2 Samuel 3:31 - Mbeti ti Nzapa - Tënë so amu fini

³¹ David atene na Yoab nga na azo so kue amu peko ti lo: “Ala suru bongo ti ala, ala yu agbagba bongo, ala toto kuâ ti Abner!” Ti gbia David, lo yeke tambula na peko ti kuâ ni.

2 Samuel 3:31 ပူးပေါင်းရင်းမြစ်များ

Tongo nda ti aye 37:29

So Ruben akiri aga abaa ndo na ya ti du ti ngu ni, Joseph ayeke na ya ni pepe. Lo suru bongo na tere ti lo,

Tongo nda ti aye 37:34

Jacob asuru bongo na tere ti lo, lo yu bongo ti mua si lo toto kuâ ti molenge ti lo na ya ti alango mingi.

2 Samuel 1:11

David agbu bongo ti lo wani si lo suru ni; azo so kue ayeke na tere ti lo asara nga tongana ti lo.

2 Samuel 1:2

Na ota lango ni, mbeni koli alondo na ya ti bâbâ ti Saul asi. Bongo ti lo asuru surungo, ya ti li ti lo kue gi na sese ti fa vundu ti be ti lo. So lo si nduru na David awe, lo kuku, lo kpo li ti lo na sese.

1 Agbia 20:31

Azo so angoro lo atene na lo: “Baa, e ma a tene, agbia ti Israel ayeke baa ka mawa ti azo mingi. E yeke yu bongo ti mua, e yeke zia kamba na go ti e si e yeke gue ti baa gbia ti Israel. E hinga pepe, fade lo yeke zia mo ti ngba na fini.”

1 Agbia 21:27

So Akab ama atënë so Élie atene, lo suru bongo na tere ti lo, lo yu bongo ti mua si lo ke kobe ti sambela. Na bi, lo yeke lango na bongo ti mua ni na tere ti lo si lo yeke tambula gi yeke-yeke.

2 Agbia 19:1

So gbia Ezekias ama ala awe, lo suru bongo na tere ti lo, lo yu bongo ti mua si lo gue na ya ti kota da ti *KOTA GBIA.

2 Agbia 19:2

Na pekoni, lo tokua Eliakim, makonzi ti yangbo ti gbia, lo na wakuasu Shebna nga na ambakoro awayango-sandaga na ndo ti wayanga-Nzapa Ésaïe, molenge ti Amoz. Ala kue ayu bongo ti mua.

Nzoni Tënë so Luc asu na mbeti 7:14

Jésus ague nduru si lo ndu kelekpa ti kuâ ni; azo ti yongo kuâ ni aluti. Jésus atene: “Maseka-koli, mbi tene na mo, zingo!”

Josué 7:6

Josué na *akangba ti Israel asuru bongo na tere ti ala. Ti londo na ndaperere ngbii asi na lakui, ala ti akpo li ti ala na sese na dawa ti sanduku ti mbuki ti KOTA GBIA; ala tuku fuku ti sese na li ti ala.

Aye so Nzapa afa 11:3

Azo ti mbi use so ayeke tene taa-tënë na ndö ti mbi, ala so ayeke yu bongo ti mua so, fade mbi yeke mu lege na ala ti tene peko ti tënë ti yanga ti mbi na azo na ya ti lango saki oko ngbangbo use na baleomene.”

Awafango-ngbanga 11:35

Gi so Yefte abaa lo awe, lo suru bongo na tere ti lo si lo tene: “Ae, molenge ti mbi, mo bi mbi na ya ti mawa awe! Mo laa mo yeke zo ti bingo vundu na be ti mbi! Mbi mu zendo na KOTA GBIA awe, lege titene mbi kiri na peko ayeke daa pepe.”