2 Samuel 3:28 - Mbeti ti Nzapa - Tënë so amu fini

²⁸ Na ndembe so David ama tënë ni, lo tene: “Na dawa ti *KOTA GBIA, ngbanga ti mene ti Abner, molenge ti Ner ayeke na ndö ti mbi pepe nga na ndö ti kodro-gbia ti mbi oko pepe.

2 Samuel 3:28 ပူးပေါင်းရင်းမြစ်များ

Tongo nda ti aye 4:10

Tongaso KOTA GBIA atene: “Nyen laa mo sara tongaso? Dekongo ti mene ti ita ti mo so mo tuku so, alondo na sese kâ, aga ngbii asi na mbi ge.

Tongo nda ti aye 9:6

Zo so atuku mene ti mba ti lo, fade gi mba ti lo zo laa ayeke tuku mene ti lo, ngbanga ti so Nzapa asara zo si zo ni akpa gi lo Nzapa.

2 Samuel 1:16

David atene na zo ti mara ti Amalek ni, atene: “Mene ti mo ayeke kiri na li ti mo wani! Tënë ti yanga ti mo wani laa afâ mo, ngbanga ti so mo tene: ‘Mbi laa mbi fâ gbia so KOTA GBIA atuku mafuta na li ti lo.’ ”

2 Samuel 16:8

*KOTA GBIA afâ ngbanga na li ti mo ndali ti mene ti azo ti da ti Saul so mo tuku so. Mo nzi mbata ti gbia na maboko ti Saul, nilaa KOTA GBIA amu ni na molenge ti mo Absalom. Ti mo, mo ga fadeso zo ti mawa, ngbanga ti so mo yeke zo ti fango zo!”

2 Samuel 3:27

So Abner akiri na Hebron awe, Yoab amu lo yeke, ala hon yongoro kete, na yanga ti gbagba ti gbata ni, mo baa mo tene, lo ye ti tene mbeni tënë na lo so abaa gi ala use. Kâ, Yoab akpo ya ti Abner, lo fâ lo ndali ti ita ti lo Asael so lani Abner afâ lo so.

2 Samuel 3:29

Ayeke nzoni ngbanga ti mene ti Abner akiri na ndö ti Yoab na asewa ti lo kue! Na ya ti sewa ti lo, ayeke nzoni mbeni zo aduti daa lakue so kobela so ayeke yuru na lege ti tere ti koli wala ti wali ayuru na tere ti lo, wala mbeni zo so kobela ti buruma asara lo, wala mbeni koli so aga zo ti sarango kua ti awali, wala mbeni zo so akui kuâ ti yongoro zeme wala zo so kobe atia lo.”

Sigingo 21:12

“Zo so apika mbeni zo si zo ni akui, fade a yeke fâ lo.

Wungo ti azo 35:33

“Kodro so ala yeke duti ande daa, ala sara titene aga *sioni pepe. Tukungo mene laa ayeke sara titene kodro aga *sioni. Zo so atuku mene ti zo, alingbi ala tuku nga mene ti lo si kodro ni akiri aga *nzoni.

Matthieu 27:24

So Pilate abaa atene, ni ha gbaa si wusuwusu ayeke gue guengo na nduzu, lo mu ngu si lo sukula maboko ti lo na le ti azo kue; lo tene na ala: “Ngbanga ti kuâ ti koli so ayeke na li ti mbi pepe! So abaa gi ala wani!”