2 Samuel 4:12 - Mbeti ti Nzapa - Tënë so amu fini

¹² David amu yanga na afini turugu ti lo ti fâ Rekab na Baana. Na pekoni, ala de amaboko na agere ti Rekab na Baana, ala kanga ala na nduzu na tere ti ndo so a yeke bata ngu daa na Hebron. Ala mu li ti Ishebaal, a lu na ya ti du ti kuâ ti Abner, na Hebron.

2 Samuel 4:12 ပူးပေါင်းရင်းမြစ်များ

2 Samuel 1:15

David airi mbeni turugu ti lo oko si atene na lo: “Ga mo fâ lo!” Turugu ni afâ lo.

2 Samuel 16:8

*KOTA GBIA afâ ngbanga na li ti mo ndali ti mene ti azo ti da ti Saul so mo tuku so. Mo nzi mbata ti gbia na maboko ti Saul, nilaa KOTA GBIA amu ni na molenge ti mo Absalom. Ti mo, mo ga fadeso zo ti mawa, ngbanga ti so mo yeke zo ti fango zo!”

2 Samuel 2:8

Andaa makonzi ti aturugu ti Saul, Abner, molenge ti Ner, amu lani Ishebaal, molenge ti Saul ague na lo na kodro ti Mahanaim.

2 Samuel 21:9

Gbia azia ala na maboko ti azo ti Gabaon si azo ti Gabaon akanga kamba na go ti ala na nduzu na li ti mbeni hoto na dawa ti KOTA GBIA. Azo ni mbarambara kue akui legeoko. Azo ti Gabaon afâ ala lani na ya ti akozo lango ti fango ale ti *orze.

2 Samuel 3:32

A lu Abner na Hebron. Na yanga ti du ti kuâ ni, gbia ati na kota toto si azo ti kodro kue atoto nga.

Abia (Psaumes) 55:23

Zi akungba ti be ti mo, mo zia na ndö ti KOTA GBIA, fade lo yeke mu na mo aye so kue atia mo. Lo yeke zia zo ti mbirimbiri titene mbeni ye ayingi lo pepe.

Matthieu 7:2

Biani, Nzapa ayeke fâ ande ngbanga na li ti ala gi tongana ti so ala yeke fâ ngbanga na li ti azo. Ye so ala mu ti haka na ye na azo, ni laa Nzapa ayeke mu ni ti haka na ye na ala.