2 Samuel 3:10 - Mbeti ti Nzapa - Tënë so amu fini

¹⁰ KOTA GBIA adeba yanga ti lo atene, fade lo yeke zi kua ti gbia na maboko ti azo ti sewa ti Saul si lo yeke zia David titene lo duti gbia na ndö ti Israel nga na ndö ti Juda, ti londo na Dan ngbii asi na Bersheba.”

2 Samuel 3:10 ပူးပေါင်းရင်းမြစ်များ

2 Samuel 17:11

Ti mbi, wango so mbi ye ti mu ayeke so: ayeke nzoni mo bongbi aturugu kue ti Israel na tere ti mo, ti londo na Dan ngbii asi na Bersheba. Alingbi wungo ti ala aduti tongana wungo ti mbutu ti yanga ti kota ngu-ingo. Na pekoni, mo wani, mo duti na li ti ala ti gue na bira ni.

2 Samuel 24:2

Gbia atene na Yoab, makonzi ti aturugu so ayeke na tere ti lo, atene: “Mo tambula na popo ti amara kue ti Israel, ti londo na Dan ngbii asi na Bersheba. Ala diko wungo ti azo ni si mbi lingbi ti hinga wungo ti ala.”

2 Samuel 3:11

Ishebaal alingbi ti kiri tënë na Abner pepe, ngbanga ti so lo sara mbeto ti Abner mingi.

2 Samuel 3:21

Abner atene na David: “Gbia ti mbi, mbi yeke gue ti bongbi azo ti Israel kue titene ala duti na gbe ti mo. Fade ala na mo ayeke sara *mbuki si mo yeke le-gbia na ndö ti kodro ni kue tongana ti so be ti mo aye.” David azia lege na Abner si Abner akiri na siriri.

Awafango-ngbanga 20:1

Azo ti Israel kue abongbi tere tongana zo oko na dawa ti *KOTA GBIA na sese ti Mispa. Ala londo na sese ti Dan ngbii ala si na Bersheba nga na Galaad.

1 Samuel 15:28

Samuel atene na lo: “Lege so laa KOTA GBIA azi lengo-gbia na maboko ti mo laso na ndö ti Israel; lo mu ni na mbeni zo nde so ayeke nzoni ahon mo.

1 Samuel 28:17

Tënë ti KOTA GBIA so lo tene lani na mbi si mbi tene na mo so, ni laa lo sara ye alingbi na ni so. KOTA GBIA azi lengo-gbia na maboko ti mo awe, lo mu na mbeni zo nde; lo mu ni na David.

1 Samuel 3:20

Nilaa, ti londo na sese ti Dan ngbii asi na kodro ti Bersheba, azo ti Israel kue ahinga atene, Samuel aga fadeso wayanga-Nzapa awe.