2 Samuel 3:13 - Mbeti ti Nzapa - Tënë so amu fini

¹³ David akiri tënë: “Nzoni! Fade mbi na mo, e yeke sara *mbuki; me mbi hunda na mo gi ye oko: Kozo titene mbi na mo, e wara tere, ayeke nzoni mo tokua wali ti mbi Mikal, molenge ti Saul si.”

2 Samuel 3:13 ပူးပေါင်းရင်းမြစ်များ

Tongo nda ti aye 43:3

Juda atene na lo: “Koli ni atene na e mbirimbiri, atene: ‘Tongana ita ti ala ayeke na tere ti ala pepe, ala yeke baa le ti mbi pepe.’

Tongo nda ti aye 44:23

Mo tene na e, azo ti gbe ti mo, mo tene: ‘Tongana tanga ti ita ti ala ni aga na ala pepe, ala yeke kiri ti baa le ti mbi pepe.’

Tongo nda ti aye 44:26

E kiri tënë na babâ ti e, e tene: ‘E lingbi ti gue pepe. Tongana tanga ti ita ti e ayeke na tere ti e si e yeke gue. Tongana lo yeke na tere ti e pepe, lege titene e baa le ti koli so ayeke daa pepe.’

2 Samuel 3:12

Abner atokua azo na David ti tene na lo: “Kodro ni ayeke ti zo wa? Tongana mo yeda, mbi na mo, e sara *mbuki si fade mbi mu maboko na mo titene azo ti Israel kue akiri na peko ti mo.”

1 Mbai 15:29

Na ndembe so sanduku ti mbuki ti KOTA GBIA ayeke li na Gbata ti David, Mikal, molenge ti Saul ti wali ayeke baa ndo na le ti fenetere. Lo baa gbia David so ayeke dodo si lo yeke sara ngia; na be ti Mikal, lo baa David tongana mbumbuse zo.