2 Samuel 7:12 - Mbeti ti Nzapa - Tënë so amu fini

¹² Tongana ngoi ti mo alingbi awe titene mo gue ti wara akotara ti mo, fade mbi yeke mu mbeni *hale ti mo, so ti tene lo so mo du lo, titene lo ga gbia. Mbi yeke sara titene lengo-gbia ti lo akpengba.

2 Samuel 7:12 ပူးပေါင်းရင်းမြစ်များ

Tongo nda ti aye 15:4

Tongaso tënë ti KOTA GBIA asi na lo, atene: “Lo laa lo yeke mu aye ti peko ti mo pepe, me molenge so mo wani, mo yeke du laa ayeke mu aye ti peko ti mo.”

2 Samuel 22:51

KOTA GBIA asara akota ye mingi ndali ti gbia so lo soro lo, lo sara nzoni be na zo so lo tuku mafuta na li ti lo: lo sara ni ndali ti David na *ahale ti lo kpu na kpu.

1 Agbia 1:21

Tongana mo sara tongaso pepe, na peko ti kuâ ti mo, fade azo ayeke baa mbi na molenge ti mbi Salomon tongana azo so tënë ayeke na li ti ala.”

1 Agbia 1:48

si lo tene: ‘Mbi mu singila na KOTA GBIA, Nzapa ti Israel. Laso, lo mu mbeni zo titene lo duti na ndö ti mbata ti mbi ti gbia; lo sara si mbi baa lo na le ti mbi.’ ”

1 Agbia 2:1

So David aga nduru ti kui, lo mu yanga na molenge ti lo Salomon, lo tene:

1 Agbia 2:10

Na pekoni, David akui, lo hon na peko ti ababâ ti lo si a lu lo na Gbata ti David, na Jérusalem.

1 Agbia 2:4

KOTA GBIA ayeke sara ye alingbi na zendo so ando lo mu na mbi, lo tene: ‘Tongana amolenge ti mo abata lege ti dutingo ti ala nzoni, tongana ala tambula mbirimbiri na dawa ti mbi, fade mbeni zo ti sewa ti mo ayeke duti lakue na ndö ti mbata ti gbia ti Israel.’ ”

1 Agbia 5:5

Na ngoi so kue Salomon aduti gbia, azo ti Juda na azo ti Israel kue aduti na siriri. Ti londo na kodro ti Dan ngbii asi na Bersheba, zo oko oko ayeke duti kpoo na gbe ti keke ti *vinye ti lo wala na gbe ti keke ti fige ti lo.

1 Agbia 8:15

Lo tene: “Mbi mu singila na *KOTA GBIA, Nzapa ti Israel! Zendo so lo mu lani na babâ ti mbi David, lo wani, lo sara ye alingbi na ni;

1 Agbia 8:19

Me mo laa mo yeke sara ande da ni pepe; molenge ti mo laa ayeke sara da ni ndali ti mbi.’ ”

1 Agbia 8:20

Salomon akiri atene: “Tënë so KOTA GBIA atene lani so, lo sara ye alingbi na ni awe: mbi ga gbia na peko ti babâ ti mbi David, mbi duti na ndö ti mbata ti gbia ti Israel, alingbi na tënë so KOTA GBIA atene lani, nilaa mbi sara kota da so ndali ti KOTA GBIA, Nzapa ti Israel.

1 Agbia 9:5

fade mbi yeke sara titene lengo-gbia ti mo na ndö ti azo ti Israel angba kpu na kpu alingbi na zendo so mbi mu na babâ ti mo David. Mbi tene lani na lo, mbi tene: ‘Fade mbeni zo ti sewa ti mo ayeke duti daa lakue na ndö ti mbata ti gbia ti Israel.’

2 Agbia 8:19

Me KOTA GBIA aye ti buba kodro-gbia ti Juda pepe ndali ti David, zo ti kua lo, ngbanga ti so KOTA GBIA atene na David, fade mbeni *hale ti lo ayeke duti gbia lakue lakue na peko ti lo.

1 Mbai 17:11

Tongana ngoi ti mo alingbi awe titene mo gue na peko ti akotara ti mo, fade mbi yeke mu mbeni *hale ti mo, so ti tene mbeni molenge ti mo ti koli titene lo ga gbia. Mbi yeke sara titene lengo-gbia ti lo akpengba.

2 Mbai 1:9

Fadeso KOTA GBIA Nzapa, ayeke nzoni mo sara si tënë so mo tene na babâ ti mbi David so, aga taa-tënë. Biani, mo laa mo zia mbi gbia na ndö ti azo so awu mingi tongana fuku ti sese.

2 Mbai 13:5

Ala hinga pepe atene, *KOTA GBIA, Nzapa ti Israel amu ando David na *ahale ti lo titene ala le-gbia na ndö ti Israel kpu na kpu? *Mbuki so KOTA GBIA asara na ala ayeke mbuki ti ingo!

2 Mbai 21:7

Me ndali ti *mbuki so KOTA GBIA na David asara ando, KOTA GBIA aye ti hunzi azo ti da ti David pepe, ngbanga ti so lo tene na David, fade mbeni *hale ti lo ayeke duti gbia lakue lakue na peko ti lo.

2 Mbai 23:3

Azo so kue abongbi na ya ti kota da ti Nzapa; ala na gbia Yoas asara mbuki. Yoyada atene na ala: “Baa Yoas, molenge ti gbia laa! Fade lo yeke le-gbia alingbi na tënë so *KOTA GBIA atene na ndö ti *ahale ti David.

2 Mbai 6:15

Zendo so mo mu lani na babâ ti mbi David, zo ti kua ti mo, mo sara ye alingbi na ni awe. Tënë so mo tene na lo, mo wani, mo sara ye alingbi na ni awe; ye ni laa asi laso so.

2 Mbai 6:9

Me mo laa mo yeke sara ande da ni pepe; molenge ti mo laa ayeke sara da ni ndali ti mbi.’ ”

Abia (Psaumes) 89:29

Mbi yeke ngba ti sara nzoni be na lo kpu na kpu, mbi yeke bata tënë ti mbuki ti mbi na lo lakue.

Ésaïe 11:10

Na lango ni so, lo so ayeke molenge ti Yese ayeke ga bendere ndali ti azo ti sese. Amara nde ayeke gi lo; ndo so lo yeke duti daa, gonda ti Nzapa ayeke mu ni kue.

Ésaïe 9:7

*KOTA GBIA atokua mbeni tënë na tere ti azo ti Jacob, tënë ni ati na ndö ti Israel.

Jérémie 33:17

Tënë so KOTA GBIA atene ayeke so: “Fade mbeni hale ti David ayeke duti daa lakue ti le-gbia na ndö ti azo ti Israel.

Daniel 12:2

Azo mingi so alango na ndo ti akuâ ayeke zingo: ambeni ayeke zingo ti duti na fini so angba lakue lakue si ambeni ayeke zingo ti wara kamene nga ti baa pasi so ayeke sioni mingi lakue lakue.

Matthieu 1:1

So ayeke mbeti ti iri ti akotara ti Jésus Christ, lo so lo yeke *hale ti David; David ayeke hale ti Abraham.

Nzoni Tënë so Luc asu na mbeti 1:32

Lo yeke ga kota si a yeke iri lo *Molenge ti Nzapa so ayeke na yayu kâ na ndö ti aye kue. Kota Gbia Nzapa ayeke mu na lo mbata ti gbia ti kotara ti lo David.

Nzoni Tënë so Luc asu na mbeti 24:27

Na pekoni, Jésus ato nda ti fa na ala nda ti tënë so ando awayanga-Nzapa kue atene na ndö ti lo na ya ti Mbeti ti Nzapa, ti londo na Moïse ngbii asi na awayanga-Nzapa kue.

Awatokua 13:36

Na ngoi so David angba na fini, lo sara ye so kue Nzapa aye lo ti sara. Na pekoni lo kui, a lu lo na tere ti akotara ti lo si lo fun.

Awatokua 2:30

Lo yeke lani wayanga-Nzapa si lo hinga ye so Nzapa adeba yanga ti sara na lo: fade mbeni *hale ti lo ayeke duti na ndö ti mbata ti gbia na peko ti lo.

1 Korente 15:51

Mbi ye ti fa na ala mbeni ye so angba na hondengo ni: fade e yeke kui kue pepe, me fade tere ti e kue ayeke ga nde

Ndia ti fani use ni 31:16

KOTA GBIA atene na Moïse: “Mo ga nduru ti gue na peko ti ababâ ti mo so akui so awe. Na peko ti mo, fade azo so ayeke to nda ti kpe na peko ti anzapa ti awande ti voro ala, anzapa ti kodro so ala, azo ti Israel, ala yeke li daa. Fade azo so ayeke ke mbi si ala yeke buba ya ti *mbuki so mbi na ala e sara ni.

1 Tesalonike 4:14

E ma na be so Jésus akui si azingo na kuâ awe. Legeoko nga, e ma na be so, azo so ama na be na Jésus si ala kui, fade Nzapa ayeke zingo ala na kuâ si lo yeke bongbi ala na Jésus na ndo oko.