2 Samuel 24:22 - Mbeti ti Nzapa - Tënë so amu fini

²² Aravna atene na David: “Gbia, mo lingbi ti mu ni senge, mo mu na *sandaga so a yeke gbi ni kue na wâ ye so be ti mo aye. Baa, abagara ti mbi ndali ti sandaga ni laa. Ye ti pikango na ale ti ble na akeke so a kanga na go ti abagara ni, fade a yeke sara na wâ ndali ti sandaga ni.

2 Samuel 24:22 ပူးပေါင်းရင်းမြစ်များ

Tongo nda ti aye 23:11

“Ma mbi si, kota zo! Tënë ni laa pepe! Mbi mu na mo yaka ni, na du ti têne ni senge senge. Na le ti azo ti kodro ti mbi laa mbi mu ni na mo. Lu kuâ ti wali ti mo daa.”

1 Agbia 19:21

Élisée akiri na le ti yaka ti lo. Lo mu abagara use so, lo fâ ala si lo mu na *sandaga. Lo mu akeke ti *zuge ni na aye ti kua ni kue, lo sara na wâ, lo to na kasa ti abagara ni si lo mu na azo ni titene ala te. Na pekoni, lo londo, lo gue na peko ti Élie si lo ga zo ti kua ti lo.

1 Mbai 21:22

Lo tene na Ornan: “Mu na mbi ndo so lakere ni ayeke daa so. Mbi ye ti sara gbalaka daa ndali ti KOTA GBIA, tongaso si sioni kobela so ayeke fâ azo so ahunzi. Ka ndo ni na mbi alingbi taa gi na ngere ni.”

Awafango-ngbanga 6:26

Fade mo leke na KOTA GBIA, Nzapa ti mo mbeni gbalaka so a leke ni nzoni na li ti hoto so. Na pekoni, mo mu koli-bagara ni, mo ya na sandaga so a yeke gbi ni kue na wâ na KOTA GBIA. Mo mu keke so a leke aluti na nduzu ndali ti Ashera si mo fâ ni so, mo gbi na sandaga ni.”

1 Samuel 6:14

Sanduku ni ague, aluti na yaka ti Josué, zo ti Bet-Shemesh. Mbeni kota têne ayeke na ndo ni so. Azo asuru ya ti keke so a leke na pusu ni si ala mu abagara ni na *sandaga so a yeke gbi ni kue na wâ na KOTA GBIA.