2 Samuel 3:38 - Mbeti ti Nzapa - Tënë so amu fini

³⁸ Gbia atene na azo ti yangbo ti lo, atene: “Ala hinga atene mbeni makonzi, mbeni kota makonzi akui laso na Israel pepe?

2 Samuel 3:38 ပူးပေါင်းရင်းမြစ်များ

2 Samuel 2:8

Andaa makonzi ti aturugu ti Saul, Abner, molenge ti Ner, amu lani Ishebaal, molenge ti Saul ague na lo na kodro ti Mahanaim.

2 Samuel 3:12

Abner atokua azo na David ti tene na lo: “Kodro ni ayeke ti zo wa? Tongana mo yeda, mbi na mo, e sara *mbuki si fade mbi mu maboko na mo titene azo ti Israel kue akiri na peko ti mo.”

2 Samuel 3:37

Na lango ni so, azo ti Juda kue na azo ti Israel kue ahinga atene, gbia laa amu yanga pepe si a fâ Abner, molenge ti Ner.

2 Samuel 3:39

A tuku mafuta na li ti mbi titene mbi ga gbia awe; me fadeso, ade mbi wara ngangu mingi pepe si akoli so iri ti mama ti ala ayeke Seruya ayeke azo ti sarango ngangu mingi ahon mbi. Ayeke nzoni KOTA GBIA akiri sioni na zo ti sioni alingbi na sioni ti lo.”

Mbeti ti Job 32:9

Dutingo na ngu mingi laa ayeke mu ndara na zo pepe; gango mbakoro laa asara si zo ahinga ye ti mbirimbiri pepe.

1 Samuel 26:15

David atene na Abner: “Mo yeke taa koli laa? Mbeni turugu na Israel ti lingbi na mo ayeke daa pepe! Ngbanga ti nyen si mo bata gbia, kota zo ti mo pepe? Mbeni zo aga ti fâ gbia, kota zo ti mo.