2 Samuel 3:20 - Mbeti ti Nzapa - Tënë so amu fini

²⁰ Abner na azo baleuse so amu peko ti lo ague, awara David na Hebron. David aleke matanga ti tengo kobe ndali ti Abner na azo so amu peko ti lo.

2 Samuel 3:20 ပူးပေါင်းရင်းမြစ်များ

Tongo nda ti aye 26:30

Isaac aleke kobe ti matanga ndali ti ala si ala te, ala nyon.

Tongo nda ti aye 31:54

Jacob amu *sandaga na Nzapa na ndö ti hoto ni. Lo tisa a-ita ti lo ti te kobe. Na peko ti so ala te kobe awe, ala lango na ndö ti hoto ni na bi ni so.

2 Samuel 3:19

Abner atene nga tënë na azo ti mara ti Benjamin. Na pekoni, Abner ague na Hebron si lo tene na David ye so azo ti Israel na azo ti Benjamin kue aleke na be ti ala ti sarango ni.

2 Samuel 3:21

Abner atene na David: “Gbia ti mbi, mbi yeke gue ti bongbi azo ti Israel kue titene ala duti na gbe ti mo. Fade ala na mo ayeke sara *mbuki si mo yeke le-gbia na ndö ti kodro ni kue tongana ti so be ti mo aye.” David azia lege na Abner si Abner akiri na siriri.

Esther 1:3

lo leke mbeni kota matanga ti tengo kobe ndali ti akota zo ti kua ti lo kue na akota zo ti akua nde nde. Lo leke nga ni ndali ti akota zo so ayeke na li ti aturugu ti Perse na ti Medii, nga ndali ti azo so azo ane ala mingi na akota zo ti kua ti kodro ni kue.

1 Samuel 25:36

Abigail akiri na tere ti Nabal. Andaa na da kâ, Nabal asara matanga tongana matanga ti gbia. Tere ti Nabal anzere mingi si lo nyon samba ahon ndö ti lo. Abigail atene tënë oko na lo pepe ngbii asi na kota ndaperere.