2 Samuel 3:27 - Mbeti ti Nzapa - Tënë so amu fini

²⁷ So Abner akiri na Hebron awe, Yoab amu lo yeke, ala hon yongoro kete, na yanga ti gbagba ti gbata ni, mo baa mo tene, lo ye ti tene mbeni tënë na lo so abaa gi ala use. Kâ, Yoab akpo ya ti Abner, lo fâ lo ndali ti ita ti lo Asael so lani Abner afâ lo so.

2 Samuel 3:27 ပူးပေါင်းရင်းမြစ်များ

2 Samuel 13:26

Absalom atene: “Zia lege na ita ti mbi Amnon, e na lo, e gue ma!” Gbia akiri tënë na lo: “Lo gue na ndo ti mo ngbanga ti nyen?”

2 Samuel 19:13

Ala azo ti Juda, ala yeke a-ita ti lo, taa a-ita ti lo. Ala laa alingbi ti duti andangba zo so ayeke mu gbia ti kiri na lo?’

2 Samuel 3:26

So Yoab alondo na ndo ti David akiri awe, lo tokua azo na peko ti Abner. Azo ni amu lo kâ na du ti ngu ti Sira, akiri na lo; David ahinga tënë ni oko pepe.

2 Samuel 3:28

Na ndembe so David ama tënë ni, lo tene: “Na dawa ti *KOTA GBIA, ngbanga ti mene ti Abner, molenge ti Ner ayeke na ndö ti mbi pepe nga na ndö ti kodro-gbia ti mbi oko pepe.

2 Samuel 4:1

So Ishebaal, molenge ti Saul ama a tene, Abner akui na Hebron awe, ngangu ti lo ahunzi kue si kota mbeto agbu azo ti Israel kue.

1 Agbia 2:32

Biani, Abner, molenge ti Ner, makonzi ti aturugu ti Israel, na Amasa, molenge ti Yeter, makonzi ti aturugu ti Juda ayeke azo ti mbirimbiri si ala yeke nzoni ahon Yoab. Me Yoab afâ ala; babâ ti mbi ahinga tënë ni oko pepe. Fade KOTA GBIA ayeke sara titene ngbanga ti mene ti Yoab ati na li ti lo wani!

1 Agbia 2:5

David akiri atene na Salomon: “Sioni so kue Yoab, so iri ti mama ti lo ayeke Seruya, asara na mbi, mo hinga ni kue. Lo laa lo fâ amakonzi use ti aturugu ti Israel, Abner, molenge ti Ner na Amasa, molenge ti Yeter. Na fango azo ni, Yoab atuku mene ti azo na ngoi so kodro ayeke na siriri. Tongaso abongo ti lo kue gi na mene si tënë ni ayeke na li ti lo wani.

1 Mbai 27:21

Ndambo ti mara ti Manase so ayeke na sese ti Galaad: Ido, molenge ti Zakarii. Mara ti Benjamin: Yasiel, molenge ti Abner.

Amato 26:26

Na lege ti mayere, lo lingbi ti honde tënë ti kengo azo, me fade sioni ti lo ayeke sigigi na le ti azo kue polele.

Jérémie 41:2

Ismael, molenge ti Netania, lo na azo baleoko so amu peko ti lo alondo, ala kpo Gedalia, molenge ti Netania na yongoro zeme. Lege so ala fâ lo so gbia ti Babilone azia lo na li ti kodro ni laa.

Wungo ti azo 35:19

Zo so alingbi ti kiri peko ni na zo ni laa ayeke fâ lo. Tongana lo wara lo, lo yeke fâ lo.

Wungo ti azo 35:20

Tongana mbeni zo apusu mba ti lo na sioni be, wala lo bo mba ti lo ni na mbeni ye, ngbanga ti so be ti lo ake mba ti lo ni kozoni si mba ti lo ni akui,

Ndia ti fani use ni 27:24

‘Deba aga na ndö ti zo so afâ mba ti lo na hondengo ni!’ Fade azo kue ayeke kiri tënë, atene: ‘Amen!’