2 Samuel 24:24 - Mbeti ti Nzapa - Tënë so amu fini

²⁴ Me gbia atene na Aravna: “Ên-en! Mbi yeke vo ni alingbi gi na ngere ni. Ye so a mu na mbi senge senge, mbi ye ti mu na sandaga so a yeke gbi ni kue na wâ na KOTA GBIA, Nzapa ti mbi pepe!” David avo lakere ni nga na abagara ni na ale ti nginza baleoku.

2 Samuel 24:24 ပူးပေါင်းရင်းမြစ်များ

Tongo nda ti aye 23:11

“Ma mbi si, kota zo! Tënë ni laa pepe! Mbi mu na mo yaka ni, na du ti têne ni senge senge. Na le ti azo ti kodro ti mbi laa mbi mu ni na mo. Lu kuâ ti wali ti mo daa.”

Tongo nda ti aye 23:13

Na pekoni, lo tene na Efron na le ti azo ti sese ni, lo tene: “Ayeke nzoni mo nga, mo ma mbi si! Mbi yeke futa na mo nginza ti yaka ni. Yeda, mo mu ni na maboko ti mbi si mbi lu kuâ ti wali ti mbi daa.”

Tongo nda ti aye 23:16

Abraham ama tere na Efron; lo diko ale ti nginza alingbi na ti so Efron adiko na le ti azo ti mara ti Het kue so si lo mu na lo. Wungo ti nginza ni ayeke ale ti nginza ngbangbo osio, so azo ayeke vo na ye na ngoi ni kâ.

1 Mbai 21:1

Mbeni lâ, Satan alondo ti sara ye ti sioni na azo ti Israel; lo pusu David titene lo diko wungo ti azo ti Israel.

1 Mbai 22:1

Nilaa David atene: “Ndo so laa da ti KOTA GBIA Nzapa ayeke daa si ndo so nga laa gbalaka so azo ti Israel alingbi ti mu asandaga na ndö ni na Nzapa laa.”

Rome 12:17

Tongana mbeni zo asara sioni na ala, ala kiri peko ni na lo pepe. Ala gi lege ti sara ye so ayeke nzoni na le ti azo kue.