2 Samuel 5:7 - Mbeti ti Nzapa - Tënë so amu fini

⁷ Me David amu ngangu gbagba ti *Sion, so ti tene Gbata ti David.

2 Samuel 5:7 ပူးပေါင်းရင်းမြစ်များ

2 Samuel 5:8

Na lango ni so, David atene: “Zo so ayeke fâ mbeni zo ti Yebus, zo so ayeke mu lege ti ngu so ayeke na gbe ti sese ti wara ala, azo ti bubango gere so nga na awaziba so be ti David ake ala…” Ndani laa azo atene: “Fade waziba na zo ti bubango gere ayeke li pepe na ya ti kota da ti Nzapa.”

2 Samuel 5:9

David aduti na ya ti ngangu gbagba ni; ndani laa lo di iri ti gbata ni “Gbata ti David”. Lo sara ambeni gbagba angoro ni, ti londo na ndo so a iri ni Milo, ngbii asi na mbage ti ya ti gbata ni.

2 Samuel 6:10

David ake ti gue na sanduku ti KOTA GBIA na ndo ti lo, na Gbata ti David. Me lo zia ni na da ti Obed-Edom, zo ti gbata ti Gat.

2 Samuel 6:12

Azo ague, atene na gbia David, atene: “Ndali ti sanduku ti *mbuki ti Nzapa, *KOTA GBIA asara tufa na ndö ti sewa ti Obed-Edom na aye ti lo kue.” Tongaso, David alondo, lo gue na da ti Obed-Edom, lo mu sanduku ti mbuki ti Nzapa si lo kiri na ni na Gbata ti David, na ngia na be.

2 Samuel 6:16

Na ndembe so sanduku ti mbuki ti KOTA GBIA ayeke li na Gbata ti David, Mikal, molenge ti Saul ti wali ayeke baa ndo na le ti fenetere. Lo baa gbia David so ayeke huru na nduzu si lo yeke dodo na dawa ti KOTA GBIA. Na be ti Mikal, lo baa David tongana mbumbuse zo.

1 Agbia 2:10

Na pekoni, David akui, lo hon na peko ti ababâ ti lo si a lu lo na Gbata ti David, na Jérusalem.

1 Agbia 3:1

Salomon aga kogara ti Faraon, gbia ti Ezipte, na lege so lo mu mbeni molenge ti Faraon ti ga wali ti lo. Salomon amu wali ni si lo ga na lo na Gbata ti David. Wali ni ngba kâ ngbii Salomon ahunzi ti sara yangbo ti lo, kota da ti *KOTA GBIA nga na gbagba so ayeke na tere ti Jérusalem.

1 Agbia 8:1

Tongaso, Salomon abongbi *akangba ti Israel, amakonzi ti amara kue nga na amakonzi ti asewa ti Israel na tere ti lo na Jérusalem titene ala mu sanduku ti *mbuki ti *KOTA GBIA so ayeke na Gbata ti David, so ti tene na Sion, ti gue na ni na ya ti kota da ti Nzapa.

1 Agbia 9:24

Na peko ti so molenge ti Faraon ti wali alondo na Gbata ti David si lo gue na yangbo so Salomon asara ndali ti lo, Salomon aleke ndo so iri ni Milo.

1 Mbai 11:7

David aduti na ya ti ngangu gbagba ni; ndani laa azo adi iri ti gbata ni “Gbata ti David”.

2 Mbai 24:16

A lu lo na Gbata ti David, na ndo so a yeke lu agbia daa. Biani, lo sara nzoni na azo ti Israel, lo sara nzoni ndali ti Nzapa nga ndali ti kota da ti Nzapa.

2 Mbai 5:2

Tongaso, Salomon abongbi *akangba ti Israel, amakonzi ti amara kue nga na amakonzi ti asewa ti Israel na Jérusalem titene ala mu sanduku ti *mbuki ti *KOTA GBIA so ayeke na Gbata ti David, so ti tene na Sion, ti gue na ni na ya ti kota da ti Nzapa.

Néhémie 3:15

Shalun, molenge ti Kol-Hoze, makonzi ti kete sese ti Mispa asara yanga ti gbagba so iri ni Ti-li-ti-ngu. So lo sara yanga ti gbagba ni awe, lo sara li ni daa; lo zia ale ti yanga ti gbagba ni daa, na angbongboro wen ti kangango na ni nga na akerere ni. Lo leke nga gbagba so ayeke nduru na *lende ti Siloe, na popo ti pendere ndo ti gbia so a lu akongo daa nga na eskalie so alondo na Gbata ti David ti zu na gbeni.

Abia (Psaumes) 132:13

Biani, KOTA GBIA asoro hoto ti Sion awe, lo ye titene hoto ni aga ndo ti duti ti lo.

Abia (Psaumes) 2:6

si lo tene: “Mbi wani laa mbi zia gbia ti mbi na ndö ti hoto ti *Sion, hoto ti mbi so ayeke nde si ayeke nzoni kue.”

Abia (Psaumes) 48:12

Na ndö ti hoto ti Sion, azo ayeke na ngia, na ya ti agbata ti Juda, azo ayeke dodo na ngia ndali ti fango ngbanga ti mo.

Abia (Psaumes) 48:3

Hoto ni ayeke pendere mingi si ayeke zia ngia na be ti azo ti sese kue. Hoto ni ayeke hoto ti *Sion, taa hoto ti Nzapa; Sion ayeke gbata ti kota Gbia.

Abia (Psaumes) 51:18

Mo ye *sandaga pepe. Tongana mo ye fade sandaga ti anyama so a gbi ni kue na wâ, ka mbi mu ni na mo awe; me so laa anzere na be ti mo pepe.

Abia (Psaumes) 87:2

Lo ye ayanga ti gbagba ni mingi ahon ti ambeni gbata ti Jacob kue.

Abia (Psaumes) 9:11

Azo so ahinga mo, ayeke nzoni ala zia be ti ala na ndö ti mo; azo so ayeke gi mo, KOTA GBIA, mo yeke zia ala pepe.

Ésaïe 12:6

Ala, azo so alango na *Sion, ala dekongo na ngia, ala dodo na ngia, ngbanga ti so Nzapa ti Israel so ayeke na popo ti ala, lo yeke kota, lo yeke nde si lo yeke nzoni kue.

Ésaïe 59:20

KOTA GBIA ayeke ga ti zi Jérusalem nga na azo ti Israel so azia lege ti ngangu li ti ala. So tënë ti yanga ti KOTA GBIA laa.

Jérémie 21:13

Ala so ayeke lango na popo-hoto, na ndö ti kota têne so ayeke kpangbara so, mbi na ala, e yeke baa ya ni; so tënë ti yanga ti KOTA GBIA laa. Biani, mbi yeke ga na tere ti ala, ala so ayeke tene: ‘Zo wa laa ayeke zu ti ga na tere ti e, zo wa? Zo wa laa ayeke li na ndo so e yeke duti daa so, zo wa?’

Mishe 4:2

Fade amara nde gbani gbani ayeke gue kâ si ala yeke tene: ‘Ala ga, e gue na li ti hoto ti KOTA GBIA, na kota da ti Nzapa ti Jacob. Lo yeke fa na e lege so lo ye titene e mu, e yeke tambula na alege ti lo.’ Biani, ndia ti KOTA GBIA alondo na *Sion, tënë ti lo alondo na Jérusalem.

Rome 9:33

tongana ti so Mbeti ti Nzapa atene: “Baa, mbi zia na ya ti gbata ti *Sion mbeni têne so asara si zo aye ti ti; kota têne so ayeke kinda zo. Me zo so ama na be na lo, fade kamene ayeke sara lo pepe.”

Ahebro 12:22

Me ti ala a-ita, ala ga nduru na hoto ti *Sion awe, gbata ti Nzapa, lo so lo yeke na fini. Gbata ni ayeke Jérusalem ti yayu so *a-ange kutu kutu abongbi tere ti ala daa ti sara matanga.

Aye so Nzapa afa 14:1

Mbi kiri mbi baa ndo, mbi baa Molenge ti Taba so aluti na ndö ti hoto ti *Sion. Azo saki ngbangbo oko na baleosio na osio ayeke luti na tere ti lo. Iri ti lo, na ti Babâ ti lo ayeke na ndö ti le ti ala.