2 Samuel 7:10 - Mbeti ti Nzapa - Tënë so amu fini

¹⁰ Mbi yeke mu mbeni ndo na azo ti Israel, azo ti mbi; mbi yeke zia ala na ndo ni so titene ala duti daa si mbeni ye ayingi ala pepe, titene ambeni mara so ayeke na sioni pialo akiri ti sara ngangu na ala tongana ti kozoni pepe.

2 Samuel 7:10 ပူးပေါင်းရင်းမြစ်များ

2 Agbia 21:8

Tongana azo ti Israel asara ye kue alingbi na yanga so mbi mu na ala, na andia so Moïse, zo ti kua ti mbi amu na ala, fade mbi yeke sara si ala kiri afono kirikiri pepe yongoro na sese so mbi zia ndali ti akotara ti ala.”

1 Mbai 17:9

Mbi yeke mu mbeni ndo na azo ti Israel, azo ti mbi; mbi yeke zia ala na ndo ni so titene ala duti daa si mbeni ye ayingi ala pepe, titene ambeni mara so ayeke na sioni pialo akiri ti woko ala tongana ti kozoni pepe.

2 Mbai 33:8

Tongana azo ti Israel asara ye kue alingbi na yanga so mbi mu na ala, na andia, na akpengba tënë nga na mbela so mbi mu na ala na lege ti Moïse, fade mbi yeke kiri ti tumba ala pepe ti gue yongoro na sese so mbi mu na akotara ti ala.”

Abia (Psaumes) 44:2

Nzapa, e ma na mê ti e wani, ababâ ti e atene na e tënë ti akota ye so mo sara ando na ngoi ti ala, na ngoi ti giriri.

Abia (Psaumes) 44:4

Ndali ti yongoro zeme ti ala si ala mu sese ni pepe; ndali ti ngangu ti ala si ala so benda pepe. Me ngangu ti mo, maboko ti mo laa asara ye ni, ndali ti so mo baa ala na nzoni le si mo ye ala.

Abia (Psaumes) 80:8

Nzapa, mo so mo yeke na ndö ti dunia kue, sara si e kiri maa! Baa e na nzoni le si fade e soo kuâ.

Abia (Psaumes) 80:9

Ando na sese ti Ezipte, mbeni keke ti vinye ayeke daa; mo gboto keke ni kâ, mo tumba amara nde si mo kiri mo lu keke ni na sese ti ala.

Sigingo 1:22

Tongaso Faraon amu yanga na azo ti lo kue, atene: “Amolenge-koli so kue ahebro adu ala, ala bi ala na ya ti *bale ti Nil! Me ala zia amolenge-wali angba na fini.”

Sigingo 15:17

KOTA GBIA, fadeso mo sara si ala li kâ, mo zia ala na ndö ti hoto so ayeke ti mo; ndo so mo leke ti duti daa laa, ndo ni ayeke nde si ayeke nzoni kue, maboko ti mo wani laa aleke ni.

Ésaïe 5:2

Lo de ya ti sese, lo zi atêne na ya ni, lo lu pendere keke ti vinye daa. Lo sara da so ayo na nduzu taa na be ti yaka ni. Lo zi du ti petengo na ale ti vinye daa. Lo yeke ku fade anzoni lengo ni, me yaka ni ale gi afungo ni.

Ésaïe 5:7

Andaa yaka ti vinye ti *KOTA GBIA, lo so lo yeke na ndö ti dunia kue, ayeke azo ti Israel. Azo ti mara ti Juda laa ayeke ye so lo lu si lo ye ni mingi. Lo ku fade titene azo ni afâ ngbanga na legeni, me ala fâ ngbanga ti mbana kirikiri. Lo ku fade titene azo ni asara ye alingbi na ndia, me gi dekongo ti azo ti mawa laa mo yeke ma.

Ésaïe 60:18

Fade azo ayeke kiri ti ma tënë ti sarango ngangu na zo na ya ti kodro ti mo pepe; azo ayeke kiri ti ma tënë ti bubango ye wala tënë ti kungbingo da na ya ti sese ti mo pepe. Me fade mo yeke di iri ti gbagba ti mo ti bira “Songo zo na kuâ”, mo yeke di iri ti ayanga ti gbagba ti mo “Sepelango Nzapa”.

Ésaïe 60:21

Azo ti mo, ala kue ayeke duti azo ti mbirimbiri, sese ni ayeke ga ye ti ala kpu na kpu. Ala kpa kete keke so mbi lu; ala yeke azo so mbi wani, mbi sara ala na maboko ti mbi titene ala fa gonda ti mbi.

Jérémie 18:9

Mbeni lâ, mbi tene tënë ti mbeni mara wala ti mbeni kodro-gbia, mbi tene: Fade a yeke leke ni na nduzu si a kiri a lu ni tongana keke.

Jérémie 24:6

Fade mbi yeke baa ala na nzoni le si mbi yeke kiri na ala na ya ti kodro so. Mbi yeke kiri ti kungbi ala na sese pepe, me mbi yeke leke ala na nduzu; mbi yeke kiri ti gboto ala pepe tongana ti so a yeke gboto pere na gunda ni kue, me mbi yeke lu ala tongana ti so a yeke lu keke.

Ezekiel 28:24

“Fade amara nde so alango nduru na azo ti Israel ayeke kiri ti baa ala tongana mbumbuse ye pepe. Amara ni ayeke kiri ti duti tongana akeke ti ki ti kpo azo ti Israel pepe, ti suru ala na ka pepe. Tongaso, fade azo ayeke hinga atene, mbi laa mbi yeke KOTA GBIA.

Osée 2:18

“Na lango ni so, fade mo yeke iri mbi: ‘koli ti mbi’, – so tënë ti yanga ti *KOTA GBIA laa – mo yeke kiri ti iri mbi pepe: ‘baal ti mbi, wa ti mbi’.

Amos 9:15

Mbi yeke kiri na ala na ndö ti sese ti ala; sese so mbi mu na ala so, zo ayeke kiri ti tumba ala daa pepe.” Tënë so KOTA GBIA, Nzapa ti ala atene laa.

Aye so Nzapa afa 21:4

Lo yeke mbo ande ngu ti le ti ala kue. Fade kuâ, wala mua, wala toto wala pasi ayeke duti daa mbeni pepe, ngbanga ti so angbene ye kue ahon awe.”

Awafango-ngbanga 4:3

Yabin ayeke na apusu ti bira ngbangbo gumbaya so a sara na wen; lo sara sana na azo ti Israel na ya ti ngu baleuse. Tongaso azo ti Israel adekongo na KOTA GBIA titene lo mu maboko na ala.

1 Samuel 13:17

Aturugu ti bubango ndo asigigi na ya ti bâbâ ti azo ti Filistii. Ala kangbi ya ti ala ota. Kozo kangbi ni amu lege so ague na mbage ti Ofra na sese ti Shual.