2 Samuel 5:3 - Mbeti ti Nzapa - Tënë so amu fini

³ Tongaso, *akangba ti Israel kue aga na mbage ti gbia David na Hebron. Kâ, lo na ala asara *mbuki na dawa ti KOTA GBIA. Ala tuku mafuta na li ti David titene lo ga gbia ti Israel.

2 Samuel 5:3 ပူးပေါင်းရင်းမြစ်များ

2 Samuel 2:4

Azo ti Juda aga na Hebron si ala tuku mafuta na li ti David titene lo ga gbia ti Juda. Mbeni zo aga atene na David: “Azo ti Yabesh so ayeke na sese ti Galaad laa alu lani Saul.”

2 Samuel 2:7

Ala gbu ngangu, ala sara ye ti koli! Gbia ti ala Saul akui awe; me mbi laa azo ti Juda atuku mafuta na li ti mbi titene mbi ga gbia ti ala.”

2 Samuel 3:21

Abner atene na David: “Gbia ti mbi, mbi yeke gue ti bongbi azo ti Israel kue titene ala duti na gbe ti mo. Fade ala na mo ayeke sara *mbuki si mo yeke le-gbia na ndö ti kodro ni kue tongana ti so be ti mo aye.” David azia lege na Abner si Abner akiri na siriri.

1 Agbia 1:34

Kâ, fade wayango-sandaga Sadok na wayanga-Nzapa Natan ayeke tuku mafuta na li ti lo ti zia lo gbia na ndö ti azo ti Israel. Ti ala, ala yeke huru tatalita si ala dekongo, atene: ‘E mu gbia Salomon na nduzu!’

2 Agbia 11:17

Yoyada asara mbuki na popo ti KOTA GBIA na gbia nga na azo ti kodro titene ala ga azo ti KOTA GBIA. Yoyada asara nga mbuki na popo ti gbia na azo ti kodro.

1 Mbai 11:1

Azo ti Israel kue abongbi na tere ti David na gbata ti Hebron si ala tene na lo: “E azo ti mara ti mo laa, e asewa ti mo laa.

1 Mbai 11:3

Tongaso, *akangba ti Israel kue aga na mbage ti gbia David na Hebron. Kâ, lo na ala asara *mbuki na dawa ti KOTA GBIA. Ala tuku mafuta na li ti David titene lo ga gbia ti Israel alingbi na tënë so KOTA GBIA atene lani na lege ti Samuel.

1 Mbai 28:4

KOTA GBIA, Nzapa ti Israel asoro mbi na popo ti asewa ti mbi kue titene mbi ga gbia ti Israel kpu na kpu. Ando lo soro Juda titene lo ga makonzi; na ya ti mara ti Juda, lo soro sewa ti mbi si na popo ti amolenge ti babâ ti mbi, be ti lo anzere ti zia mbi gbia na ndö ti Israel kue.

2 Mbai 23:16

Yoyada asara mbuki na popo ti lo na azo kue nga na gbia titene ala ga azo ti KOTA GBIA.

Sigingo 3:16

Fadeso, gue, mo bongbi *akangba ti Israel si mo tene na ala: ‘KOTA GBIA, Nzapa ti akotara ti ala, Nzapa ti Abraham, Nzapa ti Isaac na Nzapa ti Jacob asi na mbi, lo tene: Mbi yeke ga biani ti mu maboko na ala ndali ti ye so azo ayeke sara na ala na Ezipte.

Josué 10:36

Josué na azo ti Israel kue alondo na Eglon, ala gue na Hebron si ala tiri bira na gbata ni.

Awafango-ngbanga 11:11

Na pekoni, Yefte na akangba ni amu lege ague. Azo ti kodro amu lo si lo ga makonzi ti aturugu ti ala. Yefte atene gi atënë so kue na le ti KOTA GBIA na Mispa.

1 Samuel 11:15

Azo ni kue ague na Gilgal. Kâ, ala zia Saul gbia na dawa ti KOTA GBIA. Na pekoni, ala mu *sandaga ti beoko na KOTA GBIA. Saul na azo ti Israel kue asara ngia mingi.

1 Samuel 16:13

Samuel amu didi so mafuta ayeke na ya ni si lo tuku mafuta ni na li ti David na le ti a-ita ti lo. Gi na lango ni so, yingo ti KOTA GBIA aga na ndö ti David. Na pekoni, Samuel amu lege akiri na Rama.

1 Samuel 23:18

Ala use kue aleke tënë ti *mbuki na popo ti ala na dawa ti KOTA GBIA. David angba ti lo na Horsha si Jonatan akiri na ndo ti lo.