2 Samuel 7:11 - Mbeti ti Nzapa - Tënë so amu fini

¹¹ Ti londo na lango so mbi zia awafango-ngbanga ti sara komandema na ndö ti azo ti Israel, azo ti mbi, mbi tumba awato ti mo kue si mo wara lege ti duti kpoo. KOTA GBIA atene na mo lani atene, lo laa lo yeke sara da ndali ti mo.

2 Samuel 7:11 ပူးပေါင်းရင်းမြစ်များ

2 Samuel 7:1

So gbia David aduti na yangbo ti lo awe si *KOTA GBIA azi lo na maboko ti awato ti lo so angoro kodro ti lo si lo duti kpoo,

2 Samuel 7:19

Kota Gbia NZAPA, ye ni akiri alingbi na le ti mo pepe. Tongaso, mo kiri mo mu zendo ndali ti ahale ti mbi ndali ti angoi so ayeke ga gbanda. Kota Gbia NZAPA, so ayeke mbeni fango ye so alondo na zo?

2 Samuel 7:27

Biani, KOTA GBIA so ngangu ti lo ahon angangu kue, Nzapa ti Israel, mo wani, mo tene na mbi, mo tene, fade ahale ti mbi ayeke le-gbia na peko ti mbi. Nilaa be ti mbi awara ngangu ti sara sambela so.

1 Agbia 11:38

Tongana mo ma atënë so kue mbi yeke mu ande yanga na mo ti sarango ni, tongana mo tambula na lege so mbi yeke fa na mo, tongana mo sara ye so ayeke mbirimbiri na le ti mbi; mo sara ye alingbi na andia ti mbi nga na lege ti atënë ti yanga ti mbi tongana ti so David, zo ti kua ti mbi asara, fade mbi yeke na mo; mbi yeke sara titene ahale ti mo angba lakue na ndö ti mbata ti gbia na peko ti mo tongana ti so mbi sara na David. Fade mbi yeke mu na mo amara baleoko ti Israel.

1 Agbia 2:24

KOTA GBIA ayeke na fini! Fadeso, lo laa lo zia mbi na ndö ti mbata ti gbia ti babâ ti mbi David, lo sara si komandema ti mbi akpengba, lo mu zendo ti mungo komandema na mbi nga na *ahale ti mbi. Mbi deba yanga ti mbi awe: gi laso laso, a yeke fâ Adonia!”

1 Mbai 17:10

Ti londo na lango so mbi zia awafango-ngbanga ti sara komandema na ndö ti azo ti Israel, azo ti mbi, mbi sara si awato ti mo kue ati na sese. Mbi tene na mo so KOTA GBIA laa ayeke sara da na mo.

1 Mbai 22:10

Lo laa lo yeke sara ande kota da ndali ti mbi; lo yeke duti molenge ti mbi si mbi yeke duti babâ ti lo. Mbi yeke sara titene lengo-gbia ti lo akpengba lakue na kodro ti Israel.’

Mbeti ti Job 34:29

Me tongana Nzapa akanga maboko aduti, zo wa laa ayeke fâ ngbanga na li ti lo? Tongana lo honde le ti lo, zo wa laa alingbi ti baa lo, zo wa? Andaa lo yeke bata kodro nga na azo.

Abia (Psaumes) 106:42

Awato ti ala asara ngangu na ala si ala ga buba na gbe ti awato ti ala ni.

Abia (Psaumes) 127:1

A yeke he bia so na ndembe ti guengo ni na Jérusalem. Bia ti Salomon. Tongana *KOTA GBIA asara da pepe, azo ti sarango da ni ayeke baa pasi senge senge. Tongana KOTA GBIA abata gbata pepe, zo ti batango gbata ni ayeke sara sanziri senge senge.

Abia (Psaumes) 46:9

Ala azo, ala ga abaa ye so KOTA GBIA asara; aye so lo buba na ndö ti sese!

Sigingo 1:21

lo mu na ala *ahale, ngbanga ti so ala kpe mbeto ti lo.

Amato 14:1

Wali ti ndara ayeke leke sewa ti lo nzoni; me wali ti buba ayeke buba ya ti sewa, lo wani.

Ahebro 11:33

Na lege ti mabe, ala tiri bira na ambeni gbia si ala mu kodro ti ala. Ala sara aye ti mbirimbiri, ala wara aye so Nzapa amu zendo ni, ala kanga yanga ti abamara;

1 Samuel 2:35

Na pekoni, fade mbi yeke soro mbeni wayango-sandaga so ayeke sara ye na legeni. Lo yeke sara ande ye so anzere na mbi nga na ye so be ti mbi aye. Mbi yeke sara titene ahale ti lo aduti awayango-sandaga lakue. Zo ti mbi so mbi yeke soro lo titene lo ga gbia, fade ala sara kua na lo.

1 Samuel 25:28

Mbi gbu gere ti mo, zi na li ti mbi zo ti kua ti mo sioni so mbi sara. Biani, fade KOTA GBIA ayeke mu kodro ni na mo, kodro ni ayeke ngba lakue lakue, ngbanga ti so mo yeke tiri bira ndali ti KOTA GBIA. Na ya ti lango so kue mo yeke ngba na fini, fade a yeke wara sioni oko na li ti mo pepe.