2 Samuel 24:21 - Mbeti ti Nzapa - Tënë so amu fini

²¹ Lo hunda gbia, lo tene: “Gbia, mo ga na ndo ti mbi ngbanga ti nyen?” David akiri tënë: “Mbi ga ti vo lakere ti mo so titene mbi sara gbalaka daa ndali ti KOTA GBIA, tongaso si sioni kobela so ayeke fâ azo so ahunzi.”

2 Samuel 24:21 ပူးပေါင်းရင်းမြစ်များ

Tongo nda ti aye 50:10

So ala si na ndö ti lakere ti Atad, so ayeke na mbage ti ngu ti Jourdain, ala luti si ala kiri atoto kuâ ni ngangu mingi. Joseph akiri asara mua ti babâ ti lo na ya ti lango mbarambara.

2 Samuel 24:18

Gi na lango ni so, Gad asi na ndo ti David si atene na lo: “Gue na lakere ti Aravna, zo ti mara ti Yebus, mo sara mbeni gbalaka ndali ti *KOTA GBIA kâ.”

2 Samuel 24:20

Aravna abi le ti lo na gbeni, lo baa gbia na azo ti kua ti lo so ayeke ga na mbage ti lo. Lo gue na mbage ti ala, lo kuku, lo kpo li ti lo na sese na dawa ti gbia.

2 Samuel 24:3

Yoab akiri tënë na gbia: “Ayeke nzoni KOTA GBIA, Nzapa ti mo asara titene azo ni awu fani ngbangbo oko ahon so si mo baa ni na le ti mo wani! Me gbia, mo ye ti sara ye so ngbanga ti nyen?”

1 Mbai 21:22

Lo tene na Ornan: “Mu na mbi ndo so lakere ni ayeke daa so. Mbi ye ti sara gbalaka daa ndali ti KOTA GBIA, tongaso si sioni kobela so ayeke fâ azo so ahunzi. Ka ndo ni na mbi alingbi taa gi na ngere ni.”

Abia (Psaumes) 106:30

Tongaso Pinas alondo, lo fâ ya ti tënë ni si sioni kobela ni ahunzi.

Wungo ti azo 25:8

Lo li na ya ti da ti bongo na peko ti zo ti Israel ni si lo kpo lo, lo na wali ti Madian ni, ala use kue taa na ya ti ala; lo fâ ala. Tongaso kobela ti bubango kodro so ati na ndö ti azo ti Israel so akai.