2 Samuel 3:22 - Mbeti ti Nzapa - Tënë so amu fini

²² Kete na pekoni, Yoab na aturugu ti David alondo na bira si ala kiri. Ala ga na aye mingi so ala gbu na peko ti bira. Abner ayeke na Hebron na tere ti David mbeni pepe, ngbanga ti so David azia lege na lo si lo kiri na siriri.

2 Samuel 3:22 ပူးပေါင်းရင်းမြစ်များ

2 Samuel 3:23

So Yoab na aturugu ti lo kue asi awe, mbeni zo atene na Yoab: “Abner, molenge ti Ner aga na ndo ti gbia si gbia azia lege na lo, lo kiri na siriri.”

2 Samuel 4:2

Ishebaal ayeke lani na akoli use na gbe ti lo so ala yeke amakonzi ti aturugu ti lo; iri ti mbeni ayeke Baana si iri ti mbeni ayeke Rekab. Ala yeke amolenge ti Rimon, zo ti gbata ti Beerot. – A baa Beerot tongana mbeni mbage ti sese ti Benjamin.

1 Samuel 27:8

David na azo ti lo alondo na Siklag si ala gue ti tiri bira na azo ti Geshur, azo ti Girzi nga na azo ti Amalek. Azo ni so alango na kodro ni ngbene ye aninga, ti londo na mbage ti Shur ngbii asi na yanga ti kodro ti Ezipte.