2 Samuel 5:13 - Mbeti ti Nzapa - Tënë so amu fini

¹³ Na peko ti so David alondo na Hebron si lo si na Jérusalem awe, lo mu ambeni wali, ala so ayeke na kozo ndo na ala so ayeke na use ndo. Awali ni akiri adu na lo ambeni molenge-koli na ambeni molenge-wali.

2 Samuel 5:13 ပူးပေါင်းရင်းမြစ်များ

2 Samuel 12:2

Zo ti mosoro ni ayeke na ataba na abagara mingi.

2 Samuel 5:12

David ahinga atene, KOTA GBIA laa azia lo gbia na li ti azo ti Israel si lo yeke sara titene komandema ti David ayeke gue guengo na nduzu ndali ti so azo ti Israel, azo ti KOTA GBIA.

1 Agbia 11:3

Awali ti Salomon so ayeke amolenge ti agbia ayeke ngbangbo mbarambara, awali ti lo so lo ne ala mingi pepe ayeke ngbangbo ota. Awali ni kue asara si be ti lo ague yongoro na Nzapa.

1 Mbai 3:1

So ayeke iri ti amolenge-koli so David adu ala na gbata ti Hebron. Kozo molenge ni ayeke Amnon; mama ti lo ayeke Ahinoam, zo ti Yizreel. Use molenge ni ayeke Daniel; mama ti lo ayeke Abigail, zo ti kodro ti Karmel.

1 Mbai 3:9

So amolenge ti David kue laa; a diko amolenge ti awali ti lo so lo ne ala mingi pepe so daa pepe. Lo du nga molenge-wali so iri ti lo Tamar.

2 Mbai 13:21

Me Abia awara ti lo ngangu mingi. Lo mu awali baleoko na osio si lo du amolenge-koli baleuse na use nga na amolenge-wali baleoko na omene.

Ndia ti fani use ni 17:17

Alingbi gbia ni aduti na gba ti awali pepe; tongaso pepe, fade awali ni ayeke sara titene be ti lo ahon yongoro na KOTA GBIA. Alingbi lo duti nga na gba ti nginza nga na gba ti lôro pepe.

1 Samuel 25:43

David amu wali kozoni awe; iri ti wali ni ayeke Ahinoam, zo ti gbata ti Yizreel. Lo na Abigail, ala use kue ayeke awali ti David.