2 Samuel 3:29 - Mbeti ti Nzapa - Tënë so amu fini

²⁹ Ayeke nzoni ngbanga ti mene ti Abner akiri na ndö ti Yoab na asewa ti lo kue! Na ya ti sewa ti lo, ayeke nzoni mbeni zo aduti daa lakue so kobela so ayeke yuru na lege ti tere ti koli wala ti wali ayuru na tere ti lo, wala mbeni zo so kobela ti buruma asara lo, wala mbeni koli so aga zo ti sarango kua ti awali, wala mbeni zo so akui kuâ ti yongoro zeme wala zo so kobe atia lo.”

2 Samuel 3:29 ပူးပေါင်းရင်းမြစ်များ

2 Samuel 1:16

David atene na zo ti mara ti Amalek ni, atene: “Mene ti mo ayeke kiri na li ti mo wani! Tënë ti yanga ti mo wani laa afâ mo, ngbanga ti so mo tene: ‘Mbi laa mbi fâ gbia so KOTA GBIA atuku mafuta na li ti lo.’ ”

2 Samuel 16:8

*KOTA GBIA afâ ngbanga na li ti mo ndali ti mene ti azo ti da ti Saul so mo tuku so. Mo nzi mbata ti gbia na maboko ti Saul, nilaa KOTA GBIA amu ni na molenge ti mo Absalom. Ti mo, mo ga fadeso zo ti mawa, ngbanga ti so mo yeke zo ti fango zo!”

2 Samuel 3:28

Na ndembe so David ama tënë ni, lo tene: “Na dawa ti *KOTA GBIA, ngbanga ti mene ti Abner, molenge ti Ner ayeke na ndö ti mbi pepe nga na ndö ti kodro-gbia ti mbi oko pepe.

2 Agbia 5:1

Naaman ayeke makonzi ti aturugu ti gbia ti Sirii. Kota zo ti lo aye tënë ti lo mingi si ayeke gonda lo, ngbanga ti so na lege ti lo, Nzapa asara si azo ti Sirii aso benda na ndö ti awato ti ala. Me koli so, ngangu zo ti tiringo bira so, lo yeke zo ti buruma.

2 Agbia 5:27

Biani, fade buruma ti Naaman ayeke ga ti ngba na tere ti mo nga na tere ti *ahale ti mo kpu na kpu!” So Gehazi azia Élisée ti gue, buruma amu tere ti lo si poro ti tere ti lo avuru vurungo tongana tukia.

Abia (Psaumes) 7:17

Sioni so lo leke na be ti lo so ayeke kiri na li ti lo; aye ti ngangu so lo sara na amba ti lo ayeke kiri na ndö ti lo wani.

Sigingo 21:19

na pekoni tongana lo londo, lo sigigi ti tambula na keke, zo so apika mba ti lo so, fade a yeke sara sioni na lo pepe. Me fade lo yeke futa mbeni ye na mba ti lo ni alingbi na lango so mba ti lo ni asara na kua pepe so; fade lo yeke vo yoro na tere ti mba ti lo ni ngbii kobela ti lo akai.

Awayango-sandaga 15:2

Ala tene na azo ti Israel, atene: “Tongana mbeni sioni kobela ayeke yuru na lege ti tere ti mbeni koli, kobela ni asara si koli ni aga *sioni.

Wungo ti azo 35:33

“Kodro so ala yeke duti ande daa, ala sara titene aga *sioni pepe. Tukungo mene laa ayeke sara titene kodro aga *sioni. Zo so atuku mene ti zo, alingbi ala tuku nga mene ti lo si kodro ni akiri aga *nzoni.

Awatokua 28:4

So azo ti zoa ni abaa ngbo ni na tere ti maboko ti Paul, ala tene na popo ti ala: “Koli so ayeke mbeni zo ti fango zo biani. Ataa so lo soo kuâ na le ti ngu, nzapa ti mbirimbiri aye titene lo ngba na fini pepe.”

Ndia ti fani use ni 21:6

Fade akangba kue ti gbata ni, so ti tene ala so ayeke nduru na tere ti kuâ ni, ayeke sukula maboko ti ala na ndö ti kete mama ti bagara so a kungbi go ti lo so.

Aye so Nzapa afa 16:6

Biani, ndali ti so azo ni atuku ando mene ti azo ti mo na ti awayanga-Nzapa, mo mu na ala mene ti nyon. Ye so alingbi na ala laa.”

Awafango-ngbanga 9:24

Tongaso si sioni so Abimelek asara, lo wara ye ti peko ni, ngbanga ti so lo fâ a-ita ti lo, amolenge ti Yerubaal balembarambara kue. Ti azo ti Sishem, sioni so ala sara, ala wara ye ti peko ni, ngbanga ti so ala mu maboko na Abimelek titene lo fâ a-ita ti lo.