2 Samuel 6:19 - Mbeti ti Nzapa - Tënë so amu fini

¹⁹ Na pekoni, lo kangbi kobe na azo kue, so ti tene azo ti Israel so ayeke gbani gbani so kue, akoli na awali, zo oko oko awara mapa oko, gba oko ti aholengo le ti date so akpa gatoo na gba oko ti aholengo le ti *vinye. Na pekoni, zo oko oko akiri na da ti lo.

2 Samuel 6:19 ပူးပေါင်းရင်းမြစ်များ

2 Samuel 6:18

So David amu sandaga ni awe, lo sara tufa na ndö ti azo ni na iri ti KOTA GBIA so ngangu ti lo ahon angangu kue.

2 Samuel 6:20

David akiri na da ti lo ti sara tufa na ndö ti azo ti da ti lo; me Mikal, molenge ti Saul ti wali ague, awara David na lege si lo tene na lo: “Laso, gbia ti Israel awara gonda mingi! Na le ti awali so ayeke sara kua na gbe ti azo ti gbia, gbia azi bongo na kate ti lo tongana mbeni senge zo!”

1 Agbia 8:66

Na ndade ni, Salomon azia lege na azo ni ti kiri na da ti ala. Ala bara gbia si ala kiri na da ti ala; tere ti ala anzere, be ti ala gi na ngia ndali ti nzoni so KOTA GBIA asara lani na David, zo ti kua ti lo, na azo ti Israel, azo ti lo.

1 Mbai 16:3

Na pekoni, lo kangbi kobe na azo ti Israel kue, akoli na awali, zo oko oko awara mapa oko, gba oko ti aholengo le ti date so akpa gatoo na gba oko ti aholengo le ti *vinye.

1 Mbai 16:43

Na pekoni, zo oko oko akiri na ndo ti lo. David akiri na ndo ti lo ti sara tufa na ndö ti azo ti da ti lo.

2 Mbai 30:24

Andaa Ezekias, gbia ti Juda amu akoli-bagara saki oko na ataba saki mbarambara ndali ti bongbi ti azo ni. Amakonzi amu akoli-bagara saki oko na ataba saki baleoko ndali ti azo ni. Awayango-sandaga mingi asukula sioni ti ala.

2 Mbai 7:10

Na pekoni, na lango baleuse na ota ti nze mbarambara ni, gbia azia lege na azo ti kiri na da ti ala. Na kiringo ti ala, tere ti ala anzere, be ti ala gi na ngia ndali ti nzoni so KOTA GBIA asara lani na David, na Salomon nga na azo ti Israel, azo ti lo.

Néhémie 8:10

Esdras akiri atene na azo ni: “Ala kiri na ndo ti ala. Ala gue, ate anzoni kobe, ala nyon anzerengo samba, ala mu ambeni kobe ni na azo so ayeke na ye pepe, ngbanga ti so a zia lango so nde ndali ti KOTA GBIA ti e. Ala sara vundu pepe, ngbanga ti so ngia so alondo na KOTA GBIA laa ayeke ngangu ti ala!”

B. ti abia 2:5

Ala mu na mbi agatoo ti ale ti vinye, ala mu na mbi anzerengo le ti keke, mbi te si amu na mbi ngangu, ngbanga ti so yengo so mbi ye mo so asara mbi kobela.

Ezekiel 45:17

Kua ti makonzi ni ayeke titene lo mu sandaga so a yeke gbi ni kue na wâ, asandaga ti ale ti kobe nga na sandaga ti samba na ngoi ti amatanga; na lango ti matanga ti fini nze, na *lango ti wungo tere nga na amatanga kue ti azo ti Israel. Fade makonzi ayeke mu sandaga titene Nzapa azi sioni na li ti azo, asandaga nde nde, sandaga so a yeke gbi ni kue na wâ nga na asandaga ti beoko titene Nzapa azi sioni na li ti azo ti Israel.”

Osée 3:1

*KOTA GBIA atene na mbi: “Kiri mo gue, mo ye wali so mbeni koli aye lo si wali ni ayeke gi akoli ti amba ti lo. Mo ye lo tongana ti so mbi KOTA GBIA, mbi ye azo ti Israel, ataa so ala yeke gue na peko ti anzapa nde si ala ye agatoo so a sara ni na le ti vinye.”

Awatokua 20:35

Lakue, mbi fa na ala ti sara kua si fade ala lingbi ti mu maboko na azo ti mawa. Ala dabe ti ala na atënë so *Kota Gbia Jésus wani atene: ‘Mungo ye anzere ahon warango ye!’ ”

Efeze 4:8

Mbeti ti Nzapa atene: “So lo ga ti gue yongoro kâ na nduzu, lo mu azo so lo gbu ala na ngbaa, lo gue na ala; lo mu aye senge senge na azo.”

Josué 22:6

Na pekoni, Josué asara tufa na ndö ti ala si lo zia ala titene ala kiri na ndo ti ala.