2 Samuel 4:11 - Mbeti ti Nzapa - Tënë so amu fini

¹¹ So fadeso asioni zo afâ mbeni zo ti mbirimbiri na ya ti da ti lo, na ndö ti gbogbo ti lo senge senge so, fade mbi yeke hunda mene ti lo na maboko ti ala pepe? Mbi yeke mingo ala na ndö ti sese ti ala pepe?”

2 Samuel 4:11 ပူးပေါင်းရင်းမြစ်များ

Tongo nda ti aye 4:11

Sese azi yanga ti lo si ayamba mene ti ita ti mo so mo fâ lo so. Fadeso, a deba mo si a tumba mo na ndö ti nzoni sese ni awe.

Tongo nda ti aye 6:13

Nzapa atene na Noe: “Ti mbi, ngoi titene mbi hunzi azo ti sese kue alingbi awe. Ndali ti ala, sarango ngangu na azo asi singo na ndö ti sese. Mbi yeke hunzi azo ni kue si mbi yeke buba nga sese ni kue.

Tongo nda ti aye 7:23

Lege so KOTA GBIA ahunzi aye so kue ayeke na fini na ndö ti sese laa: azo, anyama ti kodro, anyama so ayeke hara harango, na andeke kue. Ala kue ahunzi. Gi Noe na ala so ayeke na tere ti lo na ya ti mangboko ni laa angba.

2 Samuel 16:8

*KOTA GBIA afâ ngbanga na li ti mo ndali ti mene ti azo ti da ti Saul so mo tuku so. Mo nzi mbata ti gbia na maboko ti Saul, nilaa KOTA GBIA amu ni na molenge ti mo Absalom. Ti mo, mo ga fadeso zo ti mawa, ngbanga ti so mo yeke zo ti fango zo!”

2 Samuel 3:27

So Abner akiri na Hebron awe, Yoab amu lo yeke, ala hon yongoro kete, na yanga ti gbagba ti gbata ni, mo baa mo tene, lo ye ti tene mbeni tënë na lo so abaa gi ala use. Kâ, Yoab akpo ya ti Abner, lo fâ lo ndali ti ita ti lo Asael so lani Abner afâ lo so.

2 Samuel 3:39

A tuku mafuta na li ti mbi titene mbi ga gbia awe; me fadeso, ade mbi wara ngangu mingi pepe si akoli so iri ti mama ti ala ayeke Seruya ayeke azo ti sarango ngangu mingi ahon mbi. Ayeke nzoni KOTA GBIA akiri sioni na zo ti sioni alingbi na sioni ti lo.”

1 Agbia 2:32

Biani, Abner, molenge ti Ner, makonzi ti aturugu ti Israel, na Amasa, molenge ti Yeter, makonzi ti aturugu ti Juda ayeke azo ti mbirimbiri si ala yeke nzoni ahon Yoab. Me Yoab afâ ala; babâ ti mbi ahinga tënë ni oko pepe. Fade KOTA GBIA ayeke sara titene ngbanga ti mene ti Yoab ati na li ti lo wani!

Abia (Psaumes) 109:15

Ayeke nzoni KOTA GBIA adabe ti lo na siokpari ti ala lakue, lo zi iri ti azo ni na ndö ti sese so biani biani!

Abia (Psaumes) 9:12

Ala he bia na KOTA GBIA, lo so mbata ti lo ti gbia ayeke na *Sion; ala tene na amara tënë ti akota ye so lo sara.

Sigingo 21:12

“Zo so apika mbeni zo si zo ni akui, fade a yeke fâ lo.

Sigingo 9:15

Tongana mbi yoro fade maboko ti mbi ti bi sioni kobela ti bubango kodro na tere ti mo nga na tere ti azo ti mo, ka ala hunzi na ndö ti sese so biani awe.

Amato 2:22

Me ti azo ti sioni, a yeke zi ala na ya ti kodro ni; azo ti handango amba ti ala, a yeke tumba ala daa.

Amato 25:26

Zo ti mbirimbiri so awoko tere ti lo na dawa ti zo ti sioni ayeke tongana li ti ngu nga na du ti ngu so azende ayeke daa.

Jérémie 10:11

Tënë so ala yeke tene ande na azo ni ayeke so: anzapa so asara yayu na sese pepe so, fade ala yeke ngba na ndö ti sese so pepe, ala yeke ngba na gbe ti yayu pepe.

Habakuk 1:12

*KOTA GBIA, ngbene ye giriri, mo yeke Nzapa ti mbi pepe? Nzapa ti mbi, mo so mo yeke nde si mo yeke nzoni kue, zia e kui pepe! KOTA GBIA, mo soro azo so titene ala fâ ngbanga na li ti e. Mo so mo yeke Kota Têne so mbi luti na ndö ni ti bata tere ti mbi, mo mu lege na ala titene ala pika e.

Habakuk 1:4

Ndani laa azo ayeke sara ye alingbi na ndia pepe, ala yeke fâ ngbanga na lege ti ndia pepe. Zo ti sioni ayeke hon ndö ti zo ti mbirimbiri, awafango-ngbanga ayeke fâ ngbanga kirikiri.

1 Jean 3:12

E sara ye tongana Kain pepe: lo yeke zo ti Sioni wato si lo fâ ita ti lo Abel. Ngbanga ti nyen si lo fâ lo? Ngbanga ti so ye so Kain ayeke sara, ayeke sioni si ti ita ti lo ayeke mbirimbiri.