2 Samuel 5:1 - Mbeti ti Nzapa - Tënë so amu fini

¹ Amara kue ti Israel aga na mbage ti David na Hebron si ala tene na lo: “E azo ti mara ti mo laa, e asewa ti mo laa.

2 Samuel 5:1 ပူးပေါင်းရင်းမြစ်များ

Tongo nda ti aye 29:14

Na pekoni, Laban atene na lo: “Taa-tënë, mo yeke zo ti sewa ti mbi, mo yeke taa mene ti mbi.” Jacob asara nze oko na ndo ti Laban.

2 Samuel 19:12

Ti gbia David, lo tokua na awayango-sandaga Sadok na Abiatar, lo tene: “Ala tene na *akangba ti Juda atene: ‘Ala ye ti duti andangba zo so ayeke sara titene gbia akiri na kodro ti lo? Andaa gbia ahinga ye so tanga ti azo ti Israel aye ti sara.

2 Samuel 19:13

Ala azo ti Juda, ala yeke a-ita ti lo, taa a-ita ti lo. Ala laa alingbi ti duti andangba zo so ayeke mu gbia ti kiri na lo?’

2 Samuel 19:14

Fade ala yeke tene nga na Amasa: ‘Mo yeke taa ita ti mbi pepe? Tongana mbi zia mo makonzi na li ti aturugu biani biani na plase ti Yoab pepe, ayeke nzoni Nzapa asara ye ti ngangu mingi na mbi!’ ”

2 Samuel 19:43

Azo ti Juda akiri tënë na azo ti Israel, atene: “Ngbanga ti so gbia ayeke taa sewa ti e! Ala sara ngonzo ngbanga ti nyen? Gbia laa abata e? Lo mu na e akadoo?”

2 Samuel 2:32

A mu kuâ ti Asael a gue na ni na Betlehem si a lu ni na ya ti du ti kuâ ti babâ ti lo. Yoab na aturugu ti lo atambula bi bi bi ngbii ala si na Hebron na yanga ti ndaperere.

Efeze 5:30

Andaa e yeke ambage ti tere ti lo.

Ndia ti fani use ni 17:15

Tongana ala mu mbeni gbia ti duti na li ti ala, fade ala yeke mu gi gbia so *KOTA GBIA Nzapa ti ala wani ayeke soro lo. Gbia ni ayeke duti mbeni wande pepe, me mbeni zo ti Israel so ayeke ita ti ala.

Ahebro 2:14

Ndali ti so amolenge ni ayeke na tere na mene oko, Jésus aga tongana ala si lo mu tere ti zo. Tongaso, na lege ti kuâ ti lo, lo kinda Zabolo so ayeke ando na ngangu na ndö ti kuâ.

Josué 10:36

Josué na azo ti Israel kue alondo na Eglon, ala gue na Hebron si ala tiri bira na gbata ni.

Awafango-ngbanga 9:2

“Ala gue, ahunda akota zo ti gbata ti Sishem, atene: ‘Ala ye titene zo oko laa aduti na ndö ti ala? Wala ala ye titene amolenge balembarambara ti Yerubaal kue laa aduti na ndö ti ala? Ayeke nzoni ala dabe ti ala atene, mbi yeke mene ti ala!’ ”