2 Samuel 6:21 - Mbeti ti Nzapa - Tënë so amu fini

²¹ David akiri tënë na Mikal: “Na dawa ti KOTA GBIA laa mbi sara ye tongaso. Lo soro mbi si lo ye mbi ahon babâ ti mo na asewa ti mo kue; lo zia mbi kota zo na ndö ti azo ti Israel, azo ti lo. Na dawa ti KOTA GBIA laa mbi yeke ngba ti sara ngia.

2 Samuel 6:21 ပူးပေါင်းရင်းမြစ်များ

2 Samuel 5:2

So Saul ayeke ando gbia ti e so, mo laa mo yeke lakue na li ti azo ti Israel ti gue na ala na bira nga ti kiri na ala. *KOTA GBIA atene na mo: ‘Mo laa mo yeke bata ande azo ti Israel, azo ti mbi; mo laa mo yeke ga makonzi ti azo ti Israel.’ ”

2 Samuel 6:14

David adodo na ngangu ti lo kue na dawa ti KOTA GBIA; lo yu bongo ti awayango-sandaga so a sara na *len si ayeke tongana mapia-bongo.

2 Samuel 6:16

Na ndembe so sanduku ti mbuki ti KOTA GBIA ayeke li na Gbata ti David, Mikal, molenge ti Saul ti wali ayeke baa ndo na le ti fenetere. Lo baa gbia David so ayeke huru na nduzu si lo yeke dodo na dawa ti KOTA GBIA. Na be ti Mikal, lo baa David tongana mbumbuse zo.

2 Samuel 6:22

Mbi ye ti kiri kete, mbi ye ti sara tere ti mbi kete na le ti mbi wani ahon ti so. Ti awali ti kua so mo tene tënë ti ala so, ala laa ayeke gonda mbi.”

2 Samuel 6:5

David na azo ti Israel kue ayeke fa ngia ti ala na dawa ti KOTA GBIA. Ala yeke pika aye ti mozoko nde nde so a sara na keke ti sipre: akota kundi, akete kundi, akete ngo, asistre na awen so atoto.

2 Samuel 7:8

Ti fadeso, mo tene na David, zo ti kua ti mbi, mo tene: Tënë so KOTA GBIA so ayeke na ndö ti dunia kue atene ayeke so: ‘Mbi laa mbi mu mo na ya ti ngonda, na peko ti ataba na angasa titene mo ga kota zo na ndö ti azo ti mbi, azo ti Israel.

1 Mbai 15:29

Na ndembe so sanduku ti mbuki ti KOTA GBIA ayeke li na Gbata ti David, Mikal, molenge ti Saul ti wali ayeke baa ndo na le ti fenetere. Lo baa gbia David so ayeke dodo si lo yeke sara ngia; na be ti Mikal, lo baa David tongana mbumbuse zo.

Awatokua 13:22

So Nzapa azi lo awe, lo mu David, lo zia lo gbia na ndö ti ala. Nzapa atene tënë ti lo, atene: ‘Mbi wara David, molenge ti Yese, zo so be ti mbi aye lo, fade lo yeke sara aye so kue be ti mbi aye.’

1 Korente 10:31

Tongaso, ataa ala yeke te, ataa ala yeke nyon, ataa ye so kue ala yeke sara, ala sara ni kue ndali ti gonda ti Nzapa.

1 Samuel 13:14

Me fadeso, lengo-gbia ti mo ayeke ninga pepe. KOTA GBIA asoro mbeni zo so be ti lo wani aye; lo zia lo ti duti makonzi na ndö ti azo ti lo, ngbanga ti so yanga so lo mu na mo, mo sara ye alingbi na ni pepe.”

1 Samuel 15:28

Samuel atene na lo: “Lege so laa KOTA GBIA azi lengo-gbia na maboko ti mo laso na ndö ti Israel; lo mu ni na mbeni zo nde so ayeke nzoni ahon mo.

1 Samuel 16:1

*KOTA GBIA atene na Samuel: “Fade mo yeke ngba ti sara mawa ndali ti Saul ngbii asi lawa? Mbi ke lo awe; lo yeke ngba gbia ti Israel mbeni pepe. Mo tuku mafuta na ya ti didi ti mo, mo londo mo gue. Mbi yeke tokua mo na ndo ti Yese, zo ti Betlehem, ngbanga ti so mbi soro mbeni molenge ti lo oko titene lo ga gbia.”

1 Samuel 16:12

Yese atokua mbeni zo, amu molenge ni aga na lo. Lo be, lo pendere, le ti lo ayeke za pendere. KOTA GBIA atene na Samuel: “Lo laa, londo mo tuku mafuta na li ti lo.”