2 Samuel 3:36 - Mbeti ti Nzapa - Tënë so amu fini

³⁶ Azo ni kue ama tënë ti ye so si ala yeda na ni. Aye so kue gbia ayeke sara, ala yeda na ni.

2 Samuel 3:36 ပူးပေါင်းရင်းမြစ်များ

2 Samuel 15:13

Mbeni zo ague, atene na David: “Be ti azo ti Israel kue akiri na mbage ti Absalom.”

2 Samuel 15:6

Absalom ayeke sara gi tongaso na azo ti Israel so kue ague na ndo ti gbia titene gbia afâ ya ti ngbanga ti ala. Tongaso Absalom asara ye na lege ti handa si be ti azo ti Israel kue aye lo.

2 Samuel 3:35

Na pekoni, so ndo ade ti vuko pepe, azo ni aga na kobe na David. Me David adeba yanga ti lo, atene: “Tongana lâ ade ti kui pepe si mbi te mbeni ye wala mbeni kobe andu yanga ti mbi, ayeke nzoni Nzapa asara ye ti ngangu mingi na mbi.”

2 Samuel 3:37

Na lango ni so, azo ti Juda kue na azo ti Israel kue ahinga atene, gbia laa amu yanga pepe si a fâ Abner, molenge ti Ner.

Abia (Psaumes) 62:9

Ala azo, ala zia be ti ala lakue na ndö ti lo, ala fa tënë ti be ti ala na lo. Nzapa ayeke ndo so e yeke kpe daa ti bata tere ti e. Luti kete

Marc 7:37

Azo so ama tënë ni, li ti ala kue akpe si ala tene: “Ye so kue lo yeke sara ayeke nzoni mingi! Lo yeke sara nga si azo so mê ti ala akanga ama ndo si abuburu atene tënë!”