2 Samuel 3:1 - Mbeti ti Nzapa - Tënë so amu fini

¹ Bira ni aninga mingi na popo ti azo ti Saul na ti azo ti David. Ngangu ti David ayeke gue guengo na nduzu, me ngangu ti azo ti Saul ayeke woko wokongo.

2 Samuel 3:1 ပူးပေါင်းရင်းမြစ်များ

Tongo nda ti aye 3:15

Mbi yeke zia kangbi na popo ti mo na wali, na popo ti *ahale ti mo, na ala ti wali. Fade ahale ti wali ayeke zia ka na li ti mo si mo, mo yeke zia ka na ngbonda ti gere ti ala.”

2 Samuel 2:17

Na lango ni so, bira aza wâ ngangu mingi. Abner na azo ti Israel ati na gbe ti aturugu ti David.

2 Samuel 2:28

Yoab ahuru didi si aturugu ti lo kue aluti, ala zia lege ti tumbango peko ti azo ti Israel; bira ni ahunzi.

2 Samuel 22:44

Azo ti kodro ti mbi so atomboka na tere ti mbi so mo yeke zi mbi na maboko ti ala; mo zia mbi na ndö ti amara nde. Azo ti mara so mbi hinga ala pepe aga azo ti gbe ti mbi.

2 Samuel 3:6

Na ngoi so bira angba na popo ti azo ti Saul na ti David, ngangu ti Abner ayeke gue guengo na nduzu na popo ti azo ti Saul.

2 Samuel 5:10

Ngangu ti David ayeke mai maingo, ngbanga ti so *KOTA GBIA, Nzapa so ayeke na ndö ti dunia kue ayeke na lo.

1 Agbia 14:30

Bira angba lakue na popo ti Roboam na Yeroboam.

1 Agbia 15:16

Na lango so kue Asa na Basha, gbia ti Israel angba ti le-gbia, bira ayeke na popo ti ala.

1 Agbia 15:32

Na lango so kue Asa na Basha, gbia ti Israel angba ti le-gbia, bira ayeke na popo ti ala.

1 Mbai 11:9

Ngangu ti David ayeke mai maingo, ngbanga ti so *KOTA GBIA so ayeke na ndö ti dunia kue ayeke na lo.

1 Mbai 3:1

So ayeke iri ti amolenge-koli so David adu ala na gbata ti Hebron. Kozo molenge ni ayeke Amnon; mama ti lo ayeke Ahinoam, zo ti Yizreel. Use molenge ni ayeke Daniel; mama ti lo ayeke Abigail, zo ti kodro ti Karmel.

Esther 6:13

Haman afa na wali ti lo Zeresh nga na amba ti lo so lo na ala aye tere mingi peko ti aye so kue asi so. Wali ti lo Zeresh na amba ti lo so ayeke azo ti ndara atene na lo, atene: “Mardochée so mo to nda ti ti na gbe ti lo awe so ayeke biani zuife; tingo ti mo kue kue kue na gbe ti lo laa. Mo yeke gbu le ni ande na lo pepe.”

Esther 9:4

Biani, Mardochée ayeke lani kota zo mingi na yangbo ti gbia, sango ti lo amu ya ti akodro-sese ni kue si lo ngba ti ga kota zo lakue.

Mbeti ti Job 17:9

Ala yeke tene: “Ayeke nzoni zo ti mbirimbiri angba gi na lege ti sarango ye ti lo; zo so maboko ti lo avuru, ayeke nzoni lo kiri lo gbu ngangu ahon ti kozoni!”

Mbeti ti Job 8:7

Aye so kue mo wara kozo, fade mo yeke baa ni tongana kete ye tongana mo yeke baa aye so mo yeke wara ande.

Abia (Psaumes) 18:43

Mbi nika ala si ala ga tongana fuku ti sese so pupu amu ahon na ni; mbi tuku ala na ngonda tongana zende ti ndö ti lege.

Abia (Psaumes) 46:9

Ala azo, ala ga abaa ye so KOTA GBIA asara; aye so lo buba na ndö ti sese!

Abia (Psaumes) 84:7

Tongana ala hon na popo-hoto ti Baka so ahole holengo, ala sara si ngu asigigi daa; akozo ngu-Nzapa asara si nzoni ye amu ndo ni kue.

Galasii 5:17

Biani, asioni nzara ti be ti zo ayeke tiri na aye so Yingo aye, aye so Yingo aye ayeke tiri na anzara ti be ti zo. Aye ti Yingo na anzara ti be ti zo ayeke ma tere pepe, so kue ayeke sara si ye so ala ye, ala lingbi ti sara ni pepe.

Efeze 6:12

Biani, e yeke tiri bira ni na azo pepe, me na ayingo so ayeke na komandema, ala so ayeke na ngangu na ndö ti dunia so ayeke na ya ti vukongo ndo, so ti tene asioni yingo so ayeke na le ti nduzu.

Aye so Nzapa afa 6:2

Mbi baa ndo si mbi baa mbeni vuru mbarata. Zo so aduti na ndö ti lo agbu kokora na maboko ti lo; a mu na lo mbeni kpoto ti gbia, lo gue tongana walombe so ahon ndö ti azo na bira awe titene lo kiri lo hon ndö ti azo na bira.