene tënë ndali ni, atene: “Fade mbi yeke sara titene iri ti mbi aduti kâ.”

2 Agbia 21:7

Lo sara yanda ndali ti nzapa-wali Ashera si lo zia ni na ya ti kota da ti KOTA GBIA. Andaa KOTA GBIA atene ando na David nga na molenge ti lo Salomon, atene: “Na ya ti kota da so nga na Jérusalem, gbata so mbi soro na popo ti agbata ti amara kue ti Israel laa mbi yeke sara titene iri ti mbi aduti daa kpu na kpu.

2 Agbia 8:19

Me KOTA GBIA aye ti buba kodro-gbia ti Juda pepe ndali ti David, zo ti kua lo, ngbanga ti so KOTA GBIA atene na David, fade mbeni *hale ti lo ayeke duti gbia lakue lakue na peko ti lo.

1 Mbai 28:10

Mo baa fadeso, KOTA GBIA asoro mo titene mo sara da so a yeke zia ni nde ndali ti lo. Ayeke nzoni mo gbu ngangu, mo sara ye!”

2 Mbai 33:4

Lo sara agbalaka ndali ti anzapa nde na ya ti kota da ti KOTA GBIA na Jérusalem, da so KOTA GBIA atene tënë ndali ni, atene: “Fade iri ti mbi yeke duti kâ kpu na kpu.”

2 Mbai 6:16

Fadeso KOTA GBIA, Nzapa ti Israel, sara ye alingbi na tënë so mo tene lani na babâ ti mbi David, zo ti kua ti mo; lani mo tene: ‘Tongana amolenge ti mo abata lege ti dutingo ti ala nzoni, tongana ala sara ye alingbi na *Ndia ti mbi tongana ti so mo wani, mo sara, fade mbeni zo oko ti ya ti sewa ti mo ayeke duti lakue na ndö ti mbata ti gbia ti Israel.’

Mbeti ti Job 36:7

Lo yeke bi le ti lo yamba na azo ti mbirimbiri pepe. Ti agbia, lo yeke zia ala na ndö ti mbata titene ala ngba daa lakue. Me ala yeke ga azo ti baba.

Abia (Psaumes) 72:17

Ayeke nzoni iri ti gbia ni angba lakue lakue, ague na nduzu na ngoi so kue lâ angba ti su. Ayeke nzoni azo asara tufa na ndö ti amba ti ala na iri ti lo si azo ti amara kue atene: “Ti lo nzoni!”

Abia (Psaumes) 89:21

Mbi wara David, zo ti kua ti mbi, mbi tuku mafuta ti mbi na li ti lo ti zia lo gbia; mafuta so ayeke nde si ayeke nzoni kue.

Abia (Psaumes) 89:29

Mbi yeke ngba ti sara nzoni be na lo kpu na kpu, mbi yeke bata tënë ti mbuki ti mbi na lo lakue.

Abia (Psaumes) 89:4

Mo tene: “Zo so mbi soro lo, mbi na lo, e ga ambuki awe; mbi deba yanga na David, zo ti kua ti mbi, mbi tene:

Ésaïe 49:8

Tënë so KOTA GBIA atene ayeke so: “Na ndembe so alingbi, mbi kiri tënë na mo; na lango ti songo azo na kuâ, mbi mu na mo maboko. Mbi bata mo titene na lege ti mo, mbi na azo, e ga *ambuki. Mbi yeke yo kodro ti Israel na nduzu, mbi yeke kiri ti kangbi na azo sese so lani ayeke ti ala si abuba so.

Ésaïe 9:6

Fade lengo-gbia ti lo ayeke mu ndo ti gue na ni, lo yeke mu siriri so ayeke hunzi pepe, lo yeke duti na ndö ti mbata ti gbia David si lo yeke le-gbia na kodro ti lo. Lo yeke sara titene kodro-gbia ni akpengba na lege ti sarango ye so ayeke na legeni nga na lege ti sarango ye ti mbirimbiri, ti to nda ni laso ti gue na ni ngbii kpu na kpu. Ye so KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Ésaïe 9:7

*KOTA GBIA atokua mbeni tënë na tere ti azo ti Jacob, tënë ni ati na ndö ti Israel.

Jérémie 33:17

Tënë so KOTA GBIA atene ayeke so: “Fade mbeni hale ti David ayeke duti daa lakue ti le-gbia na ndö ti azo ti Israel.

Ezekiel 37:25

Ala yeke duti na sese so mbi mu na zo ti kua ti mbi Jacob, sese so akotara ti ala aduti ando daa. Ala yeke duti daa kpu na kpu, ala na amolenge ti ala, na amolenge ti amolenge ti ala. Fade David, zo ti kua ti mbi ayeke duti makonzi ti ala lakue lakue.

Daniel 2:44

Na ngoi ti agbia ni, fade Nzapa so ayeke na yayu ayeke sara mbeni kodro so ayeke buba laoko pepe; kodro ni ayeke ti na gbe ti azo ti ambeni mara nde pepe. Fade kodro ni ayeke fâ si ayeke nika ambeni kodro ni kue; gi kodro oko so laa ayeke ngba ti lo lakue lakue.

Zakarii 6:12

Na pekoni, mo tene na lo, mo tene: Tënë so KOTA GBIA so ayeke na ndö ti dunia kue atene ayeke so: Mbeni koli ayeke ge, iri ti lo ayeke: ‘Kete keke so asigigi’. Na ndo so kue lo yeke daa, akeke ayeke sigigi, fade lo yeke kiri ti leke kota da ti mbi.

Zakarii 6:13

Biani, lo laa lo yeke kiri ti leke kota da ni. Lo yeke yu abongo ti gbia, lo yeke duti na ndö ti mbata ti gbia ti sara komandema na ndö ti azo. Mbeni wayango-sandaga ayeke duti na tere ti lo. Ala use kue ayeke ma tere na popo ti ala nzoni.

Matthieu 16:18

Tongaso mbi tene na mo: mo yeke Pierre. Na ndö ti têne so, mbi yeke leke ande *Eglize ti mbi; fade kuâ ayeke na ngangu pepe ti hon ndö ti Eglize ti mbi.

Ahebro 3:3

Biani, zo so asara da, azo ayeke ne lo ahon da ni wani, nilaa, alingbi azo agonda Jésus ahon ti so ala gonda Moïse so.

1 Pierre 2:5

Ala nga, ala yeke tongana atêne so ayeke na fini. Ala sara si Nzapa amu ala ti sara na da so ayeke ti Yingo. Tongaso, fade bongbi ti ala ayeke ga bongbi ti awayango-sandaga so ayeke nde si ayeke nzoni kue, ala yeke mu na lo asandaga so Yingo afa na ala ti mungo ni si ayeke nzere na be ti Nzapa na lege ti Jésus Christ.