2 Samuel 24:25 - Mbeti ti Nzapa - Tënë so amu fini

²⁵ Lo sara gbalaka na ndo ni ndali ti KOTA GBIA; lo mu na lo asandaga so a yeke gbi ni kue na wâ nga na sandaga ti beoko. Tongaso, KOTA GBIA ama sambela ndali ti kodro ni si sioni kobela so ayeke fâ azo ti Israel so ahunzi.

2 Samuel 24:25 ပူးပေါင်းရင်းမြစ်များ

Tongo nda ti aye 12:7

KOTA GBIA asi na Abram si lo tene na Abram, lo tene: “Mbi yeke mu ande kodro so na *ahale ti mo.” Abram aleke mbeni gbalaka na ndo so ndali ti KOTA GBIA so asi na lo.

Tongo nda ti aye 22:9

So ala si na ndo so Nzapa afa na lo awe, Abraham aleke mbeni gbalaka si lo leke akeke ti wâ ni na ndö ni. Lo kanga molenge ti lo Isaac na kamba si lo zia lo na ndö ti akeke ti wâ ni, na ndö ti gbalaka ni.

Tongo nda ti aye 8:20

Noe aleke mbeni gbalaka ndali ti KOTA GBIA. Na popo ti anyama so kue ayeke *nzoni, na andeke so kue ayeke *nzoni, lo mu oko na ya ti mara oko oko ti mu na *sandaga so a yeke gbi ni kue na wâ na KOTA GBIA na ndö ti gbalaka ni.

2 Samuel 21:14

A lu abio ti ala, ti Saul na ti Jonatan na du ti kuâ ti Kish, babâ ti Saul na kodro ti Sela, na sese ti Benjamin. Na peko ti so azo asara ye so kue gbia amu yanga daa, Nzapa abaa mawa ti kodro ni.

2 Samuel 24:14

David akiri tënë na Gad, atene: “Mbi yeke na ya ti ye ti ngangu mingi! Mbi gbu gere ti mo, zia e ti na maboko ti KOTA GBIA, ngbanga ti so nzoni be ti lo ayeke kota; me mbi ye ti ti na maboko ti azo pepe.”

1 Agbia 1:1

Gbia David aga mbakoro awe; ngu ti lo ayeke mingi. Ataa so a yeke bi abalangeti na ndö ti lo, tere ti lo amu wâ pepe.

Ezekiel 16:42

Le ti mbi ayeke be na ngonzo ti wâ na tere ti ala ngbii be ti mbi ade si. Na pekoni, mbanda so mbi yeke sara na tere ti mo ayeke hunzi, be ti mbi ayeke de, mbi yeke kiri ti sara ngonzo pepe.

Wungo ti azo 17:13

Lo gue, lo luti na popo ti azo so akui awe, na ala so angba na fini. Kobela ti bubango kodro ni akai.

Awafango-ngbanga 21:4

Lango oko na pekoni, so ndo angba kâ, azo ti Israel alondo, ala leke mbeni gbalaka na ndo ni so. Ala mu *sandaga so a yeke gbi ni kue na wâ nga na sandaga ti beoko.

Awafango-ngbanga 6:24

Na ndo ni so, Gédéon aleke mbeni gbalaka na KOTA GBIA si lo di iri ni: “KOTA GBIA ayeke mu siriri.” Gbalaka ni angba na Ofra, kodro ti kete mara ti Abiezer ngbii asi laso.

1 Samuel 13:9

Saul atene: “Ala ga na mbi *sandaga so a yeke gbi ni kue na wâ nga na sandaga ti beoko.” Na pekoni, lo wani, lo mu na Nzapa sandaga so a yeke gbi ni kue na wâ.

1 Samuel 14:35

Tongaso, Saul asara gbalaka ndali ti KOTA GBIA. So ayeke kozo gbalaka so lo sara ndali ti KOTA GBIA laa.

1 Samuel 7:17

Na pekoni, lo yeke kiri na Rama, ngbanga ti so da ti lango ti lo ayeke kâ. Kâ laa lo yeke fâ ngbanga ti azo ti Israel si lo sara nga gbalaka ndali ti KOTA GBIA.

1 Samuel 7:9

Samuel amu kete taba so angba ti nyon me si lo mu na *sandaga so a yeke gbi ni kue na wâ na KOTA GBIA. Samuel avoro KOTA GBIA ndali ti azo ti Israel. KOTA GBIA ama lo.