2 Samuel 5:9 - Mbeti ti Nzapa - Tënë so amu fini

⁹ David aduti na ya ti ngangu gbagba ni; ndani laa lo di iri ti gbata ni “Gbata ti David”. Lo sara ambeni gbagba angoro ni, ti londo na ndo so a iri ni Milo, ngbii asi na mbage ti ya ti gbata ni.

2 Samuel 5:9 ပူးပေါင်းရင်းမြစ်များ

2 Samuel 5:7

Me David amu ngangu gbagba ti *Sion, so ti tene Gbata ti David.

2 Samuel 5:8

Na lango ni so, David atene: “Zo so ayeke fâ mbeni zo ti Yebus, zo so ayeke mu lege ti ngu so ayeke na gbe ti sese ti wara ala, azo ti bubango gere so nga na awaziba so be ti David ake ala…” Ndani laa azo atene: “Fade waziba na zo ti bubango gere ayeke li pepe na ya ti kota da ti Nzapa.”

2 Samuel 6:10

David ake ti gue na sanduku ti KOTA GBIA na ndo ti lo, na Gbata ti David. Me lo zia ni na da ti Obed-Edom, zo ti gbata ti Gat.

1 Agbia 11:27

Lege so lo tomboka na tere ti gbia ayeke so: ye ni asi na ngoi so Salomon ayeke leke ndo so iri ni Milo si lo yeke kanga du ti gbagba ti Gbata ti David.

1 Agbia 2:10

Na pekoni, David akui, lo hon na peko ti ababâ ti lo si a lu lo na Gbata ti David, na Jérusalem.

1 Agbia 9:15

Gbia Salomon agbu azo na ngangu titene ala sara kota da ti KOTA GBIA, yangbo ti gbia, ndo so iri ni Milo, gbagba ti Jérusalem na agbata ti Hasor, ti Megido na ti Gezer.

1 Agbia 9:24

Na peko ti so molenge ti Faraon ti wali alondo na Gbata ti David si lo gue na yangbo so Salomon asara ndali ti lo, Salomon aleke ndo so iri ni Milo.

2 Agbia 12:20

Tanga ti atënë na ndö ti Yoas na aye so kue lo sara, a su ni na ya ti “Mbeti ti aye so agbia ti Juda asara”.

2 Agbia 12:21

Azo ti yangbo ti Yoas atomboka si ala leke tënë na hondengo ni na tere ti lo. Ala fâ lo na Bet-Milo na ndembe so lo yeke zu ti gue na Sila.

1 Mbai 11:8

Lo sara ambeni vaka angoro ndo so iri ni Milo. Yoab laa akiri aleke tanga ti gbata ni.

2 Mbai 32:5

Ezekias awara ngangu si lo kiri lo leke gbagba ti gbata ni na ando so adu akoro daa. Ada so ayo na nduzu, lo kiri lo leke ni titene ayo na nduzu ahon ti kozoni; lo sara mbeni gbagba nde na gigi ti kozo gbagba ni; lo leke nga ndo so iri ni Milo so ayeke na Gbata ti David; lo mu yanga si a sara na lo gba ti aye ti bira na *avala.

Néhémie 3:15

Shalun, molenge ti Kol-Hoze, makonzi ti kete sese ti Mispa asara yanga ti gbagba so iri ni Ti-li-ti-ngu. So lo sara yanga ti gbagba ni awe, lo sara li ni daa; lo zia ale ti yanga ti gbagba ni daa, na angbongboro wen ti kangango na ni nga na akerere ni. Lo leke nga gbagba so ayeke nduru na *lende ti Siloe, na popo ti pendere ndo ti gbia so a lu akongo daa nga na eskalie so alondo na Gbata ti David ti zu na gbeni.

Abia (Psaumes) 122:3

Jérusalem, gbata so a leke ni pendere, abongbi kue si aga gi gbata oko!

Ésaïe 29:1

*KOTA GBIA atene: “So mawa na mo Ariel, Ariel, gbata so David aga ti tiri bira na mo so! Ngu na ngu, mo lingbi ti sara amatanga na lege ti amolongo ni,

Awafango-ngbanga 9:20

Tongana ayeke tongaso pepe, ayeke nzoni wâ asigigi na ya ti Abimelek agbi akota zo ti Sishem nga na azo ti Bet-Milo. Ayeke nzoni wâ asigigi nga na ya ti akota zo ti gbata ti Sishem na azo ti Bet-Milo agbi Abimelek.”

Awafango-ngbanga 9:6

Akota zo ti gbata ti Sishem na azo ti Bet-Milo kue abongbi tere ti ala. Ala gue na tere ti keke ti shene so ayeke na Sishem; keke ni ayeke na tere ti kota têne so a leke ni si aluti na nduzu. Kâ, ala mu Abimelek si lo ga gbia.