2 Samuel 24:5 - Mbeti ti Nzapa - Tënë so amu fini

⁵ Ala fâ ngu ti Jourdain si ala to nda ti diko wungo ti azo na gbata ti Aroer nga na gbata so ayeke na popo-hoto. Ala hon na sese ti azo ti mara ti Gad si ala mu lege so ague na gbata ti Yazer.

2 Samuel 24:5 ပူးပေါင်းရင်းမြစ်များ

2 Samuel 24:4

Me yanga so gbia amu na Yoab na amakonzi ti aturugu, lo ngba gi na ndö ni; nilaa Yoab na amakonzi ti aturugu ni alondo na da ti gbia si ala gue ti diko wungo ti azo ti Israel.

Ésaïe 17:2

Agbata so ayeke na gbe ti Damas, fade ayeke ngba senge senge biani biani. Agbata ni ayeke ga ndo so ataba na angasa ayeke te pere daa si ala yeke lango daa, zo oko ti zia mbeto na be ti ala ayeke daa pepe.

Wungo ti azo 21:32

Moïse atokua azo ti *bembengo ndo ti baa ya ti gbata ti Yazer. Na pekoni, azo ti Israel amu akodro so ayeke na tere ni. Ala tumba azo ti mara ti Amori so aduti lani kâ.

Wungo ti azo 32:1

Azo ti mara ti Ruben na ti Gad ayeke na gba ti anyama, anyama ni awu ahon ndoni. Nilaa ala baa so sese ti Yazer na ti Galaad ayeke anzoni sese ndali ti batango anyama.

Wungo ti azo 32:3

“Agbata ti Atarot, Dibon, Yazer, Nimra, Heshebon, Elale, Sebam, Nebo na Beon,

Wungo ti azo 32:35

ti Atrot-Shofan, ti Yazer, ti Yogboha,

Ndia ti fani use ni 2:36

Ti londo na gbata ti Aroer so ayeke na yanga ti ngu ti Arnon ti hon na mbage ti gbata so ayeke na popo-hoto ngbii ti si na Galaad, mbeni gbata oko so akara e ayeke daa pepe. KOTA GBIA Nzapa ti e azia agbata ni kue na maboko ti e.

Josué 13:16

Katikati ti sese ti ala ni na mbage ti Mbongo ayeke gbata ti Aroer so ayeke na yanga ti ngu ti Arnon nga na gbata so ayeke na popo-hoto ti Arnon. Sese ni amu nga kpangbara sese so ayeke na tere ti Medeba;

Josué 13:25

Sese so ala wara ayeke sese ti Yazer, agbata ti Galaad kue na ndambo ti sese ti azo ti Amon, ague ngbii asi na Aroer, so ayeke baa le na Raba.

Josué 13:9

Katikati ti sese ti ala ni na mbage ti Mbongo ayeke gbata ti Aroer so ayeke na yanga ti ngu ti Arnon nga na gbata so ayeke na popo-hoto ti Arnon. Sese ni amu kpangbara sese so kue alondo na Medeba ngbii asi na Dibon,

1 Samuel 30:28

ala ti Aroer, ala ti Sifmot, ala ti Eshtemoa,