2 Samuel 6:20 - Mbeti ti Nzapa - Tënë so amu fini

²⁰ David akiri na da ti lo ti sara tufa na ndö ti azo ti da ti lo; me Mikal, molenge ti Saul ti wali ague, awara David na lege si lo tene na lo: “Laso, gbia ti Israel awara gonda mingi! Na le ti awali so ayeke sara kua na gbe ti azo ti gbia, gbia azi bongo na kate ti lo tongana mbeni senge zo!”

2 Samuel 6:20 ပူးပေါင်းရင်းမြစ်များ

Tongo nda ti aye 18:19

Mbi soro lo titene lo mu yanga na amolenge ti lo, na *ahale ti lo so kue ayeke ga na peko ti lo titene ala ma yanga ti KOTA GBIA; ala sara ye so ayeke mbirimbiri, na ye so ayeke na legeni. Tongaso si mbi KOTA GBIA, mbi yeke sara ande na Abraham aye so kue mbi tene tënë ti sarango ni ndali ti lo.”

2 Samuel 6:14

David adodo na ngangu ti lo kue na dawa ti KOTA GBIA; lo yu bongo ti awayango-sandaga so a sara na *len si ayeke tongana mapia-bongo.

2 Samuel 6:16

Na ndembe so sanduku ti mbuki ti KOTA GBIA ayeke li na Gbata ti David, Mikal, molenge ti Saul ti wali ayeke baa ndo na le ti fenetere. Lo baa gbia David so ayeke huru na nduzu si lo yeke dodo na dawa ti KOTA GBIA. Na be ti Mikal, lo baa David tongana mbumbuse zo.

2 Samuel 6:18

So David amu sandaga ni awe, lo sara tufa na ndö ti azo ni na iri ti KOTA GBIA so ngangu ti lo ahon angangu kue.

2 Samuel 6:19

Na pekoni, lo kangbi kobe na azo kue, so ti tene azo ti Israel so ayeke gbani gbani so kue, akoli na awali, zo oko oko awara mapa oko, gba oko ti aholengo le ti date so akpa gatoo na gba oko ti aholengo le ti *vinye. Na pekoni, zo oko oko akiri na da ti lo.

1 Mbai 16:43

Na pekoni, zo oko oko akiri na ndo ti lo. David akiri na ndo ti lo ti sara tufa na ndö ti azo ti da ti lo.

Mbeti ti Job 30:8

Mara ti azo ti fuu laa, iri ti ala ayeke daa pepe. A mu keke si a tumba na ala na ya ti kodro.

Abia (Psaumes) 101:2

Mbi ye ti hinga lege ti sarango ye ti azo so alingbi kue. Lawa laa mo yeke ga ande na mbage ti mbi? Na ya ti da ti mbi, mbi yeke sara ye na be so alingbi kue.

Abia (Psaumes) 30:1

Bia ti David. A he ni ndali ti matanga ti ziango kota da ti Nzapa na maboko ti lo.

Zo ti bongbingo azo 7:17

Mo duti sioni zo ahon ndoni pepe, mo ga zo ti buba pepe. Ngbanga ti nyen si mo ye ti kui kozo na lango ti kuâ ti mo?

Marc 14:66

So Pierre ayeke duti ti lo kâ na gbeni na ya ti gbagba ni, mbeni wali so ayeke sara kua na kota wayango-sandaga asi.

Marc 3:21

So asewa ti Jésus ama tënë ni, ala ga si ala ye ti mu lo, ngbanga ti so ala tene: “Li ti lo aga kirikiri awe!”

Jean 13:6

Lo si na Simon Pierre, me Simon Pierre atene na lo: “*Kota Gbia, mo ye ti sukula gere ti mbi?”

Josué 24:15

Tongana sarango kua ti KOTA GBIA anzere na ala pepe, ala soro laso anzapa so ala ye ti sara kua na ala: wala ala ye ti voro anzapa so akotara ti ala avoro ala ando na mbage ti ngu ti Efrate, wala ala ye ti voro anzapa ti mara ti Amori so ala ayeke na popo ti ala. Me ti mbi na azo ti da ti mbi, fade e yeke sara kua na KOTA GBIA.”

Awafango-ngbanga 9:4

Tongaso ala mu na Abimelek ale ti nginza balembarambara so ayeke na ya ti da ti nzapa Baal-Berit. Lo mu nginza so, lo futa na agodobe nga na azo ti kirikiri titene ala mu peko ti lo.

1 Samuel 14:49

Iri ti amolenge ti Saul ti koli ayeke so: Jonatan, Ishevi na Malkishua. Iri ti amolenge ti lo ti wali ayeke so: Merab, kozo molenge ni na Mikal, ngambe ni.

1 Samuel 18:20

Andaa Mikal, mbeni molenge ti Saul ti wali aye David. A tene tënë ni na Saul si tënë ni anzere na lo.