2 Samuel 24:17 - Mbeti ti Nzapa - Tënë so amu fini

¹⁷ So David abaa ange so ayeke fâ azo ni, lo tene na KOTA GBIA: “Mbi laa mbi sara siokpari ni! Mbi laa mbi sara sioni ni! Me asenge zo so, nyen laa ala sara, nyen? Mbi gbu gere ti mo, ayeke nzoni mo pika gi mbi na asewa ti mbi.”

2 Samuel 24:17 ပူးပေါင်းရင်းမြစ်များ

Tongo nda ti aye 18:23

Abraham aga nduru si lo tene: “KOTA GBIA, mo yeke bongbi zo ti mbirimbiri na zo ti sioni kue ti fâ ala biani?

Tongo nda ti aye 44:33

Tongaso, kota zo, mbi zo ti gbe ti mo, mbi gbu gere ti mo! Zia mbi ngba ge; mbi ga ngbaa ti mo si molenge ni na a-ita ti lo ague.

2 Samuel 12:13

David atene na Natan: “Mbi sara siokpari so ake KOTA GBIA awe.” Natan akiri tënë na David, atene: “KOTA GBIA azi siokpari na li ti mo awe; mo yeke kui pepe.

2 Samuel 24:10

Na peko ti so David adiko wungo ti azo, be ti lo apika kpu kpu kpu. Lo tene na *KOTA GBIA, lo tene: “Ye so mbi sara so ayeke sioni mingi. Mbi hinga, mbi tene, mbi sara ye tongana zo so li ti lo ayeke daa pepe. Fadeso, KOTA GBIA, mo zi siokpari so na li ti mbi, zo ti kua ti mo.”

2 Samuel 7:8

Ti fadeso, mo tene na David, zo ti kua ti mbi, mo tene: Tënë so KOTA GBIA so ayeke na ndö ti dunia kue atene ayeke so: ‘Mbi laa mbi mu mo na ya ti ngonda, na peko ti ataba na angasa titene mo ga kota zo na ndö ti azo ti mbi, azo ti Israel.

1 Agbia 22:17

Tongaso Mishe atene: “Mbi baa azo ti Israel kue akangbi kirikiri na ndö ti ahoto, tongana ataba so zo ti batango ala ayeke daa pepe. KOTA GBIA atene: ‘Makonzi ti azo so ayeke daa oko pepe. Ayeke nzoni zo oko oko akiri na ndo ti lo na siriri.’ ”

Mbeti ti Job 42:6

Ndani laa, be ti mbi aso ndali ti tënë so lani mbi tene. Mbi hinga so tënë ni ayeke na legeni pepe; mbi duti na ya ti fuku ti sese, na ya ti mburu ti wâ.

Mbeti ti Job 7:20

Mo so mo yeke bembe zo so, tongana mbi sara siokpari, siokpari ni asara nyen na mo? Mo yeke gi peko ti mbi, ti pika mbi ngbanga ti nyen? Mbi ga kungba na ndö ti mo?

Abia (Psaumes) 32:5

Me mbi fa na mo siokpari ti mbi, mbi honde sioni ti mbi pepe. Mbi tene: “Fade mbi yeke fa na KOTA GBIA asioni ti mbi.” Ti mo, mo zi na li ti mbi awe ngbanga ti siokpari ti mbi. Luti kete

Abia (Psaumes) 44:11

Mo sara si e kpe na le ti awato ti e; azo so ake e agbu aye ti e na peko ti bira ahon na ni.

Abia (Psaumes) 74:1

Bia ti fango ye na zo. Bia ti Asaf. O Nzapa, mo ke e biani biani ngbanga ti nyen? E so mo yeke bata e tongana ataba ti mo so, mo sara ngonzo ti wâ na tere ti e ngbanga ti nyen?

Abia (Psaumes) 78:71

na ndembe so lo yeke bata ataba. Lo sara si lo ga zo ti batango azo ti Jacob, azo ti lo; lo ga zo ti batango azo ti Israel, ye ti lo.

Sigingo 10:16

Faraon airi Moïse na Aaron na loro si lo tene na ala: “Mbi sara sioni so ake KOTA GBIA, Nzapa ti ala awe; mbi sara nga sioni so ake ala.

Ésaïe 6:5

Tongaso mbi tene: “Mawa na mbi, mbi kui awe! Mbi yeke zo so tënë ti yanga ti mbi ayeke *sioni, mbi yeke lango na popo ti azo so tënë ti yanga ti ala ayeke *sioni. Mbi baa na le ti mbi wani Gbia, KOTA GBIA so ayeke na ndö ti dunia kue.”

Jonas 1:12

Jonas akiri tënë na ala, atene: “Ala mu mbi, abi mbi na ya ti ngu si fade amapo ti le ti kota ngu-ingo ni akai. Mbi hinga, mbi tene, ndali ti mbi laa kota pupu so ayeke yingi ala so.”

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

Wungo ti azo 16:22

Moïse na Aaron ati akpo li ti ala na sese si atene: “O Nzapa, mo so mo mu fini na azo na anyama kue, fade mo yeke sara ngonzo na tere ti bongbi ti azo kue ndali ti siokpari ti zo oko?”